Gujarat Rain Forecast: રાજ્યમાં વધુ એક વરસાદનો રાઉન્ડ થશે શરૂ, જાણો કઇ તારીખથી મેઘરાજાની થશે એન્ટ્રી

Gujarat Rain Forecast: હવામાન વિભાગની આગાહી મુજબ ગુજરાતમાં ફરી મેઘરાજાની એન્ટ્રી થશે, બંગાળની ખાડીમાં વઘુ એક સિસ્ટમ એક્ટિવ થઇ છે. જેમ મહારાષ્ટ્ર તરફ ગતિ કરી રહી છે.

ગુજરાત વરસાદ આગાહી

Source : freepik

Gujarat Rain Forecast: બંગાળીની ખાડીમાં સર્જાયેલ સિસ્ટમ મહારાષ્ટ્ર તરફ ગતિ કરતા મુંબઇ પૂણેમાં ભારે વરસાદ વરસી રહ્યો છે.  આ સિસ્ટમ ગુજરાતમાં પણ 17 સુપ્ટેમ્બર બાદ  વરસાદ લાવે શકયતાં છે.

બંગાળની ખાડીમાં વધુ એક સિસ્ટમ આકાર લેતાં ફરી ગુજરાતમાં વરસાદનું અનુમાન છે. આ સિસ્ટમના કારણે ખાસ કરીન દક્ષિણ ગુજરાતમાં સારો વરસાદ વરસશે. મેઘરાજાએ રાજ્યમાં જોરદાર બેટિંગ કર્યાં બાદ હાલ મોટાભાગના વિસ્તારમાં વરસાદે લગભગ વિરામ લીધો છે. કચ્છના કેટલાક વિસ્તારમાં ગઇ કાલે વરસાદ વરસ્યો હતો. આગામી 24 કલાકમાં ગુજરાતમાં છૂટછવાયો હળવો વરસાદ વરસી શકે છે. ભારે સાર્વત્રિક વરસાદની શક્યતા નહિવત છે. 

બંગાળની ખાડીમાં એક સાયક્લોનિક સર્ક્યુલેશન રચાઇ રહ્યું છે. જો આ સિસ્ટમ મજબૂત બનશે તો ગુજરાતમાં ફરી વધુ એક વરસાદનો રાઉન્ડ આવે તેવી શક્યતા જોવાઇ રહી છે. આ સિસ્ટમ ધીરે ધીરે આગળ વધશે અને મહારાષ્ટ્ર તરફથી ગતિ કરે તેવી શક્યતા જોવાઇ રહી છે. આ સિસ્ટમ મહારાષ્ટ્ર તરફ ફંટાતા મહારાષ્ટ્રમાં ભારે વરસાદ વરસી શકે છે. આગામી 14 સપ્ટેમ્બરની આસપાસ આ સિસ્ટમની અસર ગુજરાતમાં પણ વર્તાશે. જેના પગલે  14 સપ્ટેમ્બરની આસપાસ ફરી ગુજરાતમાં વરસાદનો એક નવો રાઉન્ડ શરૂ થઇ શકે છે. આ સિસ્ટમ કેટલી મજબૂત બનશે તેના પર વરસાદની તીવ્રતાનો આધાર રહેશે.

ક્યાં વરસશે ભારે વરસાદ

હવામાન વિભાગના મોડલ મુજબ બંગાળની ખાડીમાં સર્જાયેલી સિસ્ટમના કારણે 17 સપ્ટેમ્બરથી ગુજરાતમાં ફરી વરસાદની શરૂઆત થઇ શકે છે. જો કે આ રાઉન્ડમાં સૌથી વધુ વરસાદ દક્ષિણ ગુજરાત અને સૌરાષ્ટ્રમાં વરસે તેવી શક્યતા જોવાઇ રહી છે. વલસાડ, તાપી, નવસારી, સુરત સહિત સૌરાષ્ટ્રના વિસ્તાર પોરબંદર, દેવભૂમિ દ્વારકા, ગીર સોમનાથમાં પણ  આ રાઉન્ડમાં ભારે વરસાદ વરસી શકે છે.

ઉલ્લેખનિય છે કે, ગુજરાતમાં 15 સપ્ટેમ્બર બાદ  સૌરાષ્ટ્ર અને દક્ષિણ ગુજરાતમાં ભારે વરસાદનો રાઉન્ડ આવી શકે છે જ્યારે આ વિસ્તાર ઉપરાંત ઉત્તર ગુજરાત, મધ્ય ગુજરાત, પૂર્વ ગુજરાતમાં હળવાથી મધ્યમ વરસાદ વરસી શકે છે.દિલ્હી-એનસીઆર સહિત ઉત્તર ભારતમાં  ચોમાસુ વિદાય આપવાના મૂડમાં છે. જોકે, પર્વતોમાં વરસાદનો કહેર હજુ પણ ચાલુ છે. પંજાબના ઘણા ગામડાઓ હજુ પણ પૂરમાં ડૂબી ગયા છે. બીજી તરફ, જો આપણે યુપી-બિહારની વાત કરીએ, તો ત્યાં ફરીથી વરસાદનો રાઉન્ડ શરૂ થયો છે. પૂર્વી ઉત્તર પ્રદેશમાં રાતથી જ ભારે વરસાદ પડી રહ્યો છે, જેના કારણે તાપમાનમાં થોડો ઘટાડો થયો છે. ચાલો જાણીએ કે આજે દેશભરમાં હવામાન કેવું રહેશે.

દેશભરમાં હવામાન બદલાવા લાગ્યું છે. વરસાદની સિઝન હવે અંત તરફ જઇ રહી હોય તેવું લાગે છે. છેલ્લા કેટલાક દિવસોથી ઉત્તર ભારતમાં ભારે વરસાદ પડ્યો નથી. હવામાન વિભાગનું માનીએ તો, આગામી એક અઠવાડિયા સુધી હવામાનમાં કોઈ ખાસ ફેરફાર થશે નહીં. આગામી 7 દિવસમાં જમ્મુ-કાશ્મીર, પંજાબ, હરિયાણા, દિલ્હી, પશ્ચિમ ઉત્તર પ્રદેશ અને રાજસ્થાનમાં વરસાદની કોઈ આગાહી નથી. હિમાચલ પ્રદેશ અને ઉત્તરાખંડમાં વરસાદની શક્યતા છે, તો શું ચોમાસુ વિદાય લેશે? અહીં, ઉત્તર ભારતમાં રાત ઠંડી પડવા લાગી છે. હવામાન વિભાગનું માનીએ તો, આ વખતે ભારે ઠંડી પડી શકે છે. શિયાળાની મોસમ સરેરાશ કરતા વધુ ઠંડી રહી શકે છે.