શોધખોળ કરો

Rain Alert: આગામી કલાકો ગુજરાત માટે ભારે, હવામાન વિભાગે આટલા વિસ્તારો માટે આપ્યુ રેડ એલર્ટ

હવામાન વિભાગે ગુજરાતમાં હજુપણ ભારે વરસાદ વરસી શકવાની આગાહી કરી છે, હવામાન વિભાગે વરસાદનું રેડ એલર્ટ જાહેર કરી દીધુ છે

By : એબીપી અસ્મિતા વેબ ટીમ | Updated at : 29 Jun 2023 03:40 PM (IST)

Rain Red Alert Updates: Heavy RainFall in next hours in All gujarat with this area Rain Alert: આગામી કલાકો ગુજરાત માટે ભારે, હવામાન વિભાગે આટલા વિસ્તારો માટે આપ્યુ રેડ એલર્ટ

પ્રતિકાત્મક તસવીર

Source : PTI

Rain Red Alert Updates: ગુજરાતમાં છેલ્લા કેટલાક કલાકોથી ભારેથી અતિભાર વરસાદ વરસી રહ્યો છે, ઉત્તર ગુજરાત અને દક્ષિણ ગુજરાતમાં ભારે વરસાદથી અનેક શહેરો અને ગામડાઓ બેટમાં ફેરવાઇ ગયા છે, હવે બધાની વચ્ચે હવામાન વિભાગે મોટું અપડેટ આપીને ગુજરાતીઓને સાવધાન રહેવાની અપીલ કરી છે.

હવામાન વિભાગે ગુજરાતમાં હજુપણ ભારે વરસાદ વરસી શકવાની આગાહી કરી છે, હવામાન વિભાગે વરસાદનું રેડ એલર્ટ જાહેર કરી દીધુ છે. હવામાન વિભાગે આગાહી કરતાં કહ્યું છે કે, આગામી કલાકોમાં ગુજરાતમાં ડાંગ, તાપી, નવસારી, વલસાડ, દમણ, દાદરનગર હવેલીમાં વરસાદનું રેડ એલર્ટ છે. આ વિસ્તારોમાં ભારેથી અતિ ભારે વરસાદ તુટી પડશે. આ ઉપરાંત હવામાન વિભાગે સુરત અને ગીર સોમનાથમાં વરસાદનું ઓરેન્જ એલર્ટ જાહેર કરવામાં આવ્યુ છે. એટલુ જ નહીં પંચમહાલ, ગાંધીનગર, અમદાવાદ, અરવલ્લી, આણંદ, વડોદરા, ભરુચ, બનાસકાંઠા, સાબરરાંઠા, કચ્છ, સુરેંદ્રનગર અને ભાવનગરમાં યલો એલર્ટ જાહેર કરવામાં આવ્યુ છે. આના પરથી કહી શકાય છે કે આગામી કલાકોમાં ગુજરાતમાં વરસાદ ભારે તબાહી નોંતરી શકે છે. હવામાન વિભાગની આગાહીના પગલે લોકો અને તંત્ર પણ એલર્ટ મૉડમાં આવી ગયા છે.

રાજ્યમાં હાલ મોટાભાગના જિલ્લામાં મેઘરાજા વરસી રહ્યાં છે. ઉત્તર અને દક્ષિણ ગુજરાતમાં અનારાધાર વરસાદ આફતરૂપ બની રહ્યો છે. બાયડમાં સવારથી જ સતત વરસતા વરસાદે જળબંબાકારની સ્થિતિ સર્જી છે. અહીં બાયડ તાલુકાના જીતપુરમાં એક જ કલાકમાં 4 ઇંચ વરસાદ ખાબકતાં આભ ફાટ્યું હોય તેવી સ્થિતિ સર્જાઇ છે. અહીં જીતગામના દરેક રસ્તા જળમગ્ન બનતા જીતપુર ગામ નદી બની ગયું હોય અને પાણીમા ગરકાવ થઇ ગયું હોય તેવું સ્થિતિ સર્જાઇ છે. તઆ ગામની દરેક ગલીમાં નદી વહેતી હોય તેવા દ્રશ્યો સર્જાયા છે.

સવારથી અત્યાર સુધીમાં ક્યાં કેટલો થયો વરસાદ