![ABP Premium](https://cdn.abplive.com/imagebank/Premium-ad-Icon.png)
ગુજરાતના આ વિસ્તારોમાં મેઘમહેર, 28 તાલુકામાં બે ઇંચથી વધુ વરસાદ વરસ્યો
જૂનાગઢના માણાવદરમાં 4 કલાકમાં ચાર ઈંચથી વધુ વરસાદ વરસ્યો હતો
![ગુજરાતના આ વિસ્તારોમાં મેઘમહેર, 28 તાલુકામાં બે ઇંચથી વધુ વરસાદ વરસ્યો More than two inches of rainfall in 28 talukas of Gujarat ગુજરાતના આ વિસ્તારોમાં મેઘમહેર, 28 તાલુકામાં બે ઇંચથી વધુ વરસાદ વરસ્યો](https://feeds.abplive.com/onecms/images/uploaded-images/2022/07/03/f17a42c0800cea032c5e5f7ae9285410_original.jpg?impolicy=abp_cdn&imwidth=1200&height=675)
ગાંધીનગરઃ ગુજરાતના સૌરાષ્ટ્ર અને દક્ષિણ ગુજરાતમાં મેઘરાજા મનમુકીને વરસી રહ્યા છે. શનિવારે દિવસ દરમિયાન 50 તાલુકામાં 1 ઈંચથી વધુ વરસાદ ખાબક્યો હતો. જ્યારે 28 તાલુકામાં 2 ઈંચથી વધુ વરસાદ વરસ્યો હતો. રાજ્યના સરેરાશ વરસાદમાં 24 કલાકમાં 2 ટકાનો વધારો થયો. જ્યારે દક્ષિણ ગુજરાત, ઉત્તર ગુજરાતમાં સરેરાશ વરસાદમાં 4 ટકાનો વધારો થયો.
જૂનાગઢના માણાવદરમાં 4 કલાકમાં ચાર ઈંચથી વધુ વરસાદ વરસ્યો હતો. શનિવારે રાજ્યના 178 તાલુકામાં મેઘમહેર થઈ હતી. રાજ્યમાં અત્યાર સુધી 4.02 ઈંચ સાથે મોસમનો 12 ટકા વરસાદ નોંધાયો. માણાવદર ઉપરાંત તાપીના ડોલવણમાં 3.85, મહીસાગરના વીરપુરમાં 3.66, નવસારીના ખેરગામમાં 3.58, દ્વારકાના ખંભાળિયામાં 3.50 ઈંચ વરસાદ નોંધાયો હતો. આ સિવાય નવસારીના વાંસદા, જૂનાગઢ શહેરમાં પણ 3 ઈંચ વરસાદ ખાબક્યો હતો. શનિવારે જૂનાગઢના માળિયા-માંગરોળ, જામજોધપુર, ગણદેવી, જલાલપોર, નવસારી,ચીખલી, વાપી, ઉમરગામ, કપરાડા, ધરમપુરમાં 2 ઈંચથી
વધુ વરસાદ નોંધાયો હતો.
ઉલ્લેખનીય છે કે ગુજરાતમાં આગામી પાંચ દિવસ ભારેથી અતિભારે વરસાદની હવામાન વિભાગે આગાહી કરી હતી. સૌરાષ્ટ્ર અને દક્ષિણ ગુજરાતમાં મુશળધાર વરસાદ વરસવાની આગાહી કરવામાં આવી છે. ઉત્તર ગુજરાતમાં પણ વરસાદનું જોર વધશે. અતિભારે વરસાદની આગાહી વચ્ચે આજે NDRFની વધુ પાંચ ટીમો તૈનાત કરવામાં આવશે. સૌરાષ્ટ્રમાં ત્રણ તો બનાસકાંઠા અને સુરતમાં એક- એક ટીમ તૈનાત કરવામાં આવશે.
હવામાન વિભાગે કરી છે આગાહી કે આગામી પાંચ દિવસ રાજ્યભરમાં ભારેથી અતિભારે વરસાદ વરસશે. હવામાન વિભાગના મતે સૌરાષ્ટ્ર અને દક્ષિણ ગુજરાતમાં મૂશળધાર વરસાદ વરસશે તો ઉત્તર ગુજરાતના બનાસકાંઠા અને સાબરકાંઠામાં પણ ધોધમાર વરસાદ વરસશે. હવામાન વિભાગના અનુસાર સાયક્લોનિક સર્ક્યુલેશનના પગલે ધોધમાર વરસાદ વરસશે. તો અમદાવાદ અને ગાંધીનગરમાં વાદળછાયું વાતાવરણ રહેશે.
Alaska : અલાસ્કામાં ટાઇટેનિક જેવી ઘટના બનતા રહી ગઈ, બરફના મોટા ટુકડા સાથે અથડાયું જહાજ, જુઓ વિડીયો
જૂનાગઢ શહેર અને ગ્રામ્ય વિસ્તારમાં ધોધમાર વરસાદ, દામોદર કુંડમાં પુર આવ્યું
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)