સરકારે 5 વર્ષ માટે વધાર્યા Recurring Deposit ના વ્યાજ દર, હવે ગ્રાહકોને મળશે 6.7 ટકા ઈન્ટરેસ્ટ
સરકારે શુક્રવારે પાંચ વર્ષની રિકરિંગ ડિપોઝિટ સ્કીમનો વ્યાજ દર ડિસેમ્બર ક્વાર્ટર માટે 6.5 ટકાથી વધારીને 6.7 ટકા કર્યો હતો અને અન્ય તમામ નાની બચત યોજનાઓના દરો યથાવત રાખ્યા હતા.
સરકારે શુક્રવારે પાંચ વર્ષની રિકરિંગ ડિપોઝિટ સ્કીમનો વ્યાજ દર ડિસેમ્બર ક્વાર્ટર માટે 6.5 ટકાથી વધારીને 6.7 ટકા કર્યો હતો અને અન્ય તમામ નાની બચત યોજનાઓના દરો યથાવત રાખ્યા હતા. નાણા મંત્રાલયના પરિપત્ર મુજબ બચત થાપણો પર વ્યાજ દર 4 ટકા અને એક વર્ષની ફિક્સ્ડ ડિપોઝિટ પર 6.9 ટકાના દરે યથાવત રાખવામાં આવ્યો છે. સપ્ટેમ્બર ક્વાર્ટર દરમિયાન દરો સમાન હતા.
હવે વ્યાજ દર શું છે?
બે વર્ષ અને ત્રણ વર્ષની ફિક્સ્ડ ડિપોઝિટ પર વ્યાજ દર 7 ટકા છે જ્યારે પાંચ વર્ષની ફિક્સ્ડ ડિપોઝિટ પરનો દર 7.5 ટકા છે. સિનિયર સિટીઝન સેવિંગ સ્કીમ પર 8.2 ટકા વ્યાજ દર મળશે. આ સિવાય મંથલી ઈન્કમ એકાઉન્ટ સ્કીમ પર વ્યાજ દર 7.4 ટકા છે જ્યારે નેશનલ સેવિંગ્સ સર્ટિફિકેટ (SSC) પર 7.7 ટકા અને પબ્લિક પ્રોવિડન્ટ ફંડ (PPF) સ્કીમ પર 7.1 ટકા છે.
તેવી જ રીતે કિસાન વિકાસ પત્ર પર વ્યાજ દર 7.5 ટકા છે અને રોકાણ 115 મહિનામાં પરિપક્વ થશે. મંત્રાલય દ્વારા જારી કરાયેલા પરિપત્ર મુજબ લોકપ્રિયા બાલિકા યોજના અને સુકન્યા સમૃદ્ધિ ખાતા પર વ્યાજ દર 8 ટકા યથાવત રાખવામાં આવ્યો છે. તમને જણાવી દઈએ કે સરકાર દરેક ક્વાર્ટરમાં પોસ્ટ ઓફિસ દ્વારા સંચાલિત નાની બચત યોજનાઓ પર વ્યાજ દરો જાહેર કરે છે.
આ યોજનાઓના વ્યાજ દરોમાં કોઈ ફેરફાર કરવામાં આવ્યો નથી
1 ઓક્ટોબર 2023 થી 31 ડિસેમ્બર 2023 સુધી સુકન્યા સમૃદ્ધિ યોજના પર 8 ટકા વ્યાજ મળશે. નેશનલ સેવિંગ્સ સર્ટિફિકેટ પર વ્યાજ દર 7.7 ટકા યથાવત રાખવામાં આવ્યો છે. કિસાન વિકાસ પત્રમાં રોકાણ કરનારાઓને 7.5 ટકા વ્યાજ મળશે અને તે 115 મહિનામાં પરિપક્વ થશે. સિનિયર સિટીઝન સેવિંગ સ્કીમ પર આ ક્વાર્ટરમાં 8.2 ટકા વ્યાજ મળશે. પોસ્ટ ઓફિસ મંથલી ઈન્કમ એકાઉન્ટ સ્કીમમાં રોકાણ પર તમને 7.4 ટકા વ્યાજ મળશે. એક વર્ષની ટર્મ ડિપોઝિટ પર 6.9% વ્યાજ, 2 વર્ષની ટર્મ ડિપોઝિટ પર 7% વ્યાજ, 3 વર્ષની ટર્મ ડિપોઝિટ પર 7% વ્યાજ અને 5 વર્ષની ટર્મ ડિપોઝિટ સ્કીમ પર 7.5% વ્યાજ મળશે.
PPF રોકાણકારોમાં નિરાશા
ફરી એકવાર, પબ્લિક પ્રોવિડન્ટ ફંડના વ્યાજ દરોમાં કોઈ વધારો કરવામાં આવ્યો નથી અને તેમાં રોકાણ કરનારા રોકાણકારોને માત્ર 7.1 ટકા વ્યાજ મળશે. એપ્રિલ 2020 થી પીપીએફના વ્યાજ દરોમાં કોઈ ફેરફાર થયો નથી, જ્યારે આ સમયગાળા દરમિયાન આરબીઆઈએ રેપો રેટમાં 2.50 ટકાનો વધારો કર્યો છે. સરકારે તમામ બચત યોજનાઓના વ્યાજદરમાં વધારો કર્યો છે. પરંતુ પીપીએફના વ્યાજદરમાં વધારો ન થતાં રોકાણ કરનારા રોકાણકારો નિરાશા છે.
ટ્રેન્ડિંગ સમાચાર
ટોપ સ્ટોરી
