Gujarat Rain Forecast: રાજ્યના આ 7 જિલ્લામાં આજે ભારે વરસાદની આગાહી, હવામાન વિભાગે આપ્યું એલર્ટ
Gujarat Rain Forecast: ગુજરાતમાં ફરી એકવાર મેઘરાજાની એન્ટ્રી થઇ છે. ખાસ કરીને દક્ષિણ ગુજરાતમાં વરસાદનું ધમાકેદાર આગમન થયું છે. જાણીએ વધુ અપડેટ્સ
Gujarat Rain Forecast: હવામાન વિભાગની આગાહી મુજબ સૌરાષ્ટ્રના દરિયાકાંઠાના વિસ્તારમાં અને દક્ષિણ ગુજરાતમાં મધ્યમથી ભારે વરસાદનું અનુમાન છે. બંગાળીની ખાડીમાં પણ એક સિસ્ટમ આકાર લઇ રહી છે. જેની અસરથી 16 ઓગસ્ટ બાદ ગુજરાતમાં સાર્વત્રિક વરસાદનું અનુમાન છે. આજે ગુજરાતના સૌરાષ્ટ્ર અને દક્ષિણ ઝોનમાં વરસાદ શરૂ થયો છે.
હવામાન વિભાગે દક્ષિણ ગુજરાતમાં ભારેથી અતિભારે વરસાદની આગાહી કરી છે. આજે જ દક્ષિણ ગુજરાતના અનેક જિલ્લામાં વરસાદ શરૂ થઇ ગયો છે. દક્ષિણ ગુજરાતના જિલ્લામાં આજે ભારે વરસાદનું અનુમાન છે. હવામાન વિભાગે બંને જિલ્લા નવસારી, વલસાડ, સુરત અને તાપી, નર્મદા, ભરૂચ, ડાંગમાં ભારે વરસાદનું ઓરેંજ એલર્ટ જાહેર કર્યું છે. દમણ અને દાદરાનગરમાં પણ આજે ભારે વરસાદનું અનુમાન છે. આ વિસ્તારમાં ભારે વરસાદની શક્યતાને જોતા હવામાન વિભાગે દમણ અને દાદરાનગર હવેલીમાં ઓરેન્જ એલર્ટ જાહેર કર્યું છે. સૌરાષ્ટ્રના કેટલાક જિલ્લામાં પણ વરસાદની શક્યતા વ્યક્ત કરી છે. જેમાં રાજકોટ, જૂનાગઢ, અમરેલી, ભાવનગરમાં મધ્યમથી ભારે વરસાદ વરસી શકે છે. હવામાન વિભાગે અમરેલીઅને ભાવનગરમાં યેલો એલર્ટ જાહેર કર્યું છે. ગુજરાતમાં ફરી એકવાર મોનસૂન એક્ટિવ થતાં આગામી દિવસમો પણ સાર્વત્રિક વરસાદનું અનુમાન છે. 16 ઓગસ્ટથી 23 ઓગસ્ટ સુધી ગુજરાતના મોટાભાગને આવરી લેતી મેઘમલ્હાર જોવા મળે તેવા સંકેત છે. હવામાન વિભાગના અનુમાન મુજબ 12થી 14 ઓગસ્ટ સુધી ભારે પવનની સાથે વરસાદની શક્યતાને જોતા માછીમારોને દરિયો ન ખેડવા માટે સૂચના અપાઇ છે.
ગુજરાતમાં ક્યાં વરસ્યો વરસાદ
ગુજરાતમાં ફરી એકવાર મેઘરાજાની ધમાકેદાર બેટિંગ શરૂ થઇ છે. ઓગસ્ટ મહિનાની શરૂઆતમાં વધુ વરસાદી રાઉન્ડ શરૂ થયો છે, આજે સવારથી જ દક્ષિણ ગુજરાતમાં વલસાડ સહિતના વિસ્તારોમાં ભારે વરસાદ ખાબક્યો છે, વરસાદના કારણે વલસાડમાં ઠેકઠેકાણ નીચાણવાળા વિસ્તારોમાં પાણી ભરાયા છે. રાજ્યમાં અન્ય ભાગોમાં પણ વરસાદી માહોલ જોવા મળ્યો છે
લાંબા વિરામ બાદ રાજ્યમાં વરસાદે જોર પકડ્યું છે, વલસાડ અને વાપી આસપાસના વિસ્તારમાં વરસાદ વરસ્યો છે. વલસાડ જિલ્લામાં આજે વહેલી સવારથી જ વરસાદી માહોલ છવાયો છે. વલસાડ શહેરમાં ભારે વરસાદને કારણે રસ્તાઓ પાણી પાણી થઈ ગયા છે. શહેર નજીકથી પસાર થતાં અમદાવાદ મુંબઈ નેશનલ હાઈવે પર પણ ભારે વરસાદને કારણે અસર થઈ છે. વલસાડ નજીક અમદાવાદ મુંબઈ નેશનલ હાઈવેના ઓવરબ્રિજના સર્વિસ રોડ પર પાણી ભરાઈ ગયું હતું. આથી વાહનચાલકો અને રાહદારીઓએ પરેશાનીનો સામનો કરવો પડ્યો હતો. વલસાડના નીચાણવાળા કેટલાક વિસ્તારોમાં પાણી ભરાયા છે. છીપવાડ હનુમાનજી મંદિર, MG રોડ પર પાણી ભરાયા છે. ભારે વરસાદના કારણે છીપવાડ ગરનાળામાં પાણી ભરાયા છે. બીજી બાજુ, વાપી, કપરાડા ધરમપુરમાં પણ છૂટોછવાયો વરસાદ પડ્યો છે.
ટોપ સ્ટોરી
ટ્રેન્ડિંગ સમાચાર
