Narmada Dam: ડેમ ઓવરફ્લૉ થવામાં એક મીટર દુર, હાલની જળ સપાટી પહોંચી 130 મીટરે, જાણો

નર્મદા જિલ્લામાં આવેલા નર્મદા ડેમ પર જળ સપાટીનું લેવલ અત્યારે 130 મીટરે પહોંચી ચૂક્યું છે, જે ભયજનક સપાટી ગણી શકાય છે

ફાઇલ તસવીર

Sardar Sarovar Narmada Dam: ગુજરાતની જીવાદોરી સમાન ગણાતી નર્મદા નદી પર બાંધવામાં આવેલા સરદાર સરોવર ડેમની જળસપાટીમાં ધરખમ વધારો નોંધાયો છે. હાલમાં જ રિપોર્ટ મળી રહ્યાં છે કે નર્મદા ડેમ જળ સપાટી હાઇએસ્ટ લેવલ પર પહોંચી ચૂકી છે, છેલ્લા 24 કલાકમાં પાણીની આવકમાં સતત વધારો નોંધાઇ રહ્યો છે. 

મળતી માહિતી પ્રમાણે, નર્મદા જિલ્લામાં આવેલા નર્મદા ડેમ પર જળ સપાટીનું લેવલ અત્યારે 130 મીટરે પહોંચી ચૂક્યું છે, જે ભયજનક સપાટી ગણી શકાય છે. સરદાર સરોવર નર્મદા ડેમના લેટેસ્ટ અપડેટમાં જોઇએ તો નર્મદા ડેમની જળ સપાટી - 131 મીટરની નજીક પહોંચી છે, આજે સવારે 8 કલાકે સરદાર સરોવર નર્મદા ડેમની જળ સપાટી 130.98 મીટરે નોંધાઇ હતી.

ડેમની મહત્તમ સપાટી - 138.68 મીટરની છે, જ્યારે હાલ પાણીની આવક - 22,119 ક્યૂસેક નોંધાઇ છે. છેલ્લા ત્રણ કલાકમાં પાણીની સરેરાશ આવક - 52,025 ક્યૂસેક જોવા મળી છે. રિવરબેડ પાવરહાઉસમાંથી નદીમાં જાવક - 44,356 ક્યૂસેક રહી છે. જોકે ઓવલઓલ છેલ્લા 24 કલાકમાં જળ સપાટીમાં 15 સે.મી.નો વધારો નોંધાયો છે. જે ઉચ્ચત્તમ સપાટી પર પહોંચ્યો છે.

તમને જણાવી દઈએ કે,  સરદાર સરોવર નર્મદા ડેમની મહત્તમ સપાટી 138.68 મીટર છે. હાલ પાણીની આવક 39,101 ક્યુસેક છે. છેલ્લા ત્રણ કલાકમાં પાણીની સરેરાશ આવક 46,729 ક્યૂસેક નોંધાઈ છે.  રિવરબેડ પાવરહાઉસમાંથી નદીમાં પાણીની જાવક  10,859 ક્યૂસેક છે.  કેનાલ હેડ પાવરહાઉસમાંથી કેનાલમાં જાવક 5,397 ક્યુસેક છે. આમ પાણીની આવક વધતા છેલ્લા 24 કલાકમાં ડેમની સપાટીમાં 20 સેમીનો વધારો થયો છે.

નિચાણવાળા વિસ્તારોને એલર્ટ રહેવા અપાઈ સૂચના

તો બીજી તરફ ડેમની સપાટીમાં વધારો થતા નર્મદા જિલ્લા કલેક્ટર શ્વેતા તેવતિયાએ નર્મદા ડેમમાં હાલમાં ઉપરવાસમાંથી થઇ રહેલી પાણીની આવકની પરિસ્થિતિને ધ્યાનમાં રાખીને અને ડેમમાંથી નર્મદા નદીમાં પાણીના છોડાઈ રહેલા જથ્થાની સ્થિતિને જોતા આગમચેતીના પગલાંના ભાગરૂપે નર્મદા જિલ્લા વહિવટીતંત્રને એલર્ટ રહેવા કહ્યું છે. આ ઉપરાંત નર્મદા જિલ્લાના ગરૂડેશ્વર, તિલકવાડા અને નાંદોદ તાલુકાના મામલતદાર, જિલ્લા પોલીસ સહિત સંબંધકર્તા તમામ વિભાગોને પૂરતી તૈયારી અને એલર્ટ મેસેજથી સાવચેતીના તમામ પગલાંઓ ભરવા સહિતની માહિતી આપી છે.

એટલું જ નહીં ગરૂડેશ્વર તાલુકાના નદી કિનારાના ગરુડેશ્વર, અક્તેશ્વર, વાંસલા, ગંભીરપુરા, સુરજવડ, સાંજરોલી અને ગોરા તથા તિલકવાડા તાલુકાના નદી કિનારાના તિલકવાડા, રેંગણ, વાડિયા, વાસણ અને વિરપુર તેમજ નાંદોદ તાલુકાના નદી કિનારાના નિચાણવાળા વિસ્તારના સિસોદ્રા, માંગરોલ, ગુવાર, રામપુરા, રૂંઢ, ઓરી, નવાપરા, શહેરાવ, વરાછા, ભદામ, રાજપીપલા અને પોઈચા ગામોના ગ્રામજનોને નદીના પટમાં અવરજવર ન કરવા તથા પશુઓને પણ આ વિસ્તારમા ન લઈ જવા સૂચના આપી છે. રાજ્યમાં હજુ પણ વરસાદી માહોલ જોવા મળી રહ્યો છે.જેના કારણે ડેમમાં પાણીની આવકમાં હજુ પણ વધારો થઈ શકે છે.