SBI ની અસ્મિતા લોન યોજના, મહિલાઓને ગેરંટી વગર મળી રહી છે ઓછા વ્યાજ પર લોન
દેશની મહિલાઓને આર્થિક મદદ કરવા અને મહિલા ઉદ્યોગ સાહસિકોને પ્રોત્સાહન આપવા માટે સરકાર દ્વારા અનેક પ્રકારની યોજનાઓ ચલાવવામાં આવી રહી છે.
દેશની મહિલાઓને આર્થિક મદદ કરવા અને મહિલા ઉદ્યોગ સાહસિકોને પ્રોત્સાહન આપવા માટે સરકાર દ્વારા અનેક પ્રકારની યોજનાઓ ચલાવવામાં આવી રહી છે. સરકારની સાથે હવે બેંકો દ્વારા પણ આવી ઘણી યોજનાઓ ચલાવવામાં આવી રહી છે, જે ખાસ કરીને મહિલાઓ માટે લાવવામાં આવી છે. આમાંની એક યોજના અસ્મિતા લોન છે. અસ્મિતા લોન યોજના માત્ર મહિલાઓને જ લોન આપવા માટે શરૂ કરવામાં આવી છે. આ યોજનાનો ઉદ્દેશ્ય મહિલા સાહસિકોને પ્રોત્સાહન આપવાનો છે. ચાલો જાણીએ શું છે અસ્મિતા લોન યોજના.
SBI અસ્મિતા લોન
અસ્મિતા લોન યોજના દેશની સૌથી મોટી બેંક સ્ટેટ બેંક ઓફ ઈન્ડિયા એટલે કે SBI દ્વારા શરૂ કરવામાં આવી છે. SBIની અસ્મિતા લોન યોજના બેંક દ્વારા મહિલા દિવસના ખાસ અવસર પર લોન્ચ કરવામાં આવી હતી. આ યોજના હેઠળ, મહિલા ઉદ્યોગ સાહસિકોને કોઈપણ ગેરેંટી વિના ઓછા વ્યાજ દરે લોન આપવામાં આવશે, જે મહિલાઓને પોતાનો વ્યવસાય વધારવામાં મદદ કરશે. SBIના ચેરમેન સી.એસ. શેટ્ટીએ જણાવ્યું હતું કે મહિલાઓના નેતૃત્વ હેઠળના સૂક્ષ્મ, નાના અને મધ્યમ ઉદ્યોગોને સરળ અને ઝડપી લોન આપવાના ઉદ્દેશ્ય સાથે આ પહેલ કરવામાં આવી છે.
SBI નારી શક્તિ પ્લેટિનમ ડેબિટ કાર્ડ
SBI દ્વારા અસ્મિતા લોન યોજનાની સાથે નારી શક્તિ પ્લેટિનમ ડેબિટ કાર્ડ પણ લોન્ચ કરવામાં આવ્યું છે. આ ડેબિટ કાર્ડ ખાસ કરીને માત્ર મહિલાઓ માટે જ બનાવવામાં આવ્યું છે. આ ડેબિટ કાર્ડ દ્વારા મહિલાઓ પોતાની ઘણી જરૂરિયાતો પૂરી કરી શકે છે. આ નારી શક્તિ ડેબિટ કાર્ડ RuPay દ્વારા સંચાલિત કરવામાં આવશે.
ભારતીય સ્ટેટ બેંક (SBI) એ મહિલા સાહસિકો માટે એક નવી પહેલની જાહેરાત કરી છે. 'અસ્મિતા' નામની આ લોન સ્કીમ ઓછા વ્યાજ દરે લોન આપશે, જે મહિલા ઉદ્યોગ સાહસિકોને તેમના વ્યવસાયના વિસ્તરણમાં મદદ કરશે.
મહિલા ઉદ્યોગસાહસિકો માટે શરૂ કરવામાં આવેલી અસ્મિતા યોજના હેઠળ, મહિલાઓને પોતાનો ઉદ્યોગ શરૂ કરવા અથવા કામ કરવા માટે સસ્તા દરે લોન આપવામાં આવશે જેથી તેમને નવો ઉદ્યોગ શરૂ કરવામાં નાણાકીય સમસ્યાનો સામનો ન કરવો પડે. આ અંગે એસબીઆઈના ચેરમેન સી.એસ. શેટ્ટીએ જણાવ્યું હતું કે નવી ઓફર મહિલાઓની આગેવાની હેઠળના સૂક્ષ્મ, નાના અને મધ્યમ એકમોને ઝડપથી અને સરળતાથી લોન મેળવવા માટે સક્ષમ બનાવશે. SBIના મેનેજિંગ ડિરેક્ટર વિનય તોન્સેએ નવી ઓફરને તકનીકી નવીનતા અને સામાજિક સમાનતાના પ્રતીક તરીકે વર્ણવી છે.
ટોપ સ્ટોરી
ટ્રેન્ડિંગ સમાચાર
