ગુજરાત વરસાદ અપડેટ: આગામી 3 કલાકમાં 14 જિલ્લામાં તૂટી પડશે મુશળધાર વરસાદ, રેડ એલર્ટ જાહેર

Gujarat weather nowcast: અમદાવાદ સહિત 22 જિલ્લાઓમાં મધ્યમ વરસાદની આગાહી, 61 kmph ની ઝડપે પવન ફૂંકાવા સાથે વીજળી પડવાની ચેતવણી.

Gujarat Weather Red Alert IMD Warns Heavy Rain In 14 Districts

Source : ai

Show Quick Read

Key points generated by AI, verified by newsroom

• હવામાન વિભાગે 10 વાગ્યા સુધી ભારે વરસાદની ચેતવણી આપી.
• ચૌદ જિલ્લાઓમાં 60 કિમી/કલાક પવન સાથે ભારે વરસાદ.
• અમદાવાદ સહિત 22 જિલ્લાઓમાં મધ્યમ વરસાદની આગાહી.
• ભારે વરસાદથી જનજીવન પ્રભાવિત, લોકોને સાવચેત રહેવા સૂચન.

Gujarat weather nowcast: ગુજરાતના વાતાવરણમાં અચાનક મોટો પલટો આવ્યો છે. હવામાન વિભાગ (IMD અમદાવાદ) દ્વારા આજે 4 જુલાઈ 2026 ના રોજ સાંજે 7:00 વાગ્યે એક તાત્કાલિક 'નાઉકાસ્ટ' (Nowcast) બુલેટિન જાહેર કરવામાં આવ્યું છે. આ આગાહી મુજબ, આગામી 3 કલાક એટલે કે સાંજે 7 થી રાત્રિના 10 વાગ્યા સુધી રાજ્યના મોટાભાગના વિસ્તારો માટે પરિસ્થિતિ ભારે સાબિત થઈ શકે છે. હવામાન વિભાગે અનેક જિલ્લાઓમાં ગાજવીજ, વીજળી અને તોફાની પવન સાથે ભારે વરસાદની ચેતવણી આપી છે.

14 જિલ્લાઓમાં મેઘરાજાનું રૌદ્ર સ્વરૂપ

હવામાન વિભાગના લેટેસ્ટ અપડેટ અનુસાર, દક્ષિણ ગુજરાતથી લઈને સૌરાષ્ટ્ર અને ઉત્તર ગુજરાતના 14 જેટલા જિલ્લાઓમાં મેઘરાજા તોફાની બેટિંગ કરી શકે છે. ડાંગ, સુરત, તાપી, ભાવનગર, અમરેલી, ગીર સોમનાથ, દીવ, જૂનાગઢ, પોરબંદર, રાજકોટ, સાબરકાંઠા, અરવલ્લી, ભરૂચ અને બનાસકાંઠામાં 15 mm પ્રતિ કલાકથી વધુના વરસાદની શક્યતા છે. આ સમયગાળા દરમિયાન 41 થી 61 કિલોમીટર પ્રતિ કલાકની ઝડપે ઝંઝાવાતી પવન ફૂંકાઈ શકે છે. આ ઉપરાંત, આકાશમાંથી જમીન પર વીજળી પડવાની 30 થી 60 ટકા જેટલી મધ્યમ સંભાવનાઓ દર્શાવવામાં આવી છે.

અમદાવાદ સહિત 22 વિસ્તારોમાં મધ્યમ વરસાદ

બીજી તરફ, અમદાવાદ અને પાટનગર ગાંધીનગર સહિત રાજ્યના અન્ય 22 વિસ્તારોમાં પણ વાતાવરણ તોફાની રહેશે. પાટણ, મહેસાણા, ખેડા, મહીસાગર, દાહોદ, પંચમહાલ, આણંદ, વડોદરા, છોટાઉદેપુર, નર્મદા, નવસારી, વલસાડ, દમણ, દાદરા અને નગર હવેલી, સુરેન્દ્રનગર, બોટાદ, મોરબી, જામનગર, દેવભૂમિ દ્વારકા અને કચ્છમાં મધ્યમ વરસાદની (5 થી 15 mm/કલાક) આગાહી છે. અહીં પણ વાતાવરણ ડહોળાયેલું રહેશે અને 41 થી 60 કિલોમીટરની ઝડપે પવન ફૂંકાવા સાથે વીજળી પડવાનો ખતરો તોળાઈ રહ્યો છે.

આ પણ વાંચોઃ ગુજરાતમાં મેઘરાજાનું રૌદ્ર સ્વરૂપ: 5 સિસ્ટમ સક્રિય, આગામી 7 દિવસ ભારે વરસાદની આગાહી, બે ઝોનમાં રેડ એલર્ટ જાહેર

ભારે વરસાદથી શું મુશ્કેલીઓ સર્જાઈ શકે?

આ પ્રકારના મુશળધાર વરસાદ અને તોફાની પવનને કારણે જનજીવન પ્રભાવિત થઈ શકે છે. હવામાન વિભાગે સંભવિત અસરો વિશે ચેતવણી આપતા જણાવ્યું છે કે:

નીચાણવાળા વિસ્તારો અને રસ્તાઓ પર પાણી ભરાઈ જવાને કારણે વાહનવ્યવહાર ખોરવાઈ શકે છે.

ભારે પવનથી વૃક્ષો, ડાળીઓ અને મોટા હોર્ડિંગ્સ ધરાશાયી થવાની ઘટનાઓ બની શકે છે, જેનાથી જાનમાલનું નુકસાન થઈ શકે.

એરપોર્ટ રનવે પર પાણી ભરાવાને લીધે ફ્લાઇટ્સના શિડ્યુલમાં વિલંબ કે ડાયવર્ઝન થઈ શકે છે.

ખેતીલાયક પાક અને પશુધનને પણ મોટું નુકસાન પહોંચવાની આશંકા છે.

આ પણ વાંચોઃ જૂનાગઢના માંગરોળમાં આભ ફાટ્યું: 24 કલાકમાં 22 ઇંચ વરસાદ, ઘરોમાં પાણી ઘૂસ્યા, જુઓ ગ્રાઉન્ડ રિપોર્ટ

તંત્ર એલર્ટ મોડ પર

આ જોખમોને ધ્યાનમાં રાખીને વહીવટીતંત્રે લોકોને અપીલ કરી છે કે કામ વગર ઘરની બહાર ન નીકળે અને સુરક્ષિત સ્થાને રહે. વીજળી ચમકતી હોય ત્યારે ખુલ્લા મેદાનો કે ઝાડ નીચે ઊભા રહેવાનું ટાળવું. નાગરિકોને હવામાનની તાજી માહિતી માટે હવામાન વિભાગની સત્તાવાર વેબસાઇટ પર નજર રાખવા પણ જણાવાયું છે.