ઓલિમ્પિક પહેલા ગુજરાતમાં કૉમનવેલ્થ ગેમ્સ-2030ની તૈયારીઓ, ફેડરેશને મંત્રીઓ સાથે કરી મુલાકાત
Commonwealth 2030 Preparations: ઓલિમ્પિક પહેલા ગુજરાતમાં કૉમનવેલ્થ ગેમ્સ માટે તૈયારીઓ પુરજોશમાં ચાલુ થઇ ગઇ છે
Commonwealth 2030 Preparations: રમતગમત ક્ષેત્રા ગુજરાતમાંથી સતત પ્રતિભાઓ અને ક્ષમતાઓ બહાર આવી રહી છે. હવે આગામી દિવસે આંતરરાષ્ટ્રીય કક્ષાની રમતો ગુજરાતના આંગણે રમાઇ શકે છે. તાજા અપડેટ પ્રમાણે, આજે આંતરરાષ્ટ્રીય કૉમનવેલ્થ ફેડરેશનના સભ્યોએ ગુજરાતની મુલાકાત લીધી હતી, ખાસ વાત છે કે, આગામી કૉમનવેલ્થ 2030 માટે ભારત સરકારે સત્તાવાર દાવેદારી નોંધાવી દીધી હતી, જે અંતર્ગત ગુજરાતના પાંચથી છ મોટા સ્થળોની મુલાકાત લઇને કૉમનવેલ્થ ફેડરેશને ગુજરાતની ક્ષમતા અને સક્ષમતા અંગે માહિતી મેળવી હતી.
ઓલિમ્પિક પહેલા ગુજરાતમાં કૉમનવેલ્થ ગેમ્સ માટે તૈયારીઓ પુરજોશમાં ચાલુ થઇ ગઇ છે, આજે કૉમનવેલ્થ ફેડરેશને ગુજરાત સરકારના મંત્રીઓ સાથે મુલાકાત કરીને બેઠક યોજી હતી. માહિતી પ્રમાણે, કૉમનવેલ્થ ગેમ્સનું એક ફેડરેશન આજે ગુજરાતની પાંચ-છ જગ્યાની મુલાકાતે આવ્યુ હતુ, આ દરમિયાન ડાયરેક્ટર ઓફ ઓપરેશન સહિત પ્રતિનિધિ વાતચીત કરી હતી. ગાંધીનગર અને અમદાવાદમાં નરેન્દ્ર મોદી સ્ટેડિયમ, સરદાર પટેલ સ્પોર્ટ્સ સંકુલ સહિતના છથી વધારે સ્થળોની મુલાકાત લીધી હતી.
કૉમનવેલ્થ ગેમ માટે ગુજરાતની સક્ષમતા અંગે મેળવી માહિતી હતી. આ દરમિયાન ગુજરાત સરકારના મંત્રી હર્ષ સંઘવી સાથે પણ ડેરેન હૉલ અને પ્રતિનિધિ મંડળે બેઠક કરી હતી. મહત્વનું છે કે, આગામી વર્ષ 2030ની કૉમનવેલ્થ ગેમ્સ ગુજરાતમાં યોજાય તે માટે સરકાર પ્રયાસો કરી રહી છે, ભારત સરકારે પણ ગત 13 માર્ચે કૉમનવેલ્થ ગેમ્સ માટે સત્તાવાર દાવેદારી નોંધાવી દીધી હતી અને મે મહિનામાં 2025 ભારતીય પ્રતિનિધિ મંડળ કૉમનવેલ્થ ગેમ્સના ફેડરેશનની મુલાકાતે ગયું હતું.
ટોપ સ્ટોરી
ટ્રેન્ડિંગ સમાચાર
