ગુજરાતની કઈ તાલુકા પંચાયતનું પ્રમુખ-ઉપપ્રમુખ પદ કોંગ્રેસે ભાજપ પાસેથી છીનવ્યું? જાણો વિગત

ગાંધીનગર તાલુકા પંચાયત પર કોંગ્રેસની જીત થઈ છે. કોંગ્રેસના ગોપાલજી ઠાકોર પ્રમુખ અને સુરેશ પટેલ ઉપપ્રમુખ તરીકે ચૂંટાયા છે.

ગાંધીનગરઃ ગાંધીનગર તાલુકા પંચાયત પર કોંગ્રેસની જીત થઈ છે. કોંગ્રેસના ગોપાલજી ઠાકોર પ્રમુખ અને સુરેશ પટેલ ઉપપ્રમુખ તરીકે ચૂંટાયા છે. ભાજપ પાસેથી કોંગ્રેસે બીજી ટર્મ માટે પ્રમુખ-ઉપપ્રમુખનું પદ છીનવ્યું છે. નોંધનીય છે કે, ગાંધીનગર તાલુકા પંચાયતના પ્રમુખ અને ઉપપ્રમુખની અઢી વર્ષની ટર્મ પૂરી થતાં પ્રમુખ-ઉપ્રપ્રમુખ માટે ચૂંટણી યોજાઇ હતી. જેમાં કોંગ્રેસ બાજી મારી ગયું છે. તાજેતરમાં જ બનાસકાંઠા જિલ્લા પંચાયતના પ્રમુખ-ઉપપ્રમુખની ચૂંટણી યોજાઇ હતી. જેમાં પણ જીલ્લા પંચાયતમાં પ્રમુખપદ માટે કોંગ્રેસના ઉમેદવાર બિનહરીફ ચૂંટાયા હતા. ભાજપ પાસે ST(અનુસૂચિત જનજાતિ) મહિલા સદસ્ય ન હોઈ કોંગ્રેસના ઉમેદવાર વાલકીબેન પારધી બિનહરીફ પ્રમુખ તરીકે ચૂંટાયા હતા. ઉપપ્રમુખ તરીકે ભુપ્તાજી મકવાણા કોંગ્રેસમાંથી ચુંટાયા હતા.