મુજપૂર-ગંભીરા બ્રિજ 'તૂટી પડ્યો' એનો 'પહેલો' રિપોર્ટ આવ્યો, જાણો સરકારે બ્રિજ તૂટવા માટે કોને ગણાવ્યા જવાબદાર
મંત્રી ઋષિકેશ પટેલે સ્થળ પર પહોંચી તપાસ કરી, 30 દિવસમાં 'મોટો' રિપોર્ટ આવશે, 4 અધિકારીઓને 'સસ્પેન્ડ' કરાયા!
Gambhira Bridge collapsed: વડોદરા જિલ્લાના પાદરા તાલુકાના મુજપુર ગામ પાસે જે બ્રિજ તૂટી પડવાની ઘટના બની હતી, એના પર આરોગ્ય મંત્રી ઋષિકેશ પટેલે સ્થળની મુલાકાત લીધી હતી. એમણે મીડિયાને જણાવ્યું કે, મુખ્યમંત્રી ભુપેન્દ્રભાઈ પટેલના આદેશ પછી, માર્ગ અને મકાન વિભાગે આ ઘટનાની મોટી 'તપાસ' કરાવી છે. આ તપાસ સમિતિના પહેલા રિપોર્ટ મુજબ, બ્રિજ 'પેડેસ્ટ્રલ' અને 'આર્ટીક્યુલેશન' ક્રશ થઈ જવાના કારણે તૂટી પડ્યો હોવાનું સામે આવ્યું છે.
30 દિવસમાં આવશે 'મોટો' રિપોર્ટ, સરકાર લેશે 'કડક' પગલાં!
રાજ્ય સરકારના પ્રવક્તા મંત્રી ઋષિકેશ પટેલે મીડિયા સાથે વાત કરતા કીધું કે, માર્ગ અને મકાન વિભાગની આ સમિતિ 30 દિવસમાં આખા મામલાનો વિસ્તૃત રિપોર્ટ આપશે. એમાં ટેકનિકલ ને વહીવટી કારણો સાથેનો તપાસ રિપોર્ટ મુખ્યમંત્રીને સોંપવામાં આવશે. પછી એના આધારે બીજા નિર્ણયો લેવામાં આવશે.
એમણે ઉમેર્યું કે, "પહેલી નજરે જ્યાં પણ બેદરકારી જોવા મળી, એ માટે જવાબદાર માર્ગ અને મકાન વિભાગના 4 અધિકારીઓને રાજ્ય સરકારે ફરજ મોકૂફી હેઠળ મૂક્યા છે. હજી પણ જે પગલાં લેવા પડશે, એ પગલાં રાજ્ય સરકાર જરૂર લેશે."
શોધખોળ કામગીરી 'આખરી' તબક્કામાં, વાહનો બહાર કઢાયા!
મંત્રીએ જણાવ્યું કે, અત્યારે બ્રિજ તૂટવાની દુર્ઘટનામાં શોધખોળની કામગીરી આખરી તબક્કામાં છે. અંદર પડી ગયેલા વાહનોને બહાર કાઢી લેવામાં આવ્યા છે. જે લોકો મૃત્યુ પામ્યા છે, એમના મૃતદેહો પણ એમના પરિવારજનોને સોંપી દેવાયા છે. આખી સરકારી ટીમે ખુબ જ ઝડપથી ને સંવેદના સાથે કામગીરી કરી છે.
વડોદરાના 'ગંભીરા બ્રિજ' દુર્ઘટનાના ઘાયલોને મળવા આરોગ્ય મંત્રી ઋષિકેશ પટેલ પહોંચ્યા
વડોદરા જિલ્લાના પાદરા તાલુકાના મુજપુરથી ગંભીરાને જોડતો બ્રિજ તૂટી પડવાની જે દુર્ઘટના બની હતી, એમાં જે નાગરિકો ઘાયલ થયા છે, એમને મળવા માટે ગુજરાત રાજ્યના આરોગ્ય મંત્રી ઋષિકેશ પટેલ આજે વડોદરા શહેરની SSG હોસ્પિટલમાં રૂબરૂ પહોંચ્યા હતા. આ મુલાકાત દરમિયાન, મંત્રીશ્રીએ ઘાયલોના ખબર અંતર પૂછ્યા હતા ને એમને સારીમાં સારી સારવાર મળી રહે, એ માટે હોસ્પિટલના તંત્રને જરૂરી સૂચનાઓ પણ આપી હતી.
આરોગ્ય મંત્રી ઋષિકેશ પટેલે ઘાયલો સાથે વાતચીત કરતા જણાવ્યું હતું કે, "રાજ્ય સરકાર આ દુર્ઘટનાથી જે બધા પ્રભાવિત થયા છે, એમની પડખે મજબૂતીથી ઊભી છે." એમણે કીધું કે, "ઘાયલોને તાત્કાલિક ને યોગ્ય સારવાર મળી રહી છે, ને એ ઝડપથી સાજા થાય એ માટે બધા જ પ્રયાસો કરવામાં આવશે."
મંત્રીએ SSG હોસ્પિટલના ડોકટરો અને નર્સિંગ સ્ટાફ સાથે પણ વાતચીત કરી હતી ને ઘાયલોને કેવી સારવાર અપાઈ રહી છે, એની બધી વિગતવાર માહિતી લીધી હતી. એમણે ખાતરી આપી હતી કે, ઘાયલોની સારવાર માટે જે પણ સુવિધાઓ ને સાધનોની જરૂર પડશે, એ બધા પૂરા પાડવામાં આવશે.
ટોપ સ્ટોરી
ટ્રેન્ડિંગ સમાચાર
