કોરોના મહામારીને કારણે સ્થાનિક સ્વરાજની ચૂંટણીઓ કેટલા મહિના સુધી રખાઈ મુલતવી ? જાણો

ગુજરાતમાં કોરોના મહામારીના કારણે સ્થાનિક સ્વરાજની ચૂંટણી મુલતવી રાખવામાં આવી છે.

ગાંધીનગર: ગુજરાતમાં કોરોના મહામારીના કારણે સ્થાનિક સ્વરાજની ચૂંટણી મુલતવી રાખવામાં આવી છે. 6 મનપા, 55 પાલિકા, 31 જિલ્લા પંચાયત અને 231 તાલુકા પંચાયતની ચૂંટણી નહી યોજાય. સામાન્ય ચૂંટણીની મુદ્દત નવેમ્બરમાં પુરી થઈ રહી છે. રાજ્યમાં વિધાનસભાની પેટા ચૂંટણી યોજાવાની છે પરંતુ પંચાયતોની ચૂંટણીની કવાયત ખુબ જ મોટી બની રહે તેમ હોવાથી ચૂંટણીપંચ પણ અવઢવમાં હતું. કેટલાક દિવસોથી કોર્પોરેશન તથા પંચાયતોની ચૂંટણી મોડી થવાની અટકળો ચાલી જ રહી હતી. આ અંગે ચૂંટણીપંચે જાહેરનામું બહાર પડ્યું છે અને જણાવ્યું છે કે આગામી ત્રણ માસ પછી કોરોનાની સ્થિતિની સમીક્ષા કર્યા બાદ નિર્ણય લેવામાં આવશે.ઉલ્લેખનીય છે કે, અમદાવાદ, રાજકોટ,વડોદરા, સુરત, ભાવનગર અને જામનગર મહાનગરપાલિકાઓની સામાન્ય ચૂંટણી વર્ષ 2015માં થઈ હતી જેની મુદત નવેમ્બરમાં પુરી થઈ રહી છે.