હવામાન વિભાગનું નાઉકાસ્ટ જાહેર, આગામી 3 કલાક બાદ આ જિલ્લાઓમાં ગાજવીજ વરસાદનું એલર્ટ

Gujarat Weather Forecast: ગુજરાતમાં વરસાદી માહોલ વચ્ચે હવામાન વિભાગે આગામી 3 કલાક માટે નાઉકાસ્ટ જાહેર કર્યું છે. રાજ્યના અનેક જિલ્લાઓમાં ગાજવીજ સાથે હળવાથી મધ્યમ વરસાદ અને તેજ પવનની આગાહી કરવામાં આવી છે.

પ્રતીકાત્મક તસવીર

Source : AI

Show Quick Read

Key points generated by AI, verified by newsroom

• હવામાન વિભાગે આગામી 3 કલાક માટે રાજ્યમાં નાઉકાસ્ટ જાહેર કર્યું.
• ગાજવીજ, તેજ પવન સાથે અનેક જિલ્લાઓમાં વરસાદની આગાહી કરાઈ.
• અમદાવાદ, સાબરકાંઠા, દાહોદ સહિત અનેક વિસ્તારોમાં યલો એલર્ટ.
• રાજ્યના 50 થી વધુ તાલુકાઓમાં રવિવારે વરસાદ નોંધાયો હતો.

Gujarat Weather Forecast:અમદાવાદ રાજ્યમાં પ્રી-મોન્સૂન પ્રવૃત્તિઓ વચ્ચે હવામાન વિભાગે આગામી 3 કલાક માટે નાઉકાસ્ટ જાહેર કર્યું છે. વિભાગની આગાહી મુજબ રાજ્યના અનેક જિલ્લાઓમાં મધ્યમથી હળવા વરસાદ સાથે ગાજવીજ અને તેજ પવન ફૂંકાવાની શક્યતા છે.હવામાન વિભાગના જણાવ્યા અનુસાર સાબરકાંઠા અને અરવલ્લી જિલ્લામાં ગાજવીજ સાથે વરસાદ પડી શકે છે. આ ઉપરાંત મહીસાગર, પંચમહાલ અને દાહોદ જિલ્લામાં પણ વરસાદી માહોલ રહેવાની શક્યતા વ્યક્ત કરવામાં આવી છે.

ઉત્તર ગુજરાતના બનાસકાંઠા, મહેસાણા અને ગાંધીનગર જિલ્લામાં પણ વરસાદની આગાહી કરવામાં આવી છે. જ્યારે મધ્ય ગુજરાતના ખેડા, વડોદરા અને છોટા ઉદેપુર જિલ્લામાં ગાજવીજ સાથે વરસાદ પડી શકે છે.વિભાગે વધુમાં જણાવ્યું છે કે, અમદાવાદ, પાટણ, આણંદ, ભરૂચ અને નર્મદા જિલ્લામાં પણ આગામી કલાકોમાં વરસાદી ઝાપટાં પડી શકે છે. આ દરમિયાન 62થી 87 કિલોમીટર પ્રતિ કલાકની ઝડપે પવન ફૂંકાવાની શક્યતા હોવાથી લોકોને સાવચેત રહેવા સૂચના આપવામાં આવી છે. હવામાન વિભાગની આગાહી મુજબ રાત્રે એક વાગ્યા સુધી રાજ્યના વિવિધ વિસ્તારોમાં વરસાદી વાતાવરણ યથાવત રહી શકે છે. ખાસ કરીને ખુલ્લા મેદાનો, વૃક્ષોની નજીક અને નબળા માળખાઓથી દૂર રહેવા લોકોને અપીલ કરવામાં આવી છે. 

આ પણ વાંચો: Gujarat Weather Forecast: રાજ્યમાં આ જિલ્લામાં વરસશે ભારે પવન સાથે વરસાદ, અંબાલાલ પટેલની ચેતવણી

  અનેક જિલ્લાઓમાં ઓરેન્જ અને યલો એલર્ટ

દાહોદ, મહીસાગર અને છોટાઉદેપુરમાં પણ તોફાની પવન સાથે વરસાદની શક્યતા હોવાથી ઓરેન્જ એલર્ટ જાહેર કરાયું છે. જ્યારે નર્મદા, ડાંગ અને તાપીમાં 50થી 60 કિમી પ્રતિ કલાકની ઝડપે પવન ફૂંકાવાની શક્યતા સાથે વરસાદની આગાહી કરવામાં આવી છે. બીજી તરફ બનાસકાંઠા, પાટણ, મહેસાણા, ગાંધીનગર, ખેડા, અમદાવાદ, આણંદ, પંચમહાલ અને વડોદરામાં યલો એલર્ટ જાહેર કરવામાં આવ્યું છે.                                                                                    

રાજ્યના અનેક તાલુકામાં વરસાદ નોંધાયો

રવિવારે રાજ્યના 50થી વધુ તાલુકાઓમાં વરસાદ નોંધાયો હતો. જેમાં મહીસાગરના વીરપુરમાં સૌથી વધુ 1.15 ઈંચ વરસાદ પડ્યો હતો. વરસાદના કારણે ઘણા વિસ્તારોમાં ગરમીથી રાહત મળી છે અને વાતાવરણ ઠંડું બન્યું છે.