Gujarat: ગુજરાત ભાજપના 5  દિગ્ગજ નેતાઓને  લોકસભાની ચૂંટણીને લઈ મોટી જવાબદારી સોંપાઈ

ગુજરાતના પાંચ દિગ્ગજ નેતાઓને લોકસભાની ચૂંટણી માટે બેઠકોની  જવાબદારી  સોંપવામા આવી છે.

તસવીર સોશિયલ મીડિયા

ગાંધીનગર : લોકસભાની ચૂંટણીને લઈને ભારતીય જનતા પાર્ટીએ અત્યારથી જ તૈયારીઓ શરુ કરી દિધી છે. પ્રધાનમંત્રી  મોદીના નેતૃત્વમાં  કેંદ્રમાં ફરી ભાજપ પ્રેરિત   એનડીએની સરકાર પૂર્ણ બહુમતી સાથે બને તે માટે ભાજપ દ્વારા અત્યારથી તમામ પ્રકારની  તૈયારીઓ કરવામાં આવી રહીછે.  ગુજરાતના પાંચ દિગ્ગજ નેતાઓને લોકસભાની ચૂંટણી માટે બેઠકોની  જવાબદારી  સોંપવામા આવી છે.

વિજયભાઈ રૂપાણીને  દિલ્હી લોકસભાની  ત્રણ બેઠકોની જવાબદારી

ગુજરાતના પૂર્વ મુખ્યમંત્રી અને  પંજાબના  પ્રભારી  વિજયભાઈ રૂપાણીને   દિલ્હી લોકસભાની  ત્રણ બેઠકોની જવાબદારી  સોંપવામાં આવી છે.  જેમાં ચાંદની ચોક, દિલ્હી નોર્થ, વેસ્ટ અને  દિલ્હી સેન્ટ્રલ એમ ત્રણ બેઠકનો સમાવેશ થાય છે. જયારે પૂર્વ નાયબ મુખ્યમંત્રી  નીતિનભાઈ પટેલને   ઉતરાખંડની  ટેહરી ગઢવાલ, હરિદ્વાર,  ગઢવાલ અને ઉતર પ્રદેશની મુઝફરનગર અને કૈરાના એમ પાંચ બેઠકોની જવાબદારી સોંપવામાં આવી છે. આ ઉપરાંત પૂર્વ પ્રદેશ ભાજપ અધ્યક્ષ અને  પૂર્વ કેબીનેટ મંત્રી જીતુભાઈ  વાઘાણી, કચ્છના સાંસદ અને પ્રદેશ ભાજપ  મહામંત્રી વિનોદભાઈ ચાવડા ઉપરાંત  ભાવનગરનાં સાંસદ અને  ભાજપના રાષ્ટ્રીય  ઉપાધ્યક્ષ  ભારતીબેન શિયાળને પણ લોકસભાની ચૂંટણી માટે અલગ-અલગ રાજયોની  બેઠકો માટે  જવાબદારી સોંપવામાં આવી છે.

અલગ-અલગ રાજયોના નેતાઓને જવાબદારી  સોાપવામાં  આવી

ગુજરાતની લોકસભાની 26 બેઠકો માટે કેંદ્રીય  નેતૃત્વ દ્વારા અલગ-અલગ રાજયોના નેતાઓને જવાબદારી  સોાપવામાં  આવી છે. કેંદ્રની મોદી સરકારના  નવ વર્ષ પૂર્ણ  થવા પર  ભાજપ   દ્વારા આ  ઐતિહાસીક અવસરની  દેશભરમાં ઉજવણી કરવામાં આવી રહી છે. ભાજપ દ્વારા ગુજરાતમાં  મહાસંપર્ક અભિયાન   શરૂ કરી દેવામાં આવ્યું છે. જે એક વર્ષ   સુધી ચાલશે જેમાં છેવાડાના લોકો સુધી રાજય અને કેન્દ્ર સરકારની  વિવિધ યોજનાઓ પહોચાડવામાં આવશે. લોકસભાની   543 બેઠકો માટે ભાજપના  300થી વધુ નેતાઓને  જવાબદારી  સોંપવામાં આવી છે. આગામી દિવસોમાં જે નેતાઓને  જે બેઠકની  જવાબદારી  સોંપવામાં આવી છે. તેઓ અલગ-અલગ બેઠકોમાં  પોતાનો પ્રવાસ શરૂ કરશે. 

પૂર્વ નાયબ મુખ્યમંત્રી નીતિન પટેલને BJPએ આપી મોટી જવાબદારી

ગુજરાતના પૂર્વ    નાયબ મુખ્યમંત્રી નીતીનભાઈ  પટેલને લોકસભાની ચૂંટણી   માટે પાંચ લોકસભા બેઠકોની  જવાબદારી  સોંપવામા આવી છે. પૂર્વ નાયબ મુખ્યમંત્રી નીતિન પટેલને 5 લોકસભા બેઠકોની જવાબદારી સોંપાઈ છે.  કેંદ્રની મોદી સરકારના 9 વર્ષની થનારી ઉજવણીની જવાબદારી સોંપાઈ છે.  ઉત્તરાખંડની 3 લોકસભા બેઠકોની ઉજવણીની જવાબદારી નીતિન પટેલને સોંપાઈ છે.  ઉત્તરપ્રદેશની 2 લોકસભા બેઠકની ઉજવણીની તેમને જવાબદારી સોંપવામાં આવી છે.  એક મહિના સુધી ચાલનારી ઉજવણી દરમિયાન નીતિન પટેલ યુપી અને ઉત્તરાખંડનો પ્રવાસ કરશે.