Gujarat Rain Update: રાજ્યના આ 14 જિલ્લામાં વરસાદનું અનુમાન, હવામાન વિભાગની આગાહી
હવામાન વિભાગના આંકલન મુજબ ગુજરાતમાં હાલ કોઇ જિલ્લામાં ભારે વરસાદની શક્યતા નથી પરંતુ ઉત્તર, મધ્ય અને દક્ષિણ ગુજરાતમાં મધ્યમ છૂટછવાયો વરસાદ વરસી શકે છે.
Gujarat Rain Update: રાજ્યના મોટા ભાગના જિલ્લામાં આજે હળવાથી મધ્યમ વરસાદની હવામાન વિભાગની (Meteorological Department) આગાહી છે. દક્ષિણ ગુજરાત, ઉત્તર ગુજરાત, કચ્છ-સૌરાષ્ટ્ર અને મધ્ય ગુજરાતમાં હળવોથી મધ્યમ વરસાદ (rain) વરસી શકે છે.
ઉત્તર ગુજરાતના છ જિલ્લાના છુટાછવાયા સ્થળો પર આજે હળવાથી મધ્યમ વરસાદની આગાહી rain forecast). બનાસકાંઠા, પાટણ, મહેસાણા, સાબરકાંઠા અને ગાંધીનગરમાં ધીમીધારે વરસાદ (rain) વરસી શકે છે
મધ્ય ગુજરાતના 8 જિલ્લામાં આજે મોસમનો મિજાજ બદલાય શકે છે. ખેડા, આણંદ, પંચમહાલ, દાહોદ, મહીસાગર, વડોદરા, છોટા ઉદેપુરમાં હળવોથી મધ્યમ વરસાદ (rain) વરસી શકે છે
દક્ષિણ ગુજરાતના સાત જિલ્લામાં હળવો વરસાદ વરસી શકે છે. નર્મદા, ભરૂચ, સુરત, ડાંગ, તાપી, નવસારી અને વલસાડમાં હળવાથી મધ્યમ વરસાદની (rain) શક્યતા છે.
કચ્છ સહિત સૌરાષ્ટ્રના 11 જિલ્લામાં હળવાથી મધ્યમ વરસાદની હવામાન વિભાગની આગાહી છે. સુરેન્દ્રનગર, રાજકોટ,પોરબંદરમાં હળવો વરસાદ વરસી શકે છે. તો જૂનાગઢ, અમરેલી, ભાવનગર, મોરબી,દ્વારકા અને ગીર સોમનાથમાં મધ્યમ વરસાદ વરસી શકે છે.
રાજ્યના ક્યાં ડેમ થયા ઓવરફ્લો
રાજ્યમાં અત્યાર સુધીમાં વરસેલા વરસાદથી રાજ્યના કુલ 207 પૈકી 117 જળાશયો સંપૂર્ણ ભરાઇ ચૂક્યાં છે. તો કચ્છ-સૌરાષ્ટ્રના 97 જળાશયો, જ્યારે દક્ષિણ અને મધ્ય ગુજરાતના 18 જળાશયો સંપૂર્ણ ભરાઇ ચૂક્યાં છે. તો ઉત્તર ગુજરાતના બે જળાશયો છલોછલ ભરાયા છે.
પાણીની ભરપૂર આવકથી રાજ્યના 167 જળાશયો હાઈએલર્ટ,એલર્ટ અને વોર્નિંગ પર છે તો 90 ટકાથી વધુ ભરાયેલા 146 જળાશયો હાઈએલર્ટ, 80થી 90 ટકા ભરાયેલા 11 જળાશયો એલર્ટ પર.. જ્યારે 70થી 80 ટકા ભરાયેલા 10 જળાશયો વોર્નિંગ પર છે.
સિઝનમાં વરસેલો વરસાદ
રાજ્યમાં આ વખતે છેલ્લા ચાર વર્ષનો રેકોર્ડ બ્રેક સિઝનનો 124.99 ટકા વરસાદ વરસ્યો છે. સૌથી વધુ કચ્છમાં સિઝનનો 183.32 ટકા, જ્યારે સૌરાષ્ટ્રમાં સિઝનનો અત્યાર સુધીમાં 129.74 ટકા વરસાદ વરસી ચૂક્યો છે.દક્ષિણ ગુજરાતમાં ચોમાસાની સિઝનનો અત્યાર સુધીમાં 129.18 ટકા વરસાદ વરસી ચૂક્યો છે..જ્યારે મધ્ય ગુજરાતમાં 121.03 ટકા તો ઉત્તર ગુજરાતમાં ચોમાસાની સિઝનનો અત્યાર સુધીમાં 107.66 ટકા વરસાદ વરસ્યો છે.
આ પણ વાંચો
Gujarat Rain: રાજ્યમાં આગામી પાંચ દિવસ હળવાથી મધ્યમ વરસાદની આગાહી
ટ્રેન્ડિંગ સમાચાર
ટોપ સ્ટોરી
