Rain Forecast: આગામી ત્રણ દિવસ આ જિલ્લામાં પડશે ભારેથી અતિ ભારે વરસાદ, અંબાલાલે આપી ચેતવણી

ગુજરાતમાં ભારે વરસાદને લઇને હવામાન નિષ્ણાત અંબાલાલે આગાહી કરી છે. 28 ઓગસ્ટ સુધી અતિ ભારે વરસાદનું અનુમાન વ્યક્ત કર્યું છે

હવામાન નિષ્ણાત આંબાલાલ

Source : abp asmita

Rain Forecast:હવામાન નિષ્ણાત અંબાલાલે ગુજરાતમાં અતિભારે વરસાદની આગાહી કરી છે.  ગુજરાતમાં આગામી ત્રણ દિવસ સાર્વત્રિક વરસાદનો અનુમાન વ્યક્ત કર્યો છે. ગુજરાત પર હાલ ત્રણ સિસ્ટમ સક્રિય હોવાથી 28 ઓગસ્ટ  સુધી ગુજરાતના મોટભાગના જિલ્લામાં ભારે વરસાદની શક્યતા છે.  હવામાન નિષ્ણાંત અંબાલાલના અનુમાન મુજબ ગુજરાતમાં વરસાદ અષ્ટમી અને મેળાની મજા બગાડશે. બંગાળીની ખાડીમાં સર્જાયેલા ડીપ ડિપ્રેશનના કારણે રાજ્યમાં સાર્વત્રિક વરસાદ વરસી રહ્યો છે. જો કે અંબાલાલના અનુમાન મુજબ 30 ઓગસ્ટ પછી વરસાદની નવી સિસ્ટમ સર્જાતા ફરી 30 31 પણ રાજ્ય ભરમાં મેઘતાંડવ સર્જાશે. 30 ઓગસ્ટ બાદ મૂશળધાર વરસાદ વરસતાં ભારે વરસાદથી ખેતીના પાકને નુકસાન થઇ શકે છે. હવામાન નિષ્ણાત અંબાલાલે રાજ્યમાં આજથી 28 ઓગસ્ટ સુધી અને ત્યાર બાદ 30 ઓગસ્ટથી ફરી ભારે વરસાદની શક્યતા વ્યક્ત કરી છે.

ગુજરાતમાં ભારે વરસાદની આગાહી આ 7 જિલ્લામાં રેડ 

હવામાન વિભાગની આગાહી વચ્ચે ગુજરાતના મોટા ભાગના જિલ્લામાં ભારેથી અતિભારે વરસાદ વરસી રહ્યો છે. ગુજરાત પર એક સાથે ત્રણ સિસ્ટમ સક્રિય થતાં ગુજરાતમાં હવામાનની પેર્ટન બદલાઇ છે, બંગાળી ખાડીમાં સર્જયેલું સાયક્લોનિક સર્ક્યુલેશન ગુજરાત તરફ આગળ વધવાની સાથે સિસ્ટમ ડીપ ડિપ્રેશનમાં ફેરવાતા ગુજરાતમાં મેઘતાંડવની સ્થિતિ સર્જાઇ છે.  અતિ ભારે વરસાદની સ્થિતિને જોતા હવામાન વિભાગે ગુજરાતના 7 જિલ્લામાં રેડ એલર્ટ જાહેર કર્યું છે.

ભારે વરસાદની શક્યતાને જોતા રેડ એલર્ટ જાહેર

હવામાન વિભાગે ભારે વરસાદની શક્યતાને જોતા સૌરાષ્ટ્રના 2 જિલ્લામાં ભારે વરસાદને લઇને રેડ એલર્ટ જાહેર કર્યું છે. આજે હવામાન વિભાગે અમરેલી,ભાવનગર,વડોદરા,ભરૂચ,સુરત,નવસારી,વલસાડ,દમણ,દાદરાનગર હવેલીમાં ભારે વરસાદની શક્યતાને જોતા રેડ એલર્ટ આપ્યું છે.                                                                                                                                                                                    

આજે ક્યા ઓરેન્જ એલર્ટ ?   

ગુજરાતમાં આજે ભારે વરસાદની શક્યતાને જોતા હવામાન વિભાગે 24 જિલ્લામાં ઓરેન્જ એલર્ટ જાહેર કર્યું છે. હવામાન વિભાગે  ગીર સોમનાથ,જૂનાગઢ,પોરબંદર,રાજકોટ,દેવભૂમિ દ્વારકા,જામનગર, મોરબી,કચ્છ,સુરેન્દ્રનગર,બોટાદ,અમદાવાદ,ગાંધીનગર,બનાસકાંઠા,પાટણ,મહેસાણા,સાબરકાંઠા,અરવલ્લી,મહીસાગર,પંચમહાલ,દાહોદ,છોટા ઉદેપુર,નર્મદા,તાપી,ડાંગમાં ભારે વરસાદની શક્યતાને જોતા ઓરેન્જ એલર્ટ જાહેર કર્યું છે.