SBI Hikes Interest Rates: આ સરકારી બેંકે કરોડો ગ્રાહકોને આપી ખુશખબર, આપ્યો વધારે કમાણીનો મોકો

SBI Hikes Interest Rates: જો તમે SBIમાં 2 વર્ષથી ઓછા સમયગાળા માટે FD મૂકવા માંગો છો તો હવે તમારા માટે સારા સમાચાર છે કે તમને વધુ વ્યાજ મળશે. નવો વ્યાજ દર 15 જાન્યુઆરી, 2022થી અમલમાં આવ્યો છે

ફાઈલ તસવીર

SBI Hikes Interest Rates: ખાનગી ક્ષેત્રની HDFC બેંક બાદ હવે સ્ટેટ બેંક ઓફ ઈન્ડિયા (SBI)એ પણ ફિક્સ્ડ ડિપોઝિટ (FD) વ્યાજ દરો (SBI FD ઈન્ટરેસ્ટ રેટ હાઈક્સ) વધાર્યા છે. SBIની વેબસાઈટ અનુસાર, બેંકે 1 વર્ષથી વધુ અને 2 વર્ષ કરતા ઓછા  સમય માટે રૂપિયાની 2 કરોડથી ઓછીની FDના વ્યાજ દરમાં 10 બેસિસ પોઈન્ટનો વધારો કર્યો છે. આ FDs પર હવે 15 જાન્યુઆરી, 2022 થી 5.1% વ્યાજ મળશે. અગાઉ આ દર 5 ટકા હતો. વરિષ્ઠ નાગરિકોને FD પર 5.6% વ્યાજ મળશે.

આવી સ્થિતિમાં જો તમે SBIમાં 2 વર્ષથી ઓછા સમયગાળા માટે FD મૂકવા માંગો છો તો હવે તમારા માટે સારા સમાચાર છે કે તમને વધુ વ્યાજ મળશે. નવો વ્યાજ દર 15 જાન્યુઆરી, 2022થી અમલમાં આવ્યો છે. તમને જણાવી દઈએ કે અગાઉ 8 જાન્યુઆરી, 2021ના રોજ FDના નવા વ્યાજ દરો લાગુ કરવામાં આવ્યા હતા. જૂના વ્યાજ દરો 1 વર્ષથી લઈને 2 વર્ષથી ઓછા સમયગાળાની એફડી સિવાયની અન્ય તમામ એફડી પર લાગુ થાય છે.

7 થી 45 દિવસની એફડી પર 2.90 ટકા, 46 થી 179 દિવસની એફડી પર 3.90 ટકા, 180 થી 210 દિવસની એફડી પર 4.40 ટકા, 211 દિવસથી એક વર્ષથી ઓછા સમયની એફડી પર 4.40 ટકા, 1 વર્ષ સુધી 5.1 ટકા, 2 વર્ષથી 3 વર્ષથી ઓછા સમયગાળાની એફડી પર 5.1 ટકા, 3 વર્ષથી 5 વર્ષથી ઓછી મુદતવાળી એફડી પર 5.3 ટકા ટકાવારી અને 5.4 ટકા વ્યાજ દર 5 વર્ષથી 10 વર્ષ સુધીની મુદતવાળી FD પર  લાગુ થાય છે. વરિષ્ઠ નાગરિકો માટે વ્યાજ દરો અનુક્રમે 3.4 ટકા, 4.4 ટકા, 4.9 ટકા, 5.6 ટકા (વધારો), 5.6 ટકા, 5.8 ટકા અને 6.2 ટકા છે. તમને જણાવી દઈએ કે આ પહેલા તાજેતરમાં જ ખાનગી ક્ષેત્રની HDFC બેંકે પણ તેના  FD પર વ્યાજ દરમાં વધારો કર્યો હતો.