ગુજરાત ભાજપનાં આ મહિલા ધારાસભ્યની તબિયત લથડતાં CR પાટીલ જશે હોસ્પિટલ, બીજા ક્યા ટોચના નેતાએ લીધી છે મુલાકાત ?

આશાબેનને મલ્ટિ ઓર્ગન ફેઈલ્યોર એટલે કે શરીરનાં અવયવો સારી રીતે કામ નહીં કરતાં હોવાની માહિતી ડોક્ટરે આપી હતી.

Ashaben_Patel

અમદાવાદઃ  ઊંઝાનાં ભાજપનાં ધારાસભ્ય આશાબેન પટેલની તબિયત લથડતા તેમને અમદાવાદ ખાતે ઝાયડસ હોસ્પિટલમાં દાખલ કરવામાં આવ્યાં છે. આશાબેન પટેલની તબિયતના હાલ જાણવા ભાજપના ટોચના નેતા એક પછી એક ઝાયડસ હોસ્પિટલની મુલાકાત લઈ રહ્યા છે. ગઈ કાલે મુખ્યમંત્રી ભૂપેન્દ્ર પટેલ અને ભૂતપૂર્વ મુખ્યમંત્રી વિજય રૂપાણીએ ઝાયડસ હોસ્પિટલની મુલાકાત લીધી હતી.

હવે ગુજરાત પ્રદેશ ભાજપ અધ્યક્ષ સી.આર. પાટીલ પણ આશાબેન પટેલની તબિયતના હાલ જાણવા ઝાયડસ હોસ્પિટલ જશે. પાટીલ બપોરેના અરસામાં આશાબેન પટેલની ખબર પૂછવા માટે જશે એવી માહિતી મળી છે.

આશાબેનને મલ્ટિ ઓર્ગન ફેઈલ્યોર એટલે કે શરીરનાં અવયવો સારી રીતે કામ નહીં કરતાં હોવાની માહિતી ડોક્ટરે આપી હતી.

આશાબેનની તબિયત કથળતાં લોકોમાં ચિંતાનો માહોલ છે ત્યારે રાહતના સમાચાર આવ્યા છે. આશાબેનની તબિયત સારી હોવાનો દાવો ભાજપના પ્રદેશ ઉપપ્રમુખ મહેન્દ્ર પટેલે કર્યો છે. મહેન્દ્ર પટેલ આજે ઝાયડસ હોસ્પિટલ પહોંચ્યા હતા. તેમણે દાવો કર્યો કે, આશાબેનની તબિયત સુધારા પર છે. મહેન્દ્ર પટેલે કહ્યું કે, આશાબેન હાલમાં લાઈફ સપોર્ટ સિસ્ટમ પર છે પણ સારવારની અસર વર્તાઈ રહી છે.

નોંધનિય છે કે, દિલ્હીના પ્રવાસ બાદ તેમને ડેન્ગ્યુ થયો હતો. આ સમય દરમિયાન તેમની તબિયત વધુ લથડી હતી. ડેન્ગ્યુ બાદ તેમનું લીવર ડેમેજ થતાં તેમને અમદાવાદ ઝાયડસ હોસ્પિટલમાં દાખલ કરાયા હતા. ડોક્ટરે આપેલી માહિતી મુજબ આશાબહેનનું લીવર ડેમેજ થયું હોવાથી હાલ તેમને  આઇસીયુમાં વેન્ટિલેટર પર રાખવામાં આવ્યા છે. ડેન્ગ્યુના કારણે તેમની સ્થિત વધુ ગંભીર થઇ હોવાની માહિતી ડોક્ટરે આપી છે.

 

આ પણ વાંચો