Rain Forecast: આગામી 7 દિવસ વરસાદ ભૂક્કા બોલાવશે, આ વિસ્તારોમાં ભારે વરસાદની આગાહી
Rain Forecast: હવામાન વિભાગ (IMD) ના ડેટા અનુસાર, આજ 21 મે એ રાજ્યમાં હળવાથી મધ્યમ પ્રમાણમાં વરસાદની સંભાવના છે
Rain Forecast: ઉનાળાની ઋતુ હજી સુધી પુરી થઇ નથી પરંતુ વરસાદે એન્ટ્રી મારી લીધી છે. ઉનાળાની વિદાયને હજુ પૂર્ણ થવાની 15 દિવસની વાર છે, પરંતુ હાલમાં સમગ્ર રાજ્યમાં વાતાવરણમાં પલટો આવતા હવે વરસાદી વાદળો આકાશમાં છવાઈ ગયા છે. ભારતીય હવામાન વિભાગની આગાહી અનુસાર રાજ્યમાં આગામી 7 દિવસ ભારે વરસાદ થઈ શકે છે. જાણો સૌથી વધુ વરસાદની ક્યાં કરવામાં આવી છે આગાહી.
ગુજરાતમાં ઠેર-ઠેર વરસાદ ખાબકી રહ્યો છે, હવામાન વિભાગ અનુસાર, રાજ્યમાં કાળઝાળ ગરમી વચ્ચે બે સિસ્ટમ સક્રિય થઇ છે, જેના કારણે વરસાદે એન્ટ્રી લીધી છે. તાજા અપડેટ પ્રમાણે, રાજ્યમાં હજુ આગામી દિવસોમાં વરસાદ તોફાની બેટિંગ કરશે, આગામી સાત દિવસ રાજ્યમાં સાર્વત્રિક વરસાદની આગાહી કરવામાં આવી છે. આવતીકાલથી એટલે કે 22 મેથી 25 મે સુધી રાજ્યમાં વરસાદની આગાહી છે, ખાસ વાત છે કે, કચ્છ-સૌરાષ્ટ્રમાં ભારે વરસાદ વરસી શકે છે. આ ઉપરાંત દક્ષિણ ગુજરાતમાં પણ ભારે વરસાદ વરસવાની આગાહી છે.
હવામાન વિભાગ (IMD) ના ડેટા અનુસાર, આજ 21 મે એ રાજ્યમાં હળવાથી મધ્યમ પ્રમાણમાં વરસાદની સંભાવના છે. જેમાં રાજકોટ, અમરેલી, ગીર સોમનાથ, ભાવનગર, સાબરકાંઠા, અરવલ્લી, ખેડા, મહીસાગર, પંચમહાલ, દાહોદ, આણંદ, વડોદરા, ભરૂચ, છોટા ઉદેપુર, નર્મદા, સુરત, તાપી, નવસારી, ડાંગ, વલસાડ, દમણ, દાદરા નગર હવેલીનો સમાવેશ થાય છે. દક્ષિણ ગુજરાતમાં વરસાદનું જોર વધી શકે છે. જેમાં વડોદરા, ભરૂચ, છોટા ઉદેપુર, નર્મદા, સુરત, તાપી, નવસારી, ડાંગ, વલસાડ, દમણ, દાદરા નગર હવેલીનો સમાવેશ થાય છે. આ ઉપરાંત આગામી 22, 23 અને 24 મે સુધી વરસાદી વાદળો સમગ્ર રાજ્યમાં ફેલાતા ભારે વરસાદની સ્થિતિ ઉદ્ભવી શકે છે. જેમાં 24 મે સુધીમાં સમગ્ર રાજ્યમાં ભારે વરસાદ થઈ શકે છે. જોકે આ સમયે માત્ર કચ્છમાં હળવો વરસાદ થશે તેવી હવામાન વિભાગ દ્વારા આગાહી કરવામાં આવી છે.
મહત્વની બાબત છે કે, છેલ્લા કેટલાક દિવસથી વેસ્ટર્ન સિસ્ટમના કારણે વાવાઝોડાની સ્થિતિ સર્જાઇ હતી, જોકે તેની અસર ગુજરાતમાં વધુ થઈ નથી. પરંતુ તેના પરિણામ સ્વરૂપ ગુજરાતમાં વરસાદની સ્થિતિ સર્જાઇ છે તેમ જણાઈ આવે છે. જોકે જો વાવાઝોડાની સ્થિતિ વિકટ થાય તો આ સમય દરમિયાન હવામાન વિભાગ દ્વારા સાવચેત રહેવાની સલાહ આપવામાં આવી છે. આ અંગે હવામાન વિભાગના વૈજ્ઞાનિક એ.કે. દાસે જણાવ્યું હતું કે, રાજ્યમાં આગામી 7 દિવસ છૂટાછવાયાથી ભારે વરસાદની આગાહી છે. 21 મે બાદ રાજ્યમાં વરસાદની ગતિમાં વધારો થઈ શકે છે અને સૌરાષ્ટ્ર અને કચ્છમાં માધ્યમથી ભારે વરસાદની આગાહી છે. જ્યારે અમદાવાદમાં તાપમાન 40 ડિગ્રી આસપાસ રહેશે. આ સમય દરમિયાન તાપમાનની વાત કરીએ તો 18 મેના રોજ રાજ્યમાં સુરેન્દ્રનગરમાં મહત્તમ તાપમાન 41.5 સે. નોંધાયું હતું, જ્યારે આજ રોજ 19 મે ના રોજ લઘુત્તમ તાપમાન અમરેલીમાં 24.8 સે. નોંધાયું છે.
ટોપ સ્ટોરી
ટ્રેન્ડિંગ સમાચાર
