Gujarat Rain: જૂનાગઢના ભેસાણમાં 3 ઈંચ વરસાદ ખાબકતા જળબંબાકાર

Gujarat Rain: છેલ્લા ચાર પાંચ દિવસથી સૌરાષ્ટ્રમાં ભારે વરસાદ વરસી રહ્યો છે. ખાસ કરીને ભેસાણ-વિસાવદરમાં મેઘરાજાનું રૌદ્ર સ્વરુપ જોવા મળી રહ્યું છે. આજ સવારથી જ ભેસાણમાં વાદળછાયું વાતાવરણ જોવા મળ્યું હતું.

ભેસાણમાં વરસાદી માહોલ

Gujarat Rain: છેલ્લા ચાર પાંચ દિવસથી સૌરાષ્ટ્રમાં ભારે વરસાદ વરસી રહ્યો છે. ખાસ કરીને ભેસાણ-વિસાવદરમાં મેઘરાજાનું રૌદ્ર સ્વરુપ જોવા મળી રહ્યું છે. આજ સવારથી જ ભેસાણમાં વાદળછાયું વાતાવરણ જોવા મળ્યું હતું. સાંજ પડતા જ ભેસાણમાં સાંબેલાધાર વરસાદ પડવાનું શરુ કરી દીધુ હતું. ભેસાણમાં 3 ઇંચથી વધુ વરસાદ ખાબકતા જળબંબાકારની સ્થિતિ જોવા મળી રહી છે. ભેસાણની સાથે સાથે નજીકમાં ગામો જેવા કે,રાણપુર, પસવાડા, ખારચીયામાં પણ વરસાદી માહોલ જોવા મળી રહ્યો છે. 

રાજ્યમાં વરસાદની બીજી ઈનિંગ શરુ

હવામાન વિભાગની આગાહીને પગલે રાજ્યના અનેક વિસ્તારોમાં વરસાદનો બીજો રાઉન્ડ શરુ થયો છે. ઉત્તર ગુજરાત અને સૌરાષ્ટ્રમાં ફરી વરસાદી માહોલ છવાયો છે. બનાસકાંઠા વિસ્તારમાં આજે મેઘમહેર જોવા મળી રહી છે. યાત્રાધામ અંબાજીમાં ઘણા દિવસના વિરામ બાદ વરસાદની શરૂઆત થઈ છે. 4 દિવસના ભારે ઉકળાટ બાદ આજે વરસાદનું આગમન થયું છે. દિવસ બાદ સાંજે અંબાજી અને આજુ બાજુના વિસ્તારોમાં વરસાદની શરૂઆત થઈ હતી. વરસાદ વરસતા વાતાવરણમાં ઠંડક પ્રસરી હતી. 

આ ઉપરાંત અમીરગઢના વિરમપુર પંથકમાં પણ ભારે વરસાદ પડ્યો છે. કાનપુરા, ડાભેલી, રામપુરા, ખાટી સિતરા સહિતના આજુબાજુ ગ્રામ્ય વિસ્તારમાં વરસાદી મહોલ જોવા મળી રહ્યો છે. બપોર બાદ વાતવરણમાં પલટો આવ્યો હતો. આ સાથે કાંકરેજ પંથકમાં પણ  વરસાદની શરૂઆત થઈ છે. કાંકરેજના થરા,ખીમાણા,શિહોરી સહિતના વિસ્તારોમાં વરસાદ પડ્યો છે. અસહ્ય ઉકળાટ બાદ વરસાદની શરૂઆતથી લોકોને ગરમીથી રાહત મળી છે. વાવણી બાદ વરસાદની શરૂઆતથી ધરતીપુત્રોમાં ખુશીની લહેર જોવા મળી રહી છે.

પાટણ જિલ્લામાં વરસાદી માહોલ

રાઘનપુર બાદ હારીજમાં પણ મેઘમહેર જોવા મળી રહી છે. હારીજમાં ધીમીધારે વરસાદનું આગમન થયું છે. હારીજ,નવા કલાણા,અડિયા,કુરેજા, અસાલડી, બોરતવાડા સહિતના ગ્રામ્ય પંથકમાં વરસાદ પડ્યો છે. લાંબા વિરામ બાદ વરસાદ વરસતા લોકોમાં હરખની હેલી જોવા મળી છે. અતિશય ઉકળાટ બાદ વરસાદથી વાતાવરણમાં ઠંડક પ્રસરી છે.

 

વડોદરાના શિનોરમાં અસહ્ય ગરમી બફારા બાદ વરસાદે બીજી ઇનિંગ કરી શરૂ છે. વડોદરાના શિનોરમાં વરસાદની ધમાકેદાર બેટિંગ જોવા મળી રહી છે. શિનોરના રોડ રસ્તા પર નદીની જેમ વરસાદી પાણી વહેતું થયું છે. શિનોર પંથકના ગામડાઓમાં સાર્વત્રિક વરસાદની ધમાકેદાર બેટિંગ શરૂ થઈ છે.

જામનગરના વાતાવરણમાં પલટો

જામનગરના લાલપુર પંથકમાં વરસાદી માહોલ જામ્યો છે. સવારથી જ સખત ઉકળાટ વચ્ચે ધોધમાર વરસાદ પડ્યો છે. ચાર થાંબલા વિસ્તાર ઉમાધામ સોસાયટી સહકાર પાર્ક જામનગર રોડ સહિતના વિસ્તારોમાં પણ ધોધમાર વરસાદ પડ્યો છે. ગ્રામ્ય વિસ્તરોમાં પણ ધોધમાર વરસાદ પડી રહ્યો છે.

 

પાટણમાં છવાયો વરસાદી માહોલ

રાઘનપુરમાં લાંબા વિરામ બાદ વરસાદનું આગમન થયું છે.ભારે વરસાદને પગલે રાઘનપુર હાઇવે પર વાહન ચાલકોને હાલાકી ભોગવવી પડી રહી છે. રાઘનપુરમાં વરસાદી માહોલ જામતા ઠંડક પ્રસરી છે. રાઘનપુરમાં પવન સાથે વરસાદ વરસતા હાઇવે પર વિઝિબિલિટી ડાઉન થઈ છે.  રાઘનપુર હાઇવે પર પસાર થતા વાહન ચાલકોને વિઝીબીલિટી ડાઉન થતા હેડ લાઈટ ચાલુ કરવાની ફરજ પડી છે. અતિશય ઉકળાટ અને લાંબા વિરામ બાદ વરસાદ વરસતા લોકોને ગરમીમાંથી રાહત મળી છે.

Join Our Official Telegram Channel: https://t.me/abpasmitaofficial