Gujarat: કાતિલ ઠંડીનું મોજુ ફરી આવશે, આગામી 48 કલાક ભારે, જાણો આજે ક્યાં કેટલું નોંધાયુ તાપમાન

Gujarat Weather: આ બધાની વચ્ચેચ હવામાન વિભાગે આપેલા આંકડા પ્રમાણે ગુજરાતમાં 8.6 ડિગ્રીથી લઈને 19.4 ડિગ્રી વચ્ચે લઘુતમ તાપમાન નોંધાયું હતું

(તસવીર- એબીપી લાઇવ)

Source : એબીપી અસ્મિતા

Gujarat Weather: રાજ્યમાં આગામી દિવસોમાં ફરી એકવાર કાતિલ ઠંડીનું મોજુ ફરી વળશે, આગામી દિવસોમાં ભારે ઠંડીનો એક રાઉન્ડ શરૂ થશે જેને લઇને હવામાન વિભાગ અને આગાહીકારોએ મોટી આગાહી કરી છે. ખાસ વાત છે કે, અત્યારે ઉત્તર ભારતથી વાઇ રહેલા ઠંડા પવાનોના કારણે ગુજરાતમાં કાતિલ ઠંડીનું મોજું ફરી વળશે. ગુજરાતમાં આજે તપામાનનો પારો 14-15 ડિગ્રીની આસપાસ રહ્યો છે, અને હવે આગામી 48 કલાક સુધી ઠંડી યથાવત રહેશે. 

નલિયા ફરી ઠંડુગાર બન્યું
ગુજરાતમાં ઠંડી વધવાની સાથે ઠંડા પવનો ફૂંકાવવાના શરૂ થઇ ગયા છે. આ બધાની વચ્ચેચ હવામાન વિભાગે આપેલા આંકડા પ્રમાણે ગુજરાતમાં 8.6 ડિગ્રીથી લઈને 19.4 ડિગ્રી વચ્ચે લઘુતમ તાપમાન નોંધાયું હતું. જેમાં નલિયામાં 8.6 ડિગ્રી સાથે રાજ્યની સૌથી વધુ ઠંડી નોંધાઈ હતી. જ્યારે ઓખામાં 19.4 ડિગ્રી લઘુતમ તાપમાન નોંધાયું હતું. આજે અમદાવાદમાં પણ ઠંડી વધી છે. અમદાવાદમાં 14.3 ડિગ્રી લઘુતમ તાપમાન નોંધાયું હતું. જે આગલા દિવસે 11.4 ડિગ્રી રહ્યું હતું. જ્યારે રાજ્યના પાટનગરમાં પણ ઠંડીનો પારો ગગડીને 13.4 ડિગ્રીએ પહોંચ્યો હતો.

ગુજરાતમાં ક્યાં કેટલું નોંધાયું તાપમાન ?

શહેર	મહત્તમ તાપમાન (ડિગ્રીમાં)	લઘુતમ તાપમાન (ડિગ્રીમાં)
અમદાવાદ	28.1	14.3
ડીસા	30.2	11.1
ગાંધીનગર	28.4	13.4
વિદ્યાનગર	29.8	14.2
વડોદરા	29.6	13.8
સુરત	31.8	16.6
વલસાડ	–	–
દમણ	30.6	15.6
ભૂજ	29.2	13.4
નલિયા	30.4	08.6
કંડલા પોર્ટ	28.8	16.0
કંડલા એરપોર્ટ	29.6	13.2
અમરેલી	29.0	14.1
ભાવનગર	27.7	13.9
દ્વારકા	27.7	16.7
ઓખા	26.4	19.4
પોરબંદર	30.5	12.2
રાજકોટ	29.7	10.7
વેરાવળ	31.4	16.3
દીવ	32.1	12.1
સુરેન્દ્રનગર	30.8	14.0
મહુવા	30.4	13.5
કેશોદ	29.6	10.7

ગુજરાતમાં રહેશે આગામી 48 કલાક કાતિલ ઠંડી 
ગુજરાતમાં શિયાળો વિદાય તરફ આગળ વધી રહ્યો છે પરંતુ અત્યારે ઠંડીનો ચમકારો યથાવત રહ્યો છે. આગામી 48 કલાક દરમિયાન રાજ્યના તાપમાનમાં કોઈ ફેરફાર નહીં થાય અને ત્યારબાદ તાપમાનમાં 2-3 ડિગ્રી જેટલું તાપમાન ઘટવાની શક્યાત હવામાન વિભાગે કરી છે. ગુજરાત વાસીઓને 48 કલાક બાદ ઠંડીમાંથી આંશિક રાહત મળશે.

આ પણ વાંચો