Rain: નેઋત્યનું ચોમાસુ બેસે તે પહેલા સુરતમાં વરસાદી માહોલ, ડભોલી સહિતના વિસ્તારોમાં ભરાયા પાણી
Gujarat Rain: સુરત શહેર અને જિલ્લામાં સવારથી જ ધોધમાર વરસાદ વરસી રહ્યો છે. નૈઋત્યના ચોમાસાના આગમન પહેલા જ વરસાદી માહોલ જામ્યો છે
Gujarat Rain: કાળઝાળ ગરમી વચ્ચે ગુજરાતમાં છેલ્લા 24 કલાકમાં વરસાદી માહોલ જામ્યો છે, વરસાદની વાત કરીએ તો ગુજરાતમાં 31 જિલ્લામાં 1 મીમી થી લઇને 62 મીમી સુધી વરસાદ નોંધાયો છે. ખેતરોમાં અને રોડ રસ્તાઓ પર પાણી ભરાઇ ગયા છે. કમોસમી વરસાદના કારણે રાજ્યના ખેડૂતો અને રાહદારીઓ તેમજ જનતાને તકલીફ પડી રહી છે. ખાસ વાત છે કે, આજે પણ રાજ્યના અનેક જિલ્લામાં વરસાદ વરસી રહ્યો છે. વહેલી સવારથી ભરૂચ, સુરત, તાપી, નવસારી, નર્મદા, ડાંગ સહિતના વિસ્તારમાં વરસાદ જોવા મળી રહ્યો છે.
હવામાન વિભાગની માહિતી પ્રમાણે, રાજ્યમાં અત્યારે બે સિસ્ટમ એકસાથે સક્રિય બની છે. જેના કારણે દક્ષિણ ગુજરાતમાં પણ વરસાદે એન્ટ્રી મારી છે, આજે સુરત શહેર અને જિલ્લામાં સવારથી જ ધોધમાર વરસાદ વરસી રહ્યો છે. નૈઋત્યના ચોમાસાના આગમન પહેલા જ વરસાદી માહોલ જામ્યો છે, કમોસમી વરસાદના કારણે ડભોલી હરિદર્શન ખાડામાં પાણી ભરાયા છે. ડભોલી સહિતના અનેક વિસ્તારમાં વરસાદી પાણી ભરાયા છે. ખાસ વાત છે કે, ગુજરાત પર એક સાથે બે- બે સિસ્ટમ સક્રિય થતા માવઠુ થઇ રહ્યું છે. સુરત શહેર ઉપરાંત ગ્રામ્ય વિસ્તારમાં પણ વરસાદ જામ્યો છે. ઓલપાડ, કીમ, કોસંબા સહિતના તાલુકામાં હજુ પણ વરસાદ ખાબકી રહ્યો છે.
જ્યમાં 31 તાલુકામાં વરસાદ વરસ્યો
છેલ્લા 24 કલાકમાં રાજ્યમાં 31 તાલુકામાં વરસાદ વરસ્યો હતો. સૌથી વધુ અઢી ઈંચ વરસાદ વિસાવદરમાં ખાબક્યો હતો. કોટડાસાંગાણીમાં બે ઈંચ, કુંકાવાવ-વડિયામાં પોણા બે ઈંચ, ગોંડલમાં પોણા બે ઈંચ, જામકંડોરણામાં દોઢ ઈંચ, બગસરામાં દોઢ ઈંચ, લીલીયામાં સવા ઈંચ, સાગબારામાં સવા ઈંચ, કુકરમુંડામાં એક ઈંચ, શંખેશ્વરમાં પોણો ઈંચ, બરવાળામાં અડધો ઈંચ, જેતપુરમાં અડધો ઈંચ, ખેડબ્રહ્મામાં અડધો ઈંચ વરસાદ વરસ્યો હતો.
સુરત શહેર અને જિલ્લામાં વરસાદ
સુરત શહેર અને જિલ્લામાં વરસાદની શરૂઆત થઈ છે.સુરત શહેરના અનેક વિસ્તારમાં ભારે પવન સાથે વરસાદ વરસ્યો હતો. તો આ તરફ ભારે વરસાદથી ડભોલી હરિદર્શનના ખાડામાં પાણી ભરાયા હતા જેના કારણે લોકોને ભારે હાલાકીનો સામનો કરવો પડી રહ્યો છે. વરસાદે ખેડૂતોની ચિંતા પણ વધારી છે. માવઠાના કારણે ડાંગર સહિતના નાકને નુકસાન જવાની ભીતિ છે.
સુરત શહેરની સાથે ઓલપાડ, કામરેજ, કીમ, કોસંબામાં પણ ભારે પવન સાથે વરસાદ વરસ્યો હતો. જો કે સામાન્ય વરસાદમાં જ માંડવીના તડકેશ્વરમાં પ્રશાસનની પોલ ખૂલી હતી. ગામના પ્રવેશ દ્વાર પર જ વરસાદી પાણી ભરાયા હતા. જેના કારણે રાહદારી અને વાહનચાલકોને હાલાકીનો સામનો કરવો પડી રહ્યો છે. હાઈવે નિર્માણની ધીમી ગતિએ ચાલતી કામગીરીથી પાણી ભરાયાનો સ્થાનિકોનો આરોપ છે. તો આ તરફ કમોસમી વરસાદના કારણે ડાંગર પકવતા ખેડૂતોની હાલત દયનીય બની છે.
તાપી જિલ્લાના કેટલાક વિસ્તારના વાતાવરણમાં પલટો આવ્યો છે. વહેલી સવારના સોનગઢ, વ્યારા સહિતના તાલુકામાં વરસાદ વરસ્યો હતો. વરસાદી માહોલ જામતા અસહ્ય બફારા અને ગરમીમાંથી આંશિક રાહત મળી હતી. સોનગઢ શહેરના કેટલાક વિસ્તારમાં કમોસમી વરસાદ વરસ્યો હતો. માવઠાના કારણે ખેતી પાકોને વ્યાપક નુકસાનીની ભીતિ છે.
ટોપ સ્ટોરી
ટ્રેન્ડિંગ સમાચાર
