Panchmahal: પંચમહાલમાં પાણી ભરેલા ખાડામાં 8 વર્ષનું બાળક પડી જતા મોત

પંચમહાલ:  અણિયાદ ચોકડી પાસે 10 ફૂટ ઊંડા પાણી ભરેલા ખાડામાં 8 વર્ષનું બાળક પડી જતા અરેરાટી મચી ગઈ હતી. બિલ્ડર દ્વારા સાઈડ પર મસમોટા ખાડા કરી બેરિકેડિંગ ન કરવામાં આવતા ઘટના બની હોવાની વાત સામે આવી છે.

અણિયાદ ચોકડી પાસે બાળક ખાડામાં પડી ગયું

પંચમહાલ:  શહેરાના અણિયાદ ચોકડી પાસે 10 ફૂટ ઊંડા પાણી ભરેલા ખાડામાં 8 વર્ષનું બાળક પડી જતા અરેરાટી મચી ગઈ હતી. અણીયાદ ચોકડી પાસે નિર્માણાધિન એપાર્ટમેન્ટમાં પાછળના ભાગમાં કરવામાં આવેલા 10 ફૂટ ઊંડા પાણી ભરેલા ખાડામાં રમતા રમતા બાળક પડ્યું હતું. જો કે કમનસીબે આ બાળકનો જીવ બચાવી શકાયો નહોતો. હાલમાં બાળકના મૃતદેહને બહાર કાઢવામાં આવ્યો છે. તમને જણાવી દઈએ કે, બાળકને શોધવા માટે મુક્તજીવન ડિઝાસ્ટર એકેડમી ઉપરાંત સ્થાનિક ડિઝાસ્ટર એકેડમી તેમજ નગરપાલિકાની ટીમે હાથ ધરી હતી. બાળકના મોતને પગલે સમગ્ર વિસ્તારમાં ચકચાર મચી ગઈ છે. બિલ્ડર દ્વારા સાઈડ પર મસમોટા ખાડા કરી બેરિકેડિંગ ન કરવામાં આવતા ઘટના બની હોવાની વાત સામે આવી છે.

 જામનગરમાં પોતાની જાતને ગોળી મારી યુવકે કર્યો આપઘાત

જામનગરમાં એક યુવાને આપઘાત કરી લેતા ચકચાર મચી ગઈ છે. આ યુવાને લમણે ગોળી મારી પોતાની જિંદગી ટૂંકાવી લીધી છે. ખીજડીયા કાલાવડ બાયપાસ વચ્ચે કારમાં જ યુવકે આપઘાત કરી લીધો હતો. રહસ્યમય રીતે યુવકે આપઘાત કર્યાની ઘટનાને લઈને સમગ્ર વિસ્તારમાં ખળભળાટ મચી ગયો છે. પંચકોશી એ ડિવિઝન પોલીસ અને એલસીબી એસઓજી સહિતનો કાફલો ઘટના સ્થળે પહોંચ્યો છે. જો કે, યુવાને આપઘાત શા માટે કર્યો તે ચર્ચાનો વિષય છે.

અંકલેશ્વરમાં 12 વર્ષની બાળકી સાથે 55 વર્ષના આધેડે દુષ્કર્મ કરતા ચકચાર

અંકલેશ્વરમાં 12 વર્ષની બાળકી સાથે દુષ્કર્મની ઘટના બનતા ચકચાર મચી ગઈ છે. એક ગામમાં પડોશમાં રહેતા 55 વર્ષીય આધેડે બાળકી સાથે દુષ્કર્મ આચર્યું. જેને લઈને સમગ્ર વિસ્તારમાં ખળભળાટ મચી ગયો હતો. હાલમાં અંકલલેશ્વર ગ્રામ્ય પોલીસે તપાસ શરૂ કરી છે. લોકોમાં પણ આ ઘટનાને લઈને ગુસ્સો જોવા મળી રહ્યો છે. લોકોની માગ છે કે આરોપી સામે કડક કાર્યવાહી કરવામાં આવે.

ચંડીગઢ યુનિવર્સિટીમાં MMS કાંડ પર હોબાળો

મોહાલીની એક ખાનગી યુનિવર્સિટીમાં રાત્રે બે વાગ્યે વિદ્યાર્થીઓએ હોબાળો કર્યો હતો. વાસ્તવમાં યુનિવર્સિટીની ગર્લ્સ હોસ્ટેલમાં રહેતી એક છોકરી પર આરોપ છે કે તેણે હોસ્ટેલની 5 થી 6 વિદ્યાર્થીનીઓનો સ્નાન કરતો વીડિયો બનાવ્યો હતો અને તેને એક યુવકને મોકલી દીધો હતો. આ બાબતે વિદ્યાર્થીઓએ યુનિવર્સિટી કેમ્પસમાં હોબાળો મચાવ્યો હતો. આ પછી એમએમએસ બનાવનાર યુવતીને પોલીસને હવાલે કરવામાં આવી છે. પોલીસે આ યુવતી વિરુદ્ધ FIR પણ નોંધી છે. આ યુવતી લાંબા સમય સુધી યુવતીઓના નહાતી હોવાનો વીડિયો બનાવી રહી હતી અને તેને તે યુવકને મોકલતી હતી જેને તે જાણતી હતી. આ યુવકે આ વીડિયો ઈન્ટરનેટ પર મૂક્યો હતો જે વાયરલ થયો હતો. જ્યારે યુવતીઓએ ઈન્ટરનેટ પર તેનો વીડિયો જોઇ દંગ રહી ગઇ હતી.

યુનિવર્સિટી મેનેજમેન્ટ પર ઘટના દબાવવાનો આરોપ

સાથે જ યુનિવર્સિટી મેનેજમેન્ટ પર પણ આ મામલાને દબાવી દેવાનો આરોપ લગાવવામાં આવી રહ્યો છે. વિદ્યાર્થિનીઓનું કહેવું છે કે તેઓએ આ અંગે મેનેજમેન્ટને ફરિયાદ કરી હતી પરંતુ મેનેજમેન્ટે આ બાબતે કોઈ કાર્યવાહી કરી ન હતી. જેના કારણે રોષે ભરાયેલા વિદ્યાર્થીઓએ ગઈકાલે રાત્રે યુનિવર્સિટીનો ઘેરાવ કર્યો હતો અને સૂત્રોચ્ચાર કર્યા હતા. આ મામલાની જાણ પોલીસને કરવામાં આવી હતી અને ઘટનાસ્થળે બોલાવવામાં આવી હતી.