Gujarat Election 2022: BJPના ઉમેદવારે બોગસ મતદાન કરવાની કરી અપીલ, જાણો વિગતે
ફતેસિંહ ચૌહાણ વીડિયોમાં લોકોને બોગસ મતદાનની અપીલ કરી રહ્યા છે. જેમાં બોગસ કરો કે જે કરો તે 100 ટકા મતદાન કરી આ વિસ્તારમાંથી 3000 મત પાડો, આપણા હરિફ કોઈ નથી પરિણામ નક્કી જ છે તેમ કહેતા જોવા મળી રહ્યા
Gujarat Election 2022: ગુજરાત વિધાનસભાની ચૂંટણીના બીજા તબક્કાના પ્રચાર પડઘમ આજે સાંજે પાંચ કલાકે શાંત તઈ જશે. પક્ષો-ઉમેદવારો આજે સાંજથી ડોર ટુ ડોર તેમજ સોશિયલ મીડિયા થકી ઉમેદવારોને રીઝવવા માટે છેલ્લી ઘડી સુધી પ્રયાસ કરશે. ગુજરાત વિધાનસભાની ચૂંટણીના બીજા તબક્કામાં 14 જિલ્લાની 93 બેઠક માટે કુલ 833 ઉમેદવારો મેદાનમાં છે. પ્રચારના અંતિમ દિવસે ઉમેદવારો બેન્ડવાજા, ડીજે સાથે રેલીઓ યોજીને શક્તિ પ્રદર્શન કરશે. શનિવાર-રવિવારના ભરપૂર લગ્નો છે. જેના કારણે ઉમેદવારો લગ્ન સમારોહમાં જઇને પણ પોતાનો પ્રચાર કરશે.
કાલોલ ભાજપના ઉમેદવારોનો ચૂંટણી પ્રચારનો વિવાદિત વીડિયો વાયરલ થયો છે. ફતેસિંહ ચૌહાણ વાયરલ વીડિયોમાં લોકોને બોગસ મતદાનની અપીલ કરી રહ્યા છે. જેમાં તેઓ બોગસ કરો કે જે કરો તે 100 ટકા મતદાન કરી આ વિસ્તારમાંથી 3000 મત પાડો, આપણા હરિફ કોઈ નથી પરિણામ નક્કી જ છે તેમ કહેતા જોવા મળી રહ્યા છે. આ વીડિયો ઘોઘંબાનાં બોર ચાઠાં ગામમાં યોજાયેલી જાહેર સભાનો છે. સમગ્ર મામલે કાલોલ વિધાનસભા બેઠકનાં આપ નાં ઉમેદવાર દિનેશ બારીયા દ્વારા ચૂંટણી અધિકારી સમક્ષ રજૂઆત કરી કાર્યવાહીની માંગ કરવામાં આવી છે.
5 ડિસેમ્બરે 14 જિલ્લાની 93 બેઠક માટે બીજા તબક્કાનું મતદાન
- બનાસકાંઠા જિલ્લો : બેઠકોના નામ : વાવ, થરાદ, ધાનેરા, દાંતા (ST), વડગામ (SC), પાલનપુર, ડીસા, દિયોદર, કાંકરેજ
- પાટણ જિલ્લો : બેઠકોના નામ : રાધનપુર, ચાણસ્મા, પાટણ, સિદ્ધપુર
- મહેસાણા જિલ્લો : બેઠકો : ખેરાલુ, ઉંઝા, વિસનગર, બેચરાજી, કડી, મહેસાણા, વિજાપુર
- સાબરકાંઠા જિલ્લો : બેઠકોના નામ : હિંમતનગર, ઈડર, ખેડબ્રહ્મા (ST), પ્રાંતિજ
- અરવલ્લી જિલ્લો : બેઠકોના નામ : ભિલોડા (ST), મોડાસા, બાયડ
- ગાંધીનગર જિલ્લો : બેઠકો: દહેગામ, ગાંધીનગર દક્ષિણ, ગાંધીનગર ઉત્તર, માણસા, કલોલ
- અમદાવાદ જિલ્લો : બેઠકો: વિરમગામ, સાણંદ, ઘાટલોડિયા, વેજલપુર, વટવા, એલિસબ્રિજ, નારાણપુરા, નિકોલ, નરોડા, ઠક્કરબાપા નગર, બાપુનગર, અમરાઈવાડી, દરિયાપુર, જમાલપુર-ખાડિયા, મણિનગર, દાણીલીમડા, સાબરમતી, અસારવા, દસક્રોઈ, ધોળકા, ધંધુકા
- આણંદ જિલ્લો : બેઠકો : ખંભાત, બોરસદ, આંકલાવ, ઉમરેઠ, આણંદ, પેટલાદ, સોજિત્રા
- ખેડા જિલ્લો : બેઠકોના નામ : માતર, નડિયાદ, મહેમદાબાદ, મહુધા, ઠાસરા, કપડવંજ
- મહીસાગર જિલ્લો : બેઠકોના નામ : બાલાસિનોર, લુણાવાડા, સંતરામપુર
- પંચમહાલ જિલ્લો : બેઠકોના નામ : શહેરા, મોરવાહડફ, ગોધરા, કાલોલ, હાલોલ
- દાહોદ જિલ્લો : બેઠકો : ફતેપુરા, ઝાલોદ, લીમખેડા, દાહોદ, ગરબાડા, દેવગઢ બારિયા
- વડોદરા જિલ્લો : બેઠકોના નામ : સાવલી, વાઘોડિયા, ડભોઈ, વડોદરા શહેર (SC), સયાજીગંજ, અકોટા, રાવપુરા, માંજલપુર, પાદરા, કરઝણ
- છોટાઉદેપુર જિલ્લો : બેઠકોના નામ: છોટાઉદેપુર, જેતપુર (ST)
ટ્રેન્ડિંગ સમાચાર
ટોપ સ્ટોરી
