Navsari: અડદા ઉત્તર બુનિયાદી આશ્રમ શાળાના વિદ્યાર્થીએ ગળેફાંસો ખાઈ આપઘાત કરતા ચકચાર
નવસારી: અડદા ગામમાં વિદ્યાર્થીએ આપઘાત કરી લીધો છે. અડદા ઉત્તર બુનિયાદી આશ્રમ શાળાના વિદ્યાર્થીએ અગમ્ય કારણોસર ગળેફાંસો ખાઈ જીવન ટૂંકાવતા ખળભળાટ મચ્યો છે.
નવસારી: અડદા ગામમાં વિદ્યાર્થીએ આપઘાત કરી લીધો છે. અડદા ઉત્તર બુનિયાદી આશ્રમ શાળાના વિદ્યાર્થીએ અગમ્ય કારણોસર ગળેફાંસો ખાઈ જીવન ટૂંકાવતા ખળભળાટ મચ્યો છે. કિશોરે શાળામાં આવેલ ટેરેસના દાદર પર ગળેફાંસો ખાઈ આપઘાત કરી લીધો છે. એક તરફી પ્રેમમાં જીવન ટૂંકાવ્યું હોવાનું શાળા અને પોલીસનું પ્રાથમિક તારણ છે. વિદ્યાર્થી પાસેથી અડધા પાનાની સુસાઇડ નોટ મળી આવી છે. સુસાઇડ નોટમાં ભાઈ અને શિક્ષકોની માફી માંગી અને મોત માટે હું જવાબદાર છું એ પ્રમાણેનું લખાણ લખી આપઘાત કર્યો હતો. હાલમાં નવસારી ગ્રામ્ય પોલીસે અકસ્માત મોત નોધી આગળની તપાસ હાથ ધરી છે.
દીવ માટે ઓનલાઈન હોટેલ બુક કરાવતા પહેલા સાવધાન
સુપ્રસિદ્ધ પ્રવાસન સ્થળ દીવમાં ઓનલાઈન હોટેલ બુક કરાવતા હોઈ તો ચેતી જજો. કારણ કે, દીવની હોટેલોના નામે ઓનલાઈન ઠગી થતી હોવાની માહિતી સામે આવી છે. જેના કારમે પ્રવાસીઓને લાખો રુપિયાનો ચૂનો લાગી રહ્યો છે. પહેલા સોમનાથ મહાદેવ મંદિર ટ્રસ્ટના નામે છેતરપિંડી થઈ હોવાનું બહાર આવ્યું હતું તો હવે સુપ્રસિદ્ધ પ્રવાસન સ્થળ દીવથી ઓનલાઇન ઠગીની બુમો સંભળાઈ રહી છે.
જેના કારણે દીવ હોટેલ સંચાલકોની મુશ્કેલીમાં વધારો થયો છે. સાઇબર ક્રાઈમ માફિયાઓ અન્ય રાજ્યમાં બેઠા બેઠા લોકોને ઠગવાનો મોકો ચુકતા નથી. દીવની એવી અનેક હોટેલો છે જેની ગૂગલ પર ડુપ્લીકેટ સાઈડ બનાવી સાઇબર ક્રાઈમને અંજામ આપવામાં આવી રહ્યો છે અને લોકો પાસેથી લાખો રૂપિયા પડાવવામાં આવી રહ્યા છે. દીવ હોટેલ એસો પ્રેસિડન્ટ યતીન ફૂગરોનૂ કહેવું છે કે લાંબા સમયથી પ્રવાસીઓ ઠગીનો શિકાર બની રહ્યા છે.
તકલીફ એ છે કે તેમની સાથે હોટલમાં રૂમ બુકીંગના નામે ઓનલાઈન ઠગીઓ તેમને લૂંટી લે છે અને પ્રવાસી અહીંયા જ્યારે આવે છે ત્યારે અમે અને પ્રવાસી બને મુશ્કેલીમાં મુકાઈએ છીએ. આ સમગ્ર મામલે દીવ પોલીસમાં ફરિયાદ પણ કરી છે પરંતુ આ સાતીર સાઈબર કરાઈમ માફિયા પકડાતા નથી કારણ કે આ માફિયાઓનું લોકેશન નથી મળતું. દીવની અનેક એવી હોટેલો છે જેની ફેક સાઈડ બનાવી રૂપિયા ખંખેરાય ચુક્યા છે જેથી પ્રવાસીઓએ હવે સાવધાન થવાની જરૂર છે.
ઠગીનો શિકાર બનવા પાછળ બે કારણ જવાબદાર છે એક તો ફેક સાઈડ પર હોટેલનો દર સસ્તો જોઈ પ્રવાસી લલચાય જાય છે અને જોતા જ નથી કે આ સાઈડ સાચી છે કે ફેક છે. બીજું એ કે પૈસા ઓનલાઈન ટ્રાન્સફર કરતા પહેલા હોટેલના ફોન નંબરમાં ફોન કરવો જોઈએ તો ખબર પડે કે હોટલથી વાત થાય છે કે અન્ય કોઈ સાથે. હાલ તો અનેક લોકો ઠગીનો શિકાર બની રહ્યા છે. આ સમગ્ર મામલે દીવ પીઆઇ નરેશ પટેલનું કહેવું છે કે પોલીસની સાઇબર ક્રાઈમ અલગ અલગ દિશાઓમાં તપાસ હાથ ધરી છે અને આ સાઇબર ક્રાઈમને અંજામ દેનારાની શોધખોળ કરવામાં આવી રહી છે.
Before You Go
Harsh Sanghavi: નવસારીમાં હર્ષ સંઘવીએ વાંસદા કોંગ્રેસના MLA અનંત પટેલ પર કર્યા પ્રહાર
ટોપ સ્ટોરી
ટ્રેન્ડિંગ સમાચાર
