Gujarat Board Exams 2024 Live: ગુજરાત બોર્ડ પરીક્ષાનો આજથી પ્રારંભ, ગેરરીતિ કરનાર સામે પોલીસ કેસ સુધીની થશે કાર્યવાહી
Gujarat Board Exams 2024 Live: બોર્ડના પેપર સ્ટ્રોંગ રૂમમાંથી સવારે 8 વાગ્યા સુધીમાં પોલીસની સુરક્ષામાં પરીક્ષા કેન્દ્ર પર પહોંચાડવામાં આવશે
LIVE
Background
બોર્ડની પરીક્ષામાં પણ રાજકીય પક્ષોની રાજનીતિ
બોર્ડની પરીક્ષામાં પણ રાજકીય પક્ષોની રાજનીતિ જોવા મળી હતી. પક્ષનો ખેસ પહેરી આગેવાનો પરીક્ષા કેન્દ્રો પર પહોંચ્યા હતા. સુરતની શારદા યતન સ્કૂલમાં ખેસ પહેરી ભાજપના આગેવાનો પહોંચ્યા હતા. કોર્પોરેટર વ્રજેશ ઉનડકટ, અશોક રાંદેરી ભાજપનો ખેસ પહેરી પરીક્ષા કેન્દ્ર પર પહોંચ્યા હતા.
પરીક્ષા કેદ્રો પર શાળાના સંચાલકો દ્ધારા વિદ્યાર્થીઓને શુભેચ્છા પાઠવવામાં આવી હતી.
અરવલ્લી જિલ્લામાં ધોરણ 10 અને 12 ની બોર્ડની પરીક્ષા 43 પરીક્ષા કેદ્રો પર યોજાશે. જિલ્લાના 117 પરીક્ષા બિલ્ડિગમાં 31694 ધોરણ 10 અને 12 ના વિદ્યાર્થીઓ પરીક્ષા આપશે. પરીક્ષા કેદ્રો પર પોલીસ બંદોબસ્ત ગોઠવાયો હતો. પરીક્ષા કેદ્રો પર શાળાના સંચાલકો દ્ધારા વિદ્યાર્થીઓને શુભેચ્છા પાઠવવામાં આવી હતી.
મુખ્યમંત્રી ભૂપેન્દ્ર પટેલે વિદ્યાર્થીઓને શુભેચ્છા પાઠવી
આજથી પ્રારંભ થઇ રહેલ ધોરણ 10 અને 12 ની બોર્ડ પરીક્ષામાં બેસનાર સૌ વિદ્યાર્થીઓને સફળતાની હાર્દિક શુભકામનાઓ.
— Bhupendra Patel (Modi Ka Parivar) (@Bhupendrapbjp) March 11, 2024
આપ સૌ હકારાત્મક અભિગમ સાથે પૂરા આત્મવિશ્વાસથી પરીક્ષા આપો. માત્ર શાળાની જ નહીં, જીવનની પરીક્ષામાં પણ સફળતા મેળવીને ઉજ્જવળ ભવિષ્યને પામો એ જ અભ્યર્થના.
660થી વધુ સંવેદનશીલ અને અતિ સંવેદનશીલ કેંદ્રો છે
બોર્ડની પરીક્ષા 26 માર્ચ સુધી ચાલશે. બોર્ડ પરીક્ષાઓ માટે સ્ટેટ લેવલે 85 સ્કવોડ ટીમો તૈનાત કરવામાં આવી છે. 660થી વધુ સંવેદનશીલ અને અતિ સંવેદનશીલ કેંદ્રો છે. આ વર્ષે બોર્ડ પરીક્ષા માટે વર્ગ એક અને બેના 1500થી વધુ અધિકારીઓને જુદી જુદી જવાબદારીઓ આપવામાં આવી છે. તો તમામ જિલ્લાના શિક્ષણના અધિકારીઓ, પોલીસ પ્રશાસન, એસટી નિગમ અને આરોગ્ય વિભાગ સહિત અંદાજીત એક લાખ જેટલા અધિકારીઓ અને કર્મચારીઓને તૈનાત છે
ધોરણ 10 અને 12ની બોર્ડની પરીક્ષાનો આજથી પ્રારંભ થશે
ધોરણ 10 અને 12ની બોર્ડની પરીક્ષાનો આજથી પ્રારંભ થશે. 15 લાખથી વધુ વિદ્યાર્થીઓ બોર્ડની પરીક્ષા આપશે. રાજ્યની પાંચ હજાર 378 બિલ્ડિંગના 54 હજાર 294 બ્લોક પરીક્ષામય બનશે. આ વર્ષે ધોરણ 10માં 9 લાખ 17 હજાર 687 વિદ્યાર્થી નોંધાયા છે. જેમાં 1 લાખ 65 હજાર 846 વિદ્યાર્થી રિપીટર છે જ્યારે ધોરણ 12 સાયન્સમાં 1 લાખ 11 હજાર 549 વિદ્યાર્થી નોંધાયા છે. તો ધોરણ 12 સામાન્ય પ્રવાહમાં 4 લાખ 89 હજાર 279 વિદ્યાર્થી છે.
ટોપ સ્ટોરી
ટ્રેન્ડિંગ સમાચાર
