ઈરાન પર હુમલાથી શેર બજારોમાં કડાકો... પ્રી-ઓપન માર્કેટમાં 7000 પોઈન્ટ ગગડ્યો સેન્સેક્સ, કાચા તેલમાં 10%નો ઉછાળો
Iran Israel US War: અમેરિકા-ઈરાન યુદ્ધના કારણે મિડલ ઈસ્ટમાં તણાવ વધી ગયો છે. આ યુદ્ધ એક મોટું સ્વરૂપ લઈ રહ્યું છે, ધીમે-ધીમે આમાં અત્યાર સુધીમાં 10 દેશો સામેલ થઈ ચૂક્યા છે.
Iran Israel US War: અમેરિકા-ઈરાન યુદ્ધના કારણે મિડલ ઈસ્ટમાં તણાવ વધી ગયો છે. આ યુદ્ધ એક મોટું સ્વરૂપ લઈ રહ્યું છે, ધીમે-ધીમે આમાં અત્યાર સુધીમાં 10 દેશો સામેલ થઈ ચૂક્યા છે. આ દરમિયાન, કાચા તેલના ભાવમાં ભારે ઉછાળો જોવા મળ્યો છે. સોમવારે જ્યારે બજાર ખુલ્યું ત્યારે બ્રન્ટ ક્રૂડ ઓઈલ 10 ટકા ઉછળીને લગભગ 80 ડોલર પ્રતિ બેરલ પર પહોંચી ગયું હતું. બીજી તરફ નિષ્ણાતોનું કહેવું છે કે જો તેલની કિંમતો વધુ વધશે તો તે 100 ડોલર પ્રતિ બેરલ સુધી જઈ શકે છે.
કાચા તેલના ભાવમાં તીવ્ર ઉછાળો અને યુદ્ધની સ્થિતિ સર્જાવાને કારણે શેરબજારના રોકાણકારો પણ ડરેલા છે. ભારતીય શેરબજારમાં પણ આજે ભારે ઘટાડાની આશંકા વ્યક્ત કરવામાં આવી રહી છે. બીજી તરફ ઓઈલ ટ્રેડર્સનું કહેવું છે કે જો સ્થિતિ વધુ બગડશે તો કિંમતો 100 ડોલર પ્રતિ બેરલ સુધી પહોંચી શકે છે.
તેલની કિંમતોમાં ઉછાળો આવવાનું સૌથી મોટું કારણ સ્ટ્રેટ ઓફ હોર્મુઝ (Strait of Hormuz) છે, જે તેના ભાવમાં તીવ્ર વધારો કરી શકે છે. કારણ કે આ એક એવું ચોકપોઈન્ટ છે, જ્યાંથી દુનિયાનો લગભગ 40 ટકા કાચો તેલ સપ્લાય થાય છે અને તે ઈરાનના નિયંત્રણમાં છે. આ રસ્તો બંધ થવાથી તેલનો પુરવઠો અટકી શકે છે, જેના ડરથી તેલની કિંમતોમાં વધારો જોવા મળી રહ્યો છે.
ભારત માટે કેટલું મોટું સંકટ ઈરાનની ચેતવણી બાદ મોટાભાગના ટેન્કર માલિકો, તેલ કંપનીઓ અને ટ્રેડિંગ હાઉસએ સ્ટ્રેટ ઓફ હોર્મુઝના રસ્તે કાચા તેલ, ઈંધણ અને LNG ના શિપમેન્ટને રોકી દીધા છે. ભારત અને ચીન આ રસ્તેથી સૌથી વધુ તેલની આયાત કરે છે. ભારત તેની કુલ તેલ આયાતનો 50 ટકા હિસ્સો આ જ રસ્તેથી લાવે છે. સાથે જ ઘણી બધી વસ્તુઓ ગલ્ફ દેશોને આ જ રસ્તેથી નિકાસ પણ કરે છે.
શેરબજારમાં શું થશે?
ગિફ્ટ નિફ્ટી (Gift Nifty) 166 પોઈન્ટ નીચે છે. આવી સ્થિતિમાં નિફ્ટીમાં 150 પોઈન્ટથી વધુના ઘટાડાની અપેક્ષા રાખવામાં આવી રહી છે. શુક્રવારે પણ શેરબજારમાં ભારે ઘટાડો જોવા મળ્યો હતો. સેન્સેક્સ 961 પોઈન્ટ ગબડ્યો હતો, જ્યારે નિફ્ટી 317 પોઈન્ટ તૂટ્યો હતો. બીજી તરફ પ્રી-ઓપન માર્કેટમાં નિફ્ટી 900 પોઈન્ટ નીચે છે અને સેન્સેક્સ 7000 પોઈન્ટ તૂટ્યો છે.
ટોપ સ્ટોરી
ટ્રેન્ડિંગ સમાચાર
