મધ્યપ્રદેશના નવા મુખ્યમંત્રી મોહન યાદવને રાજ્યના સીએમ ભુપેન્દ્ર પટેલે પાઠવી શુભકામના, જાણો શું લખ્યું
રાજ્યમાં 2 નાયબ મુખ્યમંત્રી બનાવવાની જાહેરાત કરાઈ છે, જેમાં રાજેન્દ્ર શુક્લા અને જગદીશ દેવડાને જવાબદારી સોંપાઈ છે. BJPના ધારાસભ્યોની બેઠક યોજાઈ હતી, જેમાં સર્વાનુમતે આ નિર્ણય લેવાયો હતો.
Gandhinagar News: મધ્યપ્રદેશમાં નવા મુખ્યમંત્રી, વિધાનસભા અધ્યક્ષ અને નાયબ મુખ્યમંત્રીઓના નામની જાહેરાત કરવામાં આવી છે. મુખ્યમંત્રી તરીકે મોહન યાદવના નામ પર મહોર મારી દેવાઈ છે, તો વિધાનસભા અધ્યક્ષ તરીકે નરેન્દ્ર સિંહ તોમરનું નામ ફાઈનલ કરાયું છે, જ્યારે રાજ્યમાં 2 નાયબ મુખ્યમંત્રી બનાવવાની જાહેરાત કરાઈ છે, જેમાં રાજેન્દ્ર શુક્લા અને જગદીશ દેવડાને જવાબદારી સોંપાઈ છે. BJPના ધારાસભ્યોની બેઠક યોજાઈ હતી, જેમાં સર્વાનુમતે આ નિર્ણય લેવાયો હતો.
મધ્યપ્રદેશના મુખ્યમંત્રી તરીકે મોહન યાદવના નામની જાહેરાત બાદ ગુજરાતના મુખ્યમંત્રી ભુપેન્દ્ર પટેલે પણ શુભકામના પાઠવી છે. તેમણે સોશિયલ મીડિયા એકસ પર લખ્યું, મોહન યાદવને મધ્યપ્રદેશના મુખ્યમંત્રી તરીકે ચૂંટાવા બદલ હાર્દિક અભિનંદન. માનનીય વડાપ્રધાન નરેન્દ્ર મોદીના માર્ગદર્શનમાં અને તમારા સક્ષમ નેતૃત્વ હેઠળ મધ્યપ્રદેશ વિકાસની નવી ઊંચાઈઓ પર પહોંચતું રહે તેવી શુભકામના.
मध्यप्रदेश के मुख्यमंत्री चुने जाने पर श्री मोहन यादव जी को हार्दिक अभिनंदन। माननीय प्रधानमंत्री श्री नरेंद्र मोदी जी के मार्गदर्शन में एवं आपके कुशल नेतृत्व में मध्य प्रदेश लगातार विकास की नई ऊंचाइयों को छुए यही शुभकामना। @DrMohanYadav51
— Bhupendra Patel (@Bhupendrapbjp) December 11, 2023
- મોહન યાદવે માધવ સાયન્સ કોલેજમાંથી અભ્યાસ કર્યો છે.
- તેમણે અખિલ ભારતીય વિદ્યાર્થી પરિષદ, ઉજ્જૈનના મ્યુનિસિપલ મંત્રી તરીકે જવાબદારી નિભાવી છે.
- મોહન 1982માં વિદ્યાર્થી સંઘના સહ-સચિવ તરીકે પણ ચૂંટાયા હતા.
- તેઓ ભાજપની રાજ્ય કારોબારીના સભ્ય અને મધ્ય પ્રદેશની કેન્દ્રીય સમિતિના સભ્ય, મધ્ય પ્રદેશ વિકાસ સત્તામંડળના વડા, પશ્ચિમ રેલવે બોર્ડમાં સલાહકાર સમિતિના સભ્ય પણ રહી ચૂક્યા છે.
- મોહન યાદવ ત્રીજી વખત ઉજ્જૈન દક્ષિણથી ધારાસભ્ય તરીકે ચૂંટાયા છે.
- મોહન યાદવ જુલાઈ 2020 થી 2023 સુધી શિક્ષણ મંત્રી હતા અને 2013 થી સતત ધારાસભ્ય છે.
- તેમની છબી હિંદુ નેતા તરીકેની છે અને આરએસએસની નજીકના માનવામાં આવે છે.
વ્યક્તિગત માહિતી
- આખું નામ: મોહન યાદવ
- જન્મ તારીખ: 25 માર્ચ 1965
- જન્મ સ્થળ: ઉજ્જૈન, મધ્ય પ્રદેશ
- પિતાનું નામ: પૂનમચંદ યાદવ
- માતાનું નામ: લીલાબાઈ યાદવ
- જીવનસાથીનું નામ: સીમા યાદવ
- શિક્ષણ: MBA, PhD
વિધાનસભા ચૂંટણીમાં ભાજપને મળી હતી 163 સીટ પર જીત
ટોપ સ્ટોરી
ટ્રેન્ડિંગ સમાચાર
