ચાંદીનો ભાવ 6 લાખ થશે? AI નોકરીઓ ખતમ કરશે? ઓફિસ અને રિયલ એસ્ટેટ ધડામ! જાણો કોણે કરી આ ડરામણી આગાહી
Robert Kiyosaki stock market crash: 'ઈતિહાસનો સૌથી મોટો કડાકો આવી રહ્યો છે': AI નોકરીઓ ભરખી જશે અને રિયલ એસ્ટેટ સેક્ટર તૂટી પડશે, જાણો રોકાણ માટેની સલાહ.
Robert Kiyosaki stock market crash: વિશ્વપ્રખ્યાત પુસ્તક "રિચ ડેડ, પુઅર ડેડ" (Rich Dad Poor Dad) ના લેખક રોબર્ટ કિયોસાકીએ ફરી એકવાર વૈશ્વિક અર્થવ્યવસ્થાને લઈને ખતરાની ઘંટડી વગાડી છે. તેમણે ચેતવણી આપી છે કે વિશ્વભરના શેરબજારોમાં એક ઐતિહાસિક કડાકો (Crash) આવવાનો છે, જેની અસર માત્ર અમેરિકા કે યુરોપ પૂરતી સીમિત નહીં રહે, પરંતુ એશિયન બજારોને પણ હચમચાવી દેશે. કિયોસાકીના મતે, Artificial Intelligence (AI) ના ઉદભવને કારણે નોકરીઓનું સંકટ સર્જાશે, જેની સીધી અસર ઓફિસ અને રિયલ એસ્ટેટ માર્કેટ પર પડશે. જોકે, આ મુશ્કેલ સમયમાં તેમણે ચાંદીને રોકાણ માટેનો 'સુપરહીરો' ગણાવ્યો છે, જેના ભાવ ભવિષ્યમાં ₹6 લાખ સુધી પહોંચવાની શક્યતા છે.
વૈશ્વિક બજારમાં કડાકાની શરૂઆત
રોબર્ટ કિયોસાકીએ સોશિયલ મીડિયા પર કરેલી ટિપ્પણીઓએ રોકાણકારોની ઊંઘ હરામ કરી દીધી છે. તેમણે દાવો કર્યો છે કે ગ્લોબલ ઇક્વિટી માર્કેટમાં ઘટાડાનો દોર શરૂ થઈ ચૂક્યો છે અને અન્ય જોખમી સંપત્તિઓ (Risky Assets) પણ તૂટવા લાગી છે. તેમના મતે, આ કોઈ સામાન્ય મંદી નથી, પરંતુ ઇતિહાસનો સૌથી મોટો આર્થિક કડાકો હોઈ શકે છે. સૌથી ચિંતાજનક બાબત એ છે કે આર્થિક સંકટના વાદળો હવે અમેરિકા અને યુરોપથી આગળ વધીને એશિયન શેરબજારો પર પણ ઘેરાઈ રહ્યા છે.
AI નોકરીઓ ખાઈ જશે: રિયલ એસ્ટેટ પર જોખમ
કિયોસાકીએ ટેકનોલોજી અને અર્થતંત્ર વચ્ચેના સંબંધનું ભયાનક ચિત્ર રજૂ કર્યું છે. તેમના વિશ્લેષણ મુજબ, Artificial Intelligence (AI) મોટા પાયે નોકરીઓનો અંત લાવશે. જ્યારે લોકો પાસે નોકરી નહીં હોય, ત્યારે ઓફિસોની જરૂરિયાત ઘટશે. ખાલી પડેલી ઓફિસો અને ઘટતી આવકને કારણે કોમર્શિયલ રિયલ એસ્ટેટ સેક્ટર ખરાબ રીતે તૂટી પડશે. જો નોકરીઓ ઘટશે તો મકાનો અને ઓફિસોની માંગમાં પણ ધરખમ ઘટાડો થશે, જે આર્થિક ચક્રને ખોરવી નાખશે.
ચાંદી બનશે 'ગેમ ચેન્જર': ભાવ ₹6 લાખ સુધી પહોંચશે?
આ તમામ નકારાત્મક સમાચારો વચ્ચે કિયોસાકીએ એક સંપત્તિ પર મોટો દાવ લગાવ્યો છે, અને તે છે 'ચાંદી' (Silver). તેમના મતે, આ મંદીના સમયમાં ચાંદી શ્રેષ્ઠ રોકાણ સાબિત થશે.
વર્તમાન સ્થિતિ: હાલમાં આંતરરાષ્ટ્રીય બજારમાં ચાંદીનો ભાવ આશરે $50 છે, જે ભારતીય રૂપિયામાં ₹1.5 લાખ (પ્રતિ કિલો આસપાસના અંદાજિત હિસાબે) ગણી શકાય.
ભવિષ્યની આગાહી: કિયોસાકીનો અંદાજ છે કે આ વર્ષે ચાંદી $70 ને પાર કરશે (ભારતમાં અંદાજે ₹2.20 લાખ). વધુમાં, 2026 સુધીમાં તે $200 પ્રતિ ઔંસ સુધી પહોંચી શકે છે. ભારતીય ચલણ મુજબ આ ગણતરી કરીએ તો ભાવ ₹6 લાખ સુધી પહોંચી શકે છે. તેથી, અત્યારે ચાંદી ખરીદવી એ સૌથી સુરક્ષિત અને નફાકારક સોદો છે.
સોનું અને ક્રિપ્ટોનો સહારો
માત્ર ચાંદી જ નહીં, પરંતુ કિયોસાકીએ સોનું (Gold) અને ક્રિપ્ટોકરન્સીને પણ આર્થિક કડાકા સામેનું સુરક્ષા કવચ ગણાવ્યું છે. તેમનું માનવું છે કે જ્યારે કાગળના ચલણ (Fiat Currency) નું મૂલ્ય ઘટશે, ત્યારે બિટકોઇન (Bitcoin) અને ઇથેરિયમ જેવી ક્રિપ્ટોકરન્સી અને કિંમતી ધાતુઓ રોકાણકારોને ટેકો આપશે.
શ્રીમંત બનવાની તક અને 12 વર્ષ જૂની ભવિષ્યવાણી
રોબર્ટ કિયોસાકી માને છે કે દરેક કટોકટી એક તક લઈને આવે છે. જે લોકો આ મંદી માટે અગાઉથી તૈયારી કરશે અને સોના-ચાંદી જેવી વાસ્તવિક સંપત્તિઓમાં રોકાણ કરશે, તેમને શ્રીમંત બનવાની સુવર્ણ તક મળશે. ઉલ્લેખનીય છે કે, તેમણે 2013 માં પ્રકાશિત થયેલા તેમના પુસ્તક 'Rich Dad’s Prophecy' માં જ આ પ્રકારના વૈશ્વિક આર્થિક સંકટની આગાહી કરી હતી, જે હવે સાચી પડતી દેખાઈ રહી છે.
(ડિસ્ક્લેમર: આ લેખમાં આપવામાં આવેલી માહિતી રોબર્ટ કિયોસાકીના અંગત મંતવ્યો પર આધારિત છે. રોકાણ કરતા પહેલા તમારા નાણાકીય સલાહકારની રાય અવશ્ય લેવી.)
ટોપ સ્ટોરી
ટ્રેન્ડિંગ સમાચાર
