Gujarat Rain: આગામી ત્રણ કલાક અમદાવાદ, અમરેલી અને ભાવનગરમાં ભારે વરસાદની આગાહી 

હવામાન વિભાગ દ્વારા રાજ્યમાં ભારે વરસાદને લઈ આગાહી કરવામાં આવી છે. આજે વહેલી સવારથી જ રાજ્યમાં વરસાદી માહોલ જામ્યોછે.

પ્રતિકાત્મક તસવીર

Source : તસવીર-ABP અસ્મિતા

અમદાવાદ:  હવામાન વિભાગ દ્વારા રાજ્યમાં ભારે વરસાદને લઈ આગાહી કરવામાં આવી છે. આજે વહેલી સવારથી જ રાજ્યમાં વરસાદી માહોલ જામ્યોછે.  અમદાવાદ શહેરમાં પણ વરસાદ વરસી રહ્યો છે. હવામાન વિભાગે રાજ્યમાં ભારે, મધ્યમ અને હળવા વરસાદની આગાહી કરી છે. હવામાન વિભાગે નાવ કાસ્ટ જાહેર કર્યું છે. આ આગાહી મુજબ આગામી ત્રણ કલાક આ જિલ્લાઓ માટે ભારે રહેશે.   

રાજ્યમાં વરસાદ અંગે આગાહી કરતા હવામાન વિભાગે જણાવ્યુ છે કે,  આગામી ત્રણ કલાક કચ્છ, સુરેન્દ્રનગર,અમદાવાદ,  ગીર સોમનાથ,  દીવ,  અમરેલી,  ભાવનગર, બનાસકાંઠા, સાબરકાંઠામાં ભારે વરસાદ આગાહી સાથે ઓરેન્જ એલર્ટ આપવામાં આવ્યું છે.

જ્યારે પાટણ, મહેસાણા, ગાંધીનગર, અરવલ્લી, મહીસાગર, દાહોદ, પંચમહાલ, ખેડા, આણંદ, વડોદરા, છોટાઉદેપુર, નર્મદા, ભરૂચ, સુરત, તાપી, ડાંગ, નવસારી, વલસાડ, દમણ, દાદરા નગર હવેલી, બોટાદ, મોરબી, રાજકોટ, જામનગર, દેવભૂમિ દ્વારકા, પોરબંદર અને જુનાગઢ  જિલ્લામાં હળવાથી મધ્યમ વરસાદની આગાહી સાથે યલો એલર્ટ આપવામાં આવ્યું છે.

રાજ્યમાં વરસાદનું જોર વધશે

બંગાળની ખાડીમાં લોપ્રેશર એરિયા બન્યું છે. જે આગળ વધતા ગુજરાતમાં તેની સારી અસર થશે. જે રાજ્યમાં વરસાદ લાવશે. રાજ્ય પર વરસાદ લાવતી હાલ ત્રણ સિસ્ટમ એક્ટિવ છે. જેમાં પાકિસ્તાનની પાસે    સાયક્લોનિક સર્ક્યુલેશન સર્જાયું છે. તો બંગાળની ખાડીમાં લો પ્રેશન એરિયા સર્જાયો છે અને તો એક ટ્રફ રેખા ગુજરાત પરથી પસાર થઇ રહી છે. જેના કારણે ગુજરાતમાં સારો વરસાદ વરસી રહ્યો છે. આ સિસ્ટમના કારણે ગુજરાતમાં વરસાદનું જોર વધશે. 

એક સાથે ત્રણ સિસ્ટમ એક્ટિવ

ગુજરાત પર વરસાદ લાવતી એક સાથે ત્રણ સિસ્ટમ એક્ટિવ હોવાથી હાલ ગુજરાતમાં મેઘરાજાએ જમાવટ કરી છે. દક્ષિણ સહિતના કેટલાક વિસ્તારને છોડીને ધીમી ધારે ખેતીના પાકને અનુકૂળ વરસાદ વરસતાં ખેડૂતો ખુશખુશાલ છે. હવામાન વિભાગે  રાજ્યમાં ચાર દિવસ ગાજવીજ સાથે વરસાદની આગાહી કરી છે. લો પ્રેશર સિસ્ટમ, અપર એર સાયક્લોનિક સર્ક્યુલેશન સિસ્ટમ સક્રિય છે. આજે કચ્છમાં ભારેથી અતિભારે વરસાદનું અનુમાન છે. પોરબંદર, દ્વારકા, બનાસકાંઠામાં ભારે વરસાદની આગાહી છે. સાબરકાંઠા, અરવલ્લી,મહીસાગરમાં ભારે વરસાદનું અનુમાન હવામાન વિભાગે વ્યક્ત કર્યું છે. દાહોદ, પંચમહાલ, નવસારીમાં યલો એલર્ટ જાહેર કર્યું છે. દમણ, દાદરા અને નગરહવેલીમાં પણ યલો એલર્ટ આપવામાં આવ્યું છે.