ગુજરાતમાં મોટા ફેરફારના એંધાણ! CM ભૂપેન્દ્ર પટેલ અને જગદીશ વિશ્વકર્મા દિલ્હીમાં PM મોદી-અમિત શાહને મળ્યા
મુખ્યમંત્રી ભૂપેન્દ્ર પટેલ, પ્રદેશ ભાજપ અધ્યક્ષ જગદીશ વિશ્વકર્મા (પંચાલ), અને પ્રદેશ સંગઠન મહામંત્રી રત્નાકર એમ ત્રણ મહત્ત્વના નેતાઓ કેન્દ્રીય નેતૃત્વ સાથે મુલાકાત કરવા માટે દિલ્હીમાં છે.
Gujarat BJP leadership Delhi: ગુજરાતના રાજકારણમાં એકવાર ફરી મોટા ફેરબદલ અને મંત્રીમંડળના વિસ્તરણની ચર્ચાઓએ જોર પકડ્યું છે. મુખ્યમંત્રી ભૂપેન્દ્ર પટેલ, પ્રદેશ ભાજપ અધ્યક્ષ જગદીશ વિશ્વકર્મા (પંચાલ), અને સંગઠન મહામંત્રી રત્નાકર દિલ્હી પહોંચ્યા છે. આ ત્રણેય નેતાઓએ સૌપ્રથમ ગૃહમંત્રી અમિત શાહ સાથે મહત્ત્વપૂર્ણ બેઠક કરી હતી અને ત્યારબાદ તેઓ પ્રધાનમંત્રી નરેન્દ્ર મોદી સાથે મુલાકાત કરવા પહોંચ્યા છે. આ ઉચ્ચસ્તરીય બેઠકોના પગલે એવી શક્યતા સેવાઈ રહી છે કે ગુજરાત સરકારમાં લાંબા સમયથી પ્રતીક્ષિત મંત્રીમંડળનું વિસ્તરણ હવે દેવ દિવાળી સુધી રાહ જોયા વિના વહેલું પણ થઈ શકે છે.
ગુજરાત ભાજપનું દિલ્હી દરબાર: શીર્ષ નેતૃત્વની મેરેથોન બેઠકો
ગુજરાત ભાજપનું સમગ્ર શીર્ષ નેતૃત્વ આજે રાજકીય હલચલ વચ્ચે દિલ્હી પહોંચ્યું છે. મુખ્યમંત્રી ભૂપેન્દ્ર પટેલ, પ્રદેશ ભાજપ અધ્યક્ષ જગદીશ વિશ્વકર્મા (પંચાલ), અને પ્રદેશ સંગઠન મહામંત્રી રત્નાકર એમ ત્રણ મહત્ત્વના નેતાઓ કેન્દ્રીય નેતૃત્વ સાથે મુલાકાત કરવા માટે દિલ્હીમાં છે.
આ ત્રણેય નેતાઓએ સૌપ્રથમ દેશના ગૃહમંત્રી અમિત શાહ સાથે વિગતવાર બેઠક યોજી હતી. ગૃહમંત્રી સાથેની બેઠક પૂર્ણ થયા બાદ, આ ત્રણેય નેતાઓ પ્રધાનમંત્રી નરેન્દ્ર મોદી ના નિવાસસ્થાને પહોંચ્યા છે, જ્યાં હાલ ગુજરાતના રાજકીય માળખા અને ભવિષ્યની વ્યૂહરચના અંગે મંથન ચાલી રહ્યું છે.
આ પ્રકારની ત્રિપુટી મુલાકાત સામાન્ય રીતે મોટા સંગઠનાત્મક ફેરફારો અથવા સરકારી નિર્ણય લેતા પહેલા થાય છે, જેના કારણે રાજ્યના રાજકીય વર્તુળોમાં 'નવા-જૂની' થવાના એંધાણ દેખાઈ રહ્યા છે.
મંત્રી મંડળના વિસ્તરણની ચર્ચાઓએ પકડ્યું જોર
મુખ્યમંત્રી ભૂપેન્દ્ર પટેલની આ દિલ્હી મુલાકાતથી રાજ્ય મંત્રીમંડળના સંભવિત વિસ્તરણની ચર્ચાઓ વધુ એકવાર તેજ બની છે. અગાઉ એવા સંકેતો હતા કે મંત્રીમંડળનું વિસ્તરણ દેવ દિવાળી આસપાસ થઈ શકે છે, પરંતુ મુખ્યમંત્રીની આજની મુલાકાતથી એવી શક્યતા વધી ગઈ છે કે વિસ્તરણ વહેલું થઈ શકે છે.
મંત્રી મંડળનું વિસ્તરણ કરવાની જરૂરિયાત ઘણા સમયથી અનુભવાઈ રહી છે, જેમાં ખાલી પડેલી જગ્યાઓ ભરવા ઉપરાંત પ્રાદેશિક અને જ્ઞાતિગત સંતુલન જાળવવાનો હેતુ હોઈ શકે છે. દિલ્હીમાં થયેલી ઉચ્ચસ્તરીય બેઠકોમાં આજે જ મંત્રીમંડળના વિસ્તરણની ફોર્મ્યુલા અને સમયરેખા અંગે અંતિમ ચર્ચા થઈ હોવાની પૂરી શક્યતા છે.
આ મુલાકાત માત્ર મંત્રીમંડળના વિસ્તરણ પૂરતી સીમિત નહીં રહે, પરંતુ આગામી સમયમાં ગુજરાતમાં ભાજપ સંગઠન અને સરકારના સંકલનને વધુ મજબૂત કરવા માટે પણ એક મોટી ભૂમિકા ભજવશે.
ટોપ સ્ટોરી
ટ્રેન્ડિંગ સમાચાર
