મોદી સરકારે PAN-Aadhaar લિંક કરવાની સમય મર્યાદામાં કર્યો વધારો, જાણો હવે છેલ્લી તારીખ કઈ છે

આધાર-PAN લિંક કરવાની સમયમર્યાદા ભૂતકાળમાં ઘણી વખત લંબાવવામાં આવી છે. 31 માર્ચ, 2022 પહેલા લિંક કરવાની પ્રક્રિયા મફત હતી.

પ્રતિકાત્મક તસવીર

Source : ABP Live

PAN-Aadhaar Link: કેન્દ્ર સરકારે PAN સાથે આધાર લિંક કરવાની સમયમર્યાદા વધારવાની જાહેરાત કરી છે. હવે કરદાતાઓ 30 જૂન 2023 સુધીમાં PAN ને આધાર સાથે લિંક કરી શકશે. ટૂંક સમયમાં સરકાર આ અંગે નોટિફિકેશન બહાર પાડશે.

આધાર-PAN લિંક કરવાની સમયમર્યાદા ભૂતકાળમાં ઘણી વખત લંબાવવામાં આવી છે. 31 માર્ચ, 2022 પહેલા લિંક કરવાની પ્રક્રિયા મફત હતી. 1 એપ્રિલ, 2022 થી 500 રૂપિયાની ફી લાદવામાં આવી હતી અને 1 જુલાઈ, 2022 થી વધારીને 1,000 રૂપિયા કરવામાં આવી હતી.

In order to provide some more time to the taxpayers, the date for linking PAN & Aadhaar has been extended to 30th June, 2023, whereby persons can intimate their Aadhaar to the prescribed authority for PAN-Aadhaar linking without facing repercussions.
(1/2) pic.twitter.com/EE9VEamJKh

— Income Tax India (@IncomeTaxIndia) March 28, 2023

ગયા વર્ષે જુલાઈમાં સંસદમાં શેર કરાયેલ સરકારી ડેટા અનુસાર, કુલ 61,73,16,313 (6.17 કરોડ) વ્યક્તિગત PANમાંથી, 46,70,66,691 (4.67 કરોડ) પાન-આધાર સાથે જોડાયેલા હતા.

The date for linking #PAN and #Aadhaar has been extended to 30th June 2023 to provide some more time to the taxpayers : Central Board of Direct Taxes.

— All India Radio News (@airnewsalerts) March 28, 2023

10,000 રૂપિયા સુધીનો દંડ થઈ શકે છે

જો પાન કાર્ડ નિષ્ક્રિય છે, તો આવા લોકોને મ્યુચ્યુઅલ ફંડ અથવા સ્ટોક એકાઉન્ટ ખોલવાની મંજૂરી આપવામાં આવશે નહીં. આ સિવાય જો તમે આ પાન કાર્ડનો ઉપયોગ ક્યાંય પણ દસ્તાવેજ તરીકે કરો છો તો ભારે દંડ થઈ શકે છે. ઈન્કમ ટેક્સ એક્ટ 1961ની કલમ 272B હેઠળ તમને 10,000 રૂપિયા સુધીનો દંડ થઈ શકે છે.

અહીં જાણો આધાર-PAN લિંક કરવાની સંપૂર્ણ પ્રક્રિયા...

• ઈન્કમ ટેક્સનું e-filing પોર્ટલ ખોલો. અહીં લિંક છે- https://incometaxindiaefiling.gov.in/
• જો પહેલાથી રજિસ્ટર્ડ નથી તો નોંધણી કરો. તમારો પાન નંબર (Permanent Account Number) તમારું  ID હશે.
• હવે તમારું યુઝર આઈડી, પાસવર્ડ અને જન્મ તારીખ દાખલ કરીને લોગિન કરો.
• એક પોપ અપ વિન્ડો દેખાશે, જેના પર તમને PAN ને આધાર સાથે લિંક કરવા માટે કહેવામાં આવશે. જો તે ન આવે તો 'પ્રોફાઈલ સેટિંગ્સ'માં જઈને 'લિંક આધાર' પર ક્લિક કરો.
• હવે પાન પર દાખલ કરેલ જન્મ તારીખ અને લિંગની વિગતો અહીં પહેલેથી જ દેખાશે.
• હવે આ વિગતોને તમારી આધાર વિગતો સાથે મેચ કરો. જો આ વિગતો બંને દસ્તાવેજોમાં મેળ ખાતી નથી, તો તમારે જે ખોટું છે તેને સુધારવું પડશે.
• જો વિગતો મેળ ખાતી હોય, તો તમારો આધાર નંબર દાખલ કરો અને "હવે લિંક કરો" બટન પર ક્લિક કરો.
• એક પોપ-અપ મેસેજ દેખાશે, જે તમને જણાવશે કે તમારું PAN આધાર કાર્ડ સાથે લિંક કરવામાં આવ્યું છે.
• તમે તમારા PAN ને આધાર સાથે લિંક કરવા માટે https://www.utiitsl.com/ અથવા https://www.egov-nsdl.co.in/ પર પણ જઈ શકો છો.

આધાર કાર્ડને પાન કાર્ડ સાથે લિંક કરવા માટે, તમારે 1000 રૂપિયા ચૂકવવા પડશે. આવકવેરા વિભાગના ઈ-ફાઈલિંગ પોર્ટલ પર આપવામાં આવેલી માહિતી અનુસાર, કોઈપણ વ્યક્તિએ પાન કાર્ડને આધાર સાથે લિંક કરવા માટે 1000 રૂપિયાની ફી ચૂકવવી ફરજિયાત છે. જો આ બંને દસ્તાવેજો 31 માર્ચ સુધીમાં લિંક નહીં થાય તો તમારું પાન કાર્ડ નકામું થઈ જશે.