PM Modi in Gujarat LIVE: PM મોદી આવતીકાલે ગાંધીનગરના આઇકોનિક રોડનું નિરીક્ષણ કરશે

Vibrant Gujarat Summit: વડાપ્રધાન નરેન્દ્ર મોદી UAEના રાષ્ટ્રપતિ સાથે અમદાવાદ એરપોર્ટથી રોડ શો કરશે

Background

Vibrant Gujarat Summit: વાઈબ્રન્ટ સમિટ પહેલા વડાપ્રધાન મોદી આજે ટ્રેડ શૉનું ઉદ્ધાટન કરશે. 'ગ્લોબલ ટ્રેડ શો' માં વિઝિટીંગ તરીકે 100 દેશ જ્યારે પાર્ટનર તરીકે ૩૩ દેશ ભાગ લેશે. જે બાદ સાંજે યુએઇના રાષ્ટ્રપતિ સાથે અમદાવાદ એરપોર્ટથી ગાંધીનગર હોટલ લીલા સુધી મેગા રોડ શો યોજશે.એરપોર્ટ પરથી ઈન્દિરા બ્રિજ સુધી બંને નેતાઓ રોડ શૉ યોજશે. વાઈબ્રન્ટ સમિટિને લઈને અમદાવાદ એરપોર્ટ પર આજથી મહેમાનોનું આગમન શરૂ થયું હતું. જેને લઈને પોલીસે વિશેષ બંદોબસ્ત ગોઠવ્યો હતો.

પીએમ મોદીનો આજનો કાર્યક્રમ

સવારે 9.20 વાગ્યે વડાપ્રધાન મોદી મહાત્મા મંદિરે પહોંચશે. બાદમાં સવારે 9.20થી 9.30 વાગ્યે તેઓ અધિકારીઓ સાથે બ્રિફિંગ કરશે. ત્યારબાદ સવારે 9.30થી 10 વાગ્યે વડાપ્રધાન મોદી ટીમોર લેસ્ટેના પ્રેસિડેન્ટ સાથે બેઠક કરશે.

વડાપ્રધાન મોદી સવારે 10.10થી 11.45 વાગ્યા સુધી 5 ગ્લોબલ કંપનીના CEO સાથે બેઠક કરશે. સવારે 11.15થી 12.15 વાગ્યાનો સમય અનામત રખાયો છે. બપોરે 12.15થી 12.25 વાગ્યા સુધી તેઓ અધિકારીઓ સાથે બેઠક કરશે. બપોરે 12.25થી 1 વાગ્યા સુધી મોઝાંબિકના રાષ્ટ્રપતિ સાથે બેઠક કરશે.

વડાપ્રધાન મોદી બપોરે 1.15 વાગ્યે મહાત્મા મંદિરથી રવાના થશે. બપોરે 1.25 વાગ્યે PM મોદી રાજભવન પહોંચશે. બપોરે 2.45 વાગ્યે PM મોદી રાજભવનથી રવાના થશે. બપોરે 2.55 વાગ્યે હેલિપેડ એક્ઝીબિશન સેંટર પહોંચશે. બપોરે 3.થી 4 વાગ્યે ગ્લોબલ ટ્રેડ શોનું ઉદ્ઘાટન કરશે. સાંજે 4.10 વાગ્યે મહાત્મા મંદિરે પહોંચશે. સાંજે 4.50 વાગ્યે મહાત્મા મંદિરથી અમદાવાદ એરપોર્ટ જવા રવાના થશે.

વડાપ્રધાન મોદી સાંજે 5.20 વાગ્યે એરપોર્ટ પર પહોંચશે. સાંજે 5.30 વાગ્યેથી 5.40 વાગ્યે UAEના રાષ્ટ્રપતિને આવકારશે. સાંજે 5.45 વાગ્યે UAEના રાષ્ટ્રપતિ સાથે એરપોર્ટથી રોડ શો કરશે. સાંજે 6.10 વાગ્યે UAEના રાષ્ટ્રપતિ સાથે હોટલ લીલા પહોંચશે. સાંજે 6.15થી 8.30 વાગ્યે UAEના વડા સાથે બેઠક અને ભોજન કરશે. રાત્રે 8.30 વાગ્યે PM મોદી રાજભવન જવા રવાના થશે. રાત્રે 8.45 વાગ્યે રાજભવન પહોંચી રાત્રિ રોકાણ કરશે.

શેખ મોહમ્મદ બિન ઝાયેદની મુલાકાત ખૂબ ખાસ છે

મોદીએ લખ્યું હતું કે આ કાર્યક્રમમાં મારા ભાઈ શેખ મોહમ્મદ બિન ઝાયેદનું આવવું ખૂબ જ ખાસ છે. પીએમ મોદીએ તેમના ટ્વીટમાં કહ્યું કે વાઇબ્રન્ટ ગુજરાત સમિટ સાથે મારો ખૂબ જ નજીકનો સંબંધ છે અને મને એ જોઈને આનંદ થાય છે કે આ પ્લેટફોર્મે ગુજરાતના વિકાસમાં કેવી રીતે યોગદાન આપ્યું છે અને ઘણા લોકો માટે તકો ઊભી કરી છે.

20:45 PM (IST)  •  09 Jan 2024

PM મોદી આવતીકાલે ગાંધીનગરના આઇકોનિક રોડનું નિરીક્ષણ કરશે

PM મોદી આવતીકાલે ગિફ્ટ સિટી જતી વેળાએ આઇકોનિક રોડનું નિરીક્ષણ કરશે. વાઇબ્રન્ટ ગુજરાત સમિટ અંતર્ગત 60 દિવસમાં 6 કિમીનો રોડ તૈયાર કરાયો છે. ગાંધીનગરના ભાઈજીપુરા - PDPU- પંચમેશ્વર, ગિફ્ટ સિટી રસ્તાને આઈકોનિક રોડ તરીકે તૈયાર કરાયો છે. રૂ. 30 કરોડના ખર્ચે 6 કિમીનો આઇકોનિક રોડ તૈયાર કરાયો છે.  ગાંધીનગર મનપા અને ગાંધીનગર શહેરી વિકાસ સત્તામંડળ દ્વારા  રોડ બનાવવામાં આવ્યો છે. જેમાં લેન્ડસ્કેપિંગ, સાઇકલ ટ્રેક, પંચમેશ્વર ઝંકશન, આઇકોનિલ આઈલેન્ડ અને સિગ્નેચર ગાર્ડન, વોકિંગ ટ્રેક અને કલાત્મક સાઈનેઝનો સમાવેશ થાય છે. વિવિધ પ્રકારના 6000 ફૂલછોડ રોડની સમાંતર ઉછેરવામાં આવ્યા છે.

19:33 PM (IST)  •  09 Jan 2024

બંને દેશો વચ્ચે થયા એમઓયુ

પીએમ અને યુએઈના રાષ્ટ્રપતિના મેગા રોડ શો બાદ બંને દેશો વચ્ચે કેટલાક એમઓયુ પણ થયા.

#WATCH | Ahmedabad, Gujarat: Several Memorandum of Understanding (MoUs) signed between India and UAE in the presence of Prime Minister Narendra Modi and UAE President Mohamed bin Zayed Al Nahyan.#VibrantGujarat pic.twitter.com/C0GFikKYLd

— ANI (@ANI) January 9, 2024

18:06 PM (IST)  •  09 Jan 2024

રોડ શો શરૂ

પીએમ મોદી અને યુએઈના રાષ્ટ્રપતિનો રોડ શો શરૂ થઈ ગયો છે. રોડ શોને લઈ લોકોમાં જબરદસ્ત ઉત્સાહ છે. ઠેકઠેકાણે તેમનું સ્વાગત કરવામાં આવી રહ્યું છે.

#WATCH | PM Modi and UAE President Sheikh Mohamed bin Zayed Al Nahyan hold a roadshow in Ahmedabad, ahead of Vibrant Gujarat Global Summit pic.twitter.com/a6w27umeTJ

— ANI (@ANI) January 9, 2024

17:51 PM (IST)  •  09 Jan 2024

UAE ના રાષ્ટ્રપતિનું અમદાવાદમાં ભવ્ય સ્વાગત

UAE ના રાષ્ટ્રપતિનું અમદાવાદમાં ભવ્ય સ્વાગત કરવામાં આવ્યું હતું. પીએમ મોદી તેમને ગળે મળ્યા હતા અને એરપોર્ટ પર તેમને ગાર્ડ ઓફ ઓનર આપવામાં આવ્યું હતું.  

#WATCH | UAE President Mohamed bin Zayed Al Nahyan arrives in Gujarat's Ahmedabad to take part in the Vibrant Gujarat Global Summit

PM Modi and UAE president will hold a roadshow in the city today pic.twitter.com/TmhkmevFja

— ANI (@ANI) January 9, 2024

17:30 PM (IST)  •  09 Jan 2024

મોઝામ્બિકના પ્રમુખે શું કહ્યું

વાઇબ્રન્ટ ગુજરાત ગ્લોબલ સમિટ, મોઝામ્બિકના પ્રમુખ ફિલિપ જેકિન્ટો ન્યુસીએ  કહ્યું, અમે સાથે મળીને ઘણી બધી બાબતો પર ચર્ચા કરી, માત્ર કૃષિ જ નહીં પરંતુ પાવર. અમારી પાસે મોઝામ્બિકમાં ઘણી બધી ભારતીય કંપનીઓ છે..અમને તેની જરૂર પડશે. માછીમારી અને પર્યટન ક્ષેત્રે કંઈક વધુ કરીશું.