Israel-Iran યુદ્ધથી શેરબજારમાં ભારે ઉથલપાથલ... સેન્સેક્સ 1000 પોઈન્ટ તુટ્યો, 6 લાખ કરોડ સ્વાહા!
Israel-Iran War: સોમવારે ભારતીય શેરબજારમાં નોંધપાત્ર ઘટાડો જોવા મળ્યો. ઇરાન-ઇઝરાયલ યુદ્ધને કારણે શેરબજારમાં ભારે ઘટાડો થયો છે, જ્યારે ક્રૂડ ઓઇલના ભાવમાં ઉછાળો જોવા મળી રહ્યો છે.
Israel-Iran War: ઈરાન-ઈઝરાયેલ અને અમેરિકા વચ્ચેના યુદ્ધના કારણે ભારતીય શેરબજારમાં ભારે ઘટાડો જોવા મળી રહ્યો છે. સેન્સેક્સ 2743 પોઈન્ટ અથવા 3.38% તૂટીને 78543 પર ખુલ્યો, જ્યારે નિફ્ટી 519 પોઈન્ટ અથવા 2.06 ટકા ઘટીને 24659 પોઈન્ટ પર ખુલ્યો. બેંક નિફ્ટીમાં 1300 પોઈન્ટથી વધુનો ઘટાડો રહ્યો.
જોકે, થોડીવાર પછી શેરબજાર રિકવર થતું હોય તેમ જણાયું હતું. સેન્સેક્સ 1000 પોઈન્ટ અથવા 1.21 ટકા ઘટીને 80,282 પોઈન્ટ પર કારોબાર કરી રહ્યો હતો અને નિફ્ટી 300 પોઈન્ટ તૂટીને 24900 ની નીચે હતો. આ ઉપરાંત, કાચા તેલના ભાવમાં 10 ટકાથી વધુનો વધારો થયો છે. નિષ્ણાતોનું કહેવું છે કે જો આ યુદ્ધ વધુ આગળ વધશે તો ઘટાડો વધુ હાવી થઈ શકે છે. સાથે જ કાચા તેલના ભાવ 100 ડોલર પ્રતિ બેરલ સુધી પહોંચી શકે છે.
Stock markets go into a tailspin: Sensex crashes 2,743.46 points to 78,543.73 in early trade; Nifty tumbles 533.55 points to 24,645.10. pic.twitter.com/9JCaV2svWn
— Press Trust of India (@PTI_News) March 2, 2026
BSE ટોપ 30 ના 29 શેર ભારે ઘટાડા પર રહ્યા, ફક્ત BEL (બીઈએલ) ના શેરમાં 1 ટકાની તેજી રહી. ઈન્ડિગોના શેર આશરે 5 ટકા, એલ એન્ડ ટીના શેર આશરે 4 ટકા, અદાણી પોર્ટ 3 ટકા અને એટર્નલના શેરમાં 2 ટકાનો ઘટાડો જોવા મળ્યો હતો.
6 લાખ કરોડ રૂપિયાનું નુકસાન
શેરબજારમાં ભારે ઘટાડાને કારણે રોકાણકારોને આજે મોટું નુકસાન થયું છે. બીએસઈ (BSE) માર્કેટ કેપમાં મોટો ઘટાડો જોવા મળ્યો. શુક્રવારે બીએસઈ માર્કેટ કેપ 463.50 લાખ કરોડ રૂપિયા પર હતું, જે સોમવારે ઘટીને 457.50 લાખ કરોડની આસપાસ પહોંચી ગયું. આ રોકાણકારોના વેલ્યુએશનમાં 6 લાખ કરોડ રૂપિયાનો ઘટાડો છે. સવારે 9:24 વાગ્યા સુધીમાં, સેન્સેક્સ 902 પોઈન્ટ ઘટીને 80,384 પર ટ્રેડ કરી રહ્યો હતો. નિફ્ટી 50 270 પોઈન્ટ ઘટીને 24,907 પર ટ્રેડ કરી રહ્યો હતો.
ટોપ ગેઈનર્સ અને ટોપ લૂઝર્સ
આજે બધા ક્ષેત્રીય સૂચકાંકો લાલ નિશાનમાં ટ્રેડ થઈ રહ્યા છે, જેમાં રિયલ્ટી ક્ષેત્ર સૌથી વધુ પ્રભાવિત થયું છે, જેમાં 2% ઘટાડો થયો છે. મુખ્ય સૂચકાંકો ગુમાવનારાઓમાં ઇન્ટરગ્લોબ એવિએશન, લાર્સન એન્ડ ટુબ્રો, મારુતિ સુઝુકી, એશિયન પેઇન્ટ્સ અને TMPVનો સમાવેશ થાય છે. આજે ટોચના ગેઈનર્સમાં ONGC, ભારત ઇલેક્ટ્રોનિક્સ અને હિન્ડાલ્કોનો સમાવેશ થાય છે. નિફ્ટી મિડકેપ અને સ્મોલકેપ સૂચકાંકો પણ નબળાઈ દર્શાવી રહ્યા છે, દરેકમાં 1%નો ઘટાડો થયો છે.
ટોપ સ્ટોરી
ટ્રેન્ડિંગ સમાચાર
