મહીસાગરમાં હીટ એન્ડ રન, દારૂ ભરેલી કારે બાઈક સવારને મારી ટક્કર, ડ્રાઈવર કાર મૂકી ફરાર
મહીસાગરમાં દારૂ ભરેલી કારે બાઈક સવાર બે શખ્સને અડફેટે લીધા હતા. ઘટના લુણાવાડાના આગરવાળા ગામ પાસેના બ્રિજ પર બની છે.
મહીસાગર: મહીસાગરમાં દારૂ ભરેલી કારે બાઈક સવાર બે શખ્સને અડફેટે લીધા હતા. ઘટના લુણાવાડાના આગરવાળા ગામ પાસેના બ્રિજ પર બની છે. સંજયભાઈ તેમના ભાઈ સાથે બાઈક પર લગ્ન પ્રસંગે જઈ રહ્યાં હતા. આ સમયે એક કારે તેમને ટક્કર મારી હતી. સંજય ભાઈને ગંભીર ઈજા પહોંચતા સારવાર અર્થે ખેસડાયા છે. અકસ્માત બાદ ડ્રાઈવર કાર મુકી ફરાર થઈ ગયો છે. આ ઘટનાની જાણ થતા પોલીસ અને સ્થાનિકો દોડી આવ્યા હતા. અકસ્માત સર્જાનાર આ કારમાંથી પોલીસને 91 હજારની કિંમતનો વિદેશી દારૂનો જથ્થો મળી આવ્યો છે.
લુણાવાડાના આગરવાળા ગામેથી પસાર થતી મહીસાગર નદીના પુલ પર દારૂ ભરેલી કારનો અકસ્માત સર્જ્યો હતો. અકસ્માત સર્જ્યા બાદ કાર ચાલક કાર મૂકી ફરાર થઇ ગયો હતો.
ઘટના સ્થળે પહોંચેલી પોલીસને તપાસ કરતા કારમાંથી ઈંગ્લીશ દારૂની બોટલો મળી હતી. જેમાં ભારતીય બનાવટની વોડકા કાચના 791 નંગ કવાટરિયા જેની કિંમત 67,235 તથા બિયરના ટીન 199 નંગ જેની કિંમત 23,880 મળી કુલ 91,115 કિંમત થાય છે.
હ્યુન્ડાઇ આઈ20 કાર જેની અંદાજીત કિંમત 2 લાખ મળી પોલીસે તમામ મુદ્દામાલ કબજે કર્યો છે. અકસ્માત અને પ્રોહીબિશનનો ગુન્હો નોંધી આગળની કાર્યવાહી હાથ ધરી છે.
200 કરોડના ડ્રગ્સ કેસમાં ગેંગસ્ટર લોરેન્સ બિશ્નોઈના 14 દિવસના રિમાન્ડ પૂર્ણ
ગેંગસ્ટર લોરેન્સ બિશ્નોઈને નલિયા કોર્ટે જેલ હવાલે કર્યો છે. ATSએ વધુ રિમાન્ડની માંગ ન કરતા જેલ હવાલે કરાયો છે. લોરેન્સને બાય રોડ અમદાવાદની સાબરમતી જેલમાં લાવવામાં આવશે. જખૌના 200 કરોડના ડ્રગ્સ કેસમાં લોરેન્સના 14 દિવસના રિમાન્ડ પૂર્ણ થતાં આજે તેને કોર્ટમાં રજૂ કરાયો હતો. ગેંગસ્ટર લોરેન્સ બિશ્નોઈના 14 દિવસના રિમાન્ડ પૂર્ણ થયા બાદ નલિયા કોર્ટે મોટો નિર્ણય લીધો છે. કોર્ટે લોરેન્સને સાબરમતી જેલના હવાલે કર્યો છે. ATS દ્વારા લોરેન્સને બાય રોડ સાબરમતી જેલમાં લાવવામાં આવશે.
200 કરોડના ડ્રગ્સ કેસમાં ધરપકડ
સિદ્ધુ મુસેવાલા હત્યાકાંડનો મુખ્ય ષડયંત્રકાર લોરેન્સ બિશ્નોઇ ગુજરાત એટીએસની કસ્ટડીમાં છે. તેના પર વધુ કાયદાકીય સકંજો કસવા માટે નેશનલ ઇન્વેસ્ટિગેશન એજન્સી (એનઆઇએ) તેમજ રિચર્સ એન્ડ એનાલિસિસ વિંગ (રો) તેની પૂછપરછ કરશે. 200 કરોડ રૂપિયાના ડ્રગ્સ કેસમાં લોરેન્સ બિશ્નોઇની એટીએસની ટીમે ટ્રાન્સફર વોરન્ટના આધારે ધરપકડ કરી હતી. ધરપકડ બાદ બિશ્નોઇને કોર્ટમાં રજૂ કરવામાં આવ્યો હતો, જ્યાં તેના 14 દિવસના રિમાન્ડ મંજૂર કરાયા હતા.
ડ્રગ્સ કેસમાં લોરેન્સ બિશ્નોઇની સંડોવણી
ગુજરાત ATS એ જખૌના દરિયામાંથી પાકિસ્તાની બોટ ઝડપીને તેમાંથી અંદાજે 200 કરોડનો ડ્રગ્સનો જથ્થો કબજે કર્યો હતો. બોટમાંથી ATSને મોહમદ શફી, ઇમરાન, મોહસીન, જહુર, સોહેલ તથા કામરાનને ઝડપી લીધા હતા. તેની પૂછપરછમાં જાણવા મળ્યું હતું કે ડ્રગ્સનો આ જથ્થો પાકિસ્તાની ડ્રગ્સ માફિયા અબ્દુલ્લાએ બલુચિસ્તાનના દરિયા કિનારેથી બોટમાં ભરાવ્યો હતો. આ ડ્રગ્સનો જથ્થો જખૌના દરિયામાં જુમ્મા કોલ સાઇન વાળી બોટમાં આપવાનો હતો. આ ડ્રગ્સનો ઓર્ડર લોરેન્સ બિશ્નોઇએ આપ્યો હોવાનું પણ સામે આવ્યું હતું. આ પ્રકરણની તપાસમાં ડ્રગ્સની ડિલિવરી લેવા માટે આવનારા સરતાજ અને મહંમદશફીને ઝડપી લેવાયા હતા. આ ઉપરાંત મેરાજ અને ચીફ ઓબોન્ના પણ ઝડપાયા હતા. આ તમામની તપાસમાં લોરેન્સ બિશ્નોઇની ડ્રગ્સકાંડમાં સંડોવણી હોવાનું સામે આવ્યું હતું. જેને પગલે એટીએસ દ્વારા લોરેન્સ બિશ્નોઇની કસ્ટડી મેળવવામાં આવી હતી.
ટોપ સ્ટોરી
ટ્રેન્ડિંગ સમાચાર
