Visavadar Bypoll Result 2025: વિસાવદરમાં કાંટે કી ટક્કર, 5 રાઉન્ડની મતગણતરી બાદ જાણો કોણ આગળ
વિસાવદર પેટાચૂંટણીમાં બેલેટ પેપરની મતગણતરી પૂર્ણ થયા બાદ 5 રાઉન્ડની મતગણતરી થઈ ગઈ છે. શરુઆતના પ્રથમ અને બીજા રાઉન્ડમાં આમ આદમી પાર્ટીના ગોપાલ ઈટાલિયા આગળ હતા.
Bypoll Result 2025: વિસાવદર પેટાચૂંટણીમાં બેલેટ પેપરની મતગણતરી પૂર્ણ થયા બાદ 5 રાઉન્ડની મતગણતરી થઈ ગઈ છે. શરુઆતના પ્રથમ અને બીજા રાઉન્ડમાં આમ આદમી પાર્ટીના ગોપાલ ઈટાલિયા આગળ હતા. હવે 5 રાઉન્ડની મતગણતરી થઈ છે. પાંચમાં રાઉન્ડમાં ભારતીય જનતા પાર્ટીના કિરીટ પટેલ 980 મતથી આગળ છે. વિસાવદર બેઠક પર હાલમાં કાંટે કી ટક્કર જોવા મળી રહી છે.
કૉંગ્રેસ ત્રીજા નંબર પર છે
વિસાવદર બેઠક પર ભાજપના કિરીટ પટેલ પ્રથમ નંબર પર છે, જ્યારે કૉંગ્રેસના ઉમેદવાર નીતિન રાણપરીયા ત્રીજા નંબર પર છે. હાલમાં જૂનાગઢમાં મતગણતરી ચાલી રહી છે. ગોપાલ ઈટાલિયા બીજા નંબર પર આવી ગયા છે. ક્યારેક ગોપાલ ઈટાલિયા આગળ થઈ જાય છે તો ક્યારે કિરીટ પટેલ આગળ નિકળે છે. આ વિસાવદરન બેઠક પર કાંટે કી ટક્કર જોવા મળી રહી છે.
વિસાવદર વિધાનસભા પેટાચૂંટણી
વિસાવદર વિધાનસભાની પેટાચૂંટણીનું પરિણામ આજે જાહેર થશે. જૂનાગઢની કૃષિ યુનિવર્સિટી ખાતે સવારે 8 વાગ્યાથી મતગણતરી હાથ ધરવામાં આવી છે. વિસાવદર વિધાનસભા બેઠકમાં કુલ 294 બૂથ આવેલા છે, જ્યાં 14 ટેબલ પર 21 રાઉન્ડમાં મતગણતરીની પ્રક્રિયા હાથ ધરાશે. આ બેઠક પર આપના ગોપાલ ઈટાલિયા અને ભાજપના કિરીટ પટેલ અને કોંગ્રેસના નીતીન રાણપરિયા વચ્ચે ત્રિપાંખીયો જંગ છે.
જિલ્લા ચૂંટણી અધિકારી અનિલ કુમાર રાણાવસીયાના માર્ગદર્શન હેઠળ માઇક્રો ઓબ્ઝર્વર, કાઉન્ટિંગ સુપરવાઈઝર સહિત કુલ 60 થી વધુ કર્મચારીઓ મતગણતરીની પ્રક્રિયામાં જોડાશે. સુરક્ષા વ્યવસ્થાના ભાગરૂપે બે DySP, 11 PI, 13 PSI સહિત કુલ 200 પોલીસકર્મીઓ પણ મતગણતરી કેન્દ્ર પર તૈનાત કરવામાં આવશે.
જૂનાગઢની કૃષિ યુનિવર્સિટી ખાતે મતગણતરીની તમામ ગતિવિધિનું CCTV ની મદદથી મોનિટરિંગ પણ કરાશે. સૌપ્રથમ બેલેટ પેપરની મતગણતરી હાથ ધરાશે, બાદમાં EVM ની મતગણતરી શરૂ થશે. વિસાવદર બેઠક પર સરેરાશ 56.89 ટકા જેટલું મતદાન થયું છે. આ પરિણામથી ભાજપ (BJP) ઉમેદવાર કિરીટ પટેલ, કોંગ્રેસ ઉમેદવાર નીતિન રાણપરીયા અને આમ આદમી પાર્ટીના ઉમેદવાર ગોપાલ ઇટાલિયા સહિત કુલ 16 ઉમેદવારોનું રાજકીય ભાવી નક્કી થશે. ભાજપ, કોંગ્રેસ, આપ ત્રણેય પક્ષોની શાખ દાવ પર લાગી છે.
87 વિસાવદર વિધાનસભા પેટાચૂંટણી માટે 19 જુનના રોજ 294 મતદાન મથકો પર 56.89 ટકા મતદાન થયું હતું. ચૂંટણી ઓબ્ઝર્વર, જીલ્લા ચૂંટણી અધિકારી, મદદનીશ ચૂંટણી અધિકારી, ઉમેદવારોની હાજરીમાં મતગણતરી થશે. મતગણતરીમાં માઈક્રો ઓબ્ઝર્વર, કાઉન્ટીંગ સુપરવાઈઝર, આસીસ્ટન્ટ સુપરવાઈઝર સહિતનો સ્ટાફ જોડાશે. પોસ્ટલ બેલેટ રાઉન્ડ બાદ 14 ટેબલ પર 21 રાઉન્ડમાં મતગણતરી થશે.
કડી વિધાનસભા પેટા ચૂંટણી પરિણામ
કડી વિધાનસભા બેઠકની પેટાચૂંટણીમાં ભાજપના ઉમેદવાર રાજેન્દ્ર ચાવડા, કોંગ્રેસના ઉમેદવાર રમેશ ચાવડા અને આમ આદમી પાર્ટીના ઉમેદવાર જગદીશ ચાવડા સહિત કુલ 8 ઉમેદવારોનું રાજકીય ભાવી આજે નક્કી થશે. કડીમાં મેવડ એન્જિનિયરિંગ કોલેજ ખાતે 21 રાઉન્ડમાં મતગણતરી હાથ ધરાશે જેમાં એક રાઉન્ડમાં 14 બૂથની મતગણતરી હાથ ધરાશે.
ટોપ સ્ટોરી
ટ્રેન્ડિંગ સમાચાર
