Utility: પાસપોર્ટ રિન્યૂ કરવા આ દસ્તાવેજોની પડે છે સૌથી વધુ જરૂર, તમે પણ નોંધી લો લિસ્ટ
વિદેશ પ્રવાસ કરવા માટે કોઈપણ વ્યક્તિ પાસે પાસપોર્ટ હોવો ખૂબ જ જરૂરી છે. તેના વિના તમે વિદેશ પ્રવાસ પર જઈ શકશો નહીં
Passport Renew Documents: કોઈપણ દેશમાં રહેતા નાગરિકો માટે તે દેશનો માન્ય દસ્તાવેજ હોવો ખૂબ જરૂરી છે. આવી જ રીતે ભારતમાં રહેતા ભારતીય નાગરિકો પાસે પણ કેટલાક દસ્તાવેજો હોવા જરૂરી છે. જેમાં આધાર કાર્ડ, ડ્રાઇવિંગ લાયસન્સ, પેન કાર્ડ, રાશન કાર્ડ અને પાસપોર્ટ ખૂબ જ જરૂરી છે. દરેક દસ્તાવેજ બનાવવા માટે કેટલાક જરૂરી નિયમો અને કાયદાઓ નક્કી કરવામાં આવ્યા છે.
વિદેશ પ્રવાસ કરવા માટે કોઈપણ વ્યક્તિ પાસે પાસપોર્ટ હોવો ખૂબ જ જરૂરી છે. તેના વિના તમે વિદેશ પ્રવાસ પર જઈ શકશો નહીં. ભારતમાં પાસપોર્ટ એક સમયગાળા માટે જારી કરવામાં આવે છે. તે પછી તમારે તેને રિન્યુ કરાવવો પડશે. પાસપોર્ટ રિન્યુ કરાવવા માટે કયા દસ્તાવેજો જરૂરી છે તે જાણીએ
કેટલા વર્ષો બાદ પાસપોર્ટ રિન્યુ કરાવવો પડે છે?
પાસપોર્ટને રાષ્ટ્રીય ઓળખપત્રનો દરજ્જો મળ્યો છે. વિદેશ પ્રવાસ કરવા માટે પાસપોર્ટ જરૂરી છે. તેના વિના દેશની બહાર હવાઈ પ્રવાસ કરી શકાતો નથી. ઘણા દસ્તાવેજોની જેમ પાસપોર્ટની પણ એક નિશ્ચિત મુદત હોય છે. સામાન્ય રીતે પાસપોર્ટની માન્યતા 10 વર્ષની હોય છે. 10 વર્ષ પછી તેને ફરીથી રિન્યુ કરાવવો પડે છે.
જો કોઈની ઉંમર 18 વર્ષથી ઓછી હોય. તો તેને 5 વર્ષ પછી પાસપોર્ટ રિન્યુ કરાવવો પડશે. માન્યતા સમાપ્ત થવાના 9 મહિના પહેલા પાસપોર્ટ રિન્યુ કરાવી લેવો યોગ્ય રહેશે. પાસપોર્ટ ઇન્ડિયાની સત્તાવાર વેબસાઇટ પર જઈને રિન્યુ માટે અરજી કરી શકાય છે.
આ દસ્તાવેજોની જરૂર હોય છે:
જ્યારે તમે પાસપોર્ટ રિન્યુ કરાવવા જાઓ છો. તો તમારી પાસે કેટલાક દસ્તાવેજો હોવા જરૂરી છે. જેના આધારે તમારો પાસપોર્ટ રિન્યુ કરવામાં આવે છે. આ દસ્તાવેજોમાં તમારી પાસે માન્ય પાસપોર્ટ અને તેની પ્રથમ અને છેલ્લી પૃષ્ઠની ફોટોકોપી, ઈસીઆર નોન-ઈસીઆર પૃષ્ઠની સેલ્ફ-અટેસ્ટેડ ફોટો કોપી, રહેઠાણનો પુરાવાની કોપી, વેલિડિટી એક્સટેંશન પેજની ફોટોકોપી પણ જરૂરી છે.આ ઉપરાંત કોઈ ઓબ્ઝરવેશન પેજની સેલ્ફ અટેસ્ટેડ ફોટો કોપી પણ જરૂરી હોય છે.
પાસપોર્ટ રિન્યુ કરવા માટેની ફી:
10 વર્ષની માન્યતા સાથે 36 પેજનો પાસપોર્ટ: ₹1500
10 વર્ષની માન્યતા સાથે 60 પેજનો પાસપોર્ટ: ₹2000
તત્કાલ કેસ: બંને પ્રકારના પાસપોર્ટ માટે ₹2000
ચુકવણી ઓનલાઈન અથવા ડેબિટ/ક્રેડિટ કાર્ડ દ્વારા પણ કરી શકાય છે. વધુ માહિતી માટે, કૃપા કરીને https://www.passportindia.gov.in/ ની મુલાકાત લો.
ટ્રેન્ડિંગ સમાચાર
ટોપ સ્ટોરી
