સ્થાનિક સ્વરાજ્યની ચૂંટણીમાં બે બાળકોની મર્યાદાનો કાયદો દૂર કરવાની કયા બે ધારાસભ્યોએ કરી માંગ?

દાહોદના ધારાસભ્ય વજેસિંહ પણદા અને ગરબાડાના ચંદ્રિકાબેન બારીયાએ મુખ્યમંત્રી વિજય રૂપાણીને પત્ર લખીને આ કાયદો દૂર કરવા રજૂઆત કરી છે.

દાહોદઃ સ્થાનિક સ્વરાજ્યની ચૂંટણીમાં બે બાળકોની મર્યાદા નો કાયદો દૂર કરવા રજુઆત કરવામાં આવી છે. દાહોદ અને ગરબાડાના ધારાસભ્યોએ મુખ્યમંત્રીને આ અંગે પત્ર લખ્યો છે. દાહોદના ધારાસભ્ય વજેસિંહ પણદા અને ગરબાડાના ચંદ્રિકાબેન બારીયાએ મુખ્યમંત્રી વિજય રૂપાણીને પત્ર લખીને આ કાયદો દૂર કરવા રજૂઆત કરી છે. તેમણે વસ્તિ નિયંત્રણ માટે સરકારી યોજનાઓના લાભો બંધ કરવાનું ગંભીર સૂચન પણ કર્યું છે. નોંધનીય છે કે, આ કાયદા પ્રમાણે જે વ્યક્તિને બેથી વધુ સંતાનો હોય તે વ્યક્તિ સ્થાનિક સ્વરાજ્યની ચૂંટણી લડી શકતી નથી. આ બે ધારાસભ્યો દ્વારા બે બાળકોની મર્યાદાનો કાયદો દૂર કરવા માટે મુખ્યમંત્રીને રજૂઆત કરી છે. જેથી આ મર્યાદા દૂર થાય, તો જેમને બે બાળકોથી વધુ સંતાનો છે, તેઓ પણ ચૂંટણી લડી શકે. આ સાથે તેમણે વસ્તિ નિયંત્રણ માટે સરકારી યોજનાના લાભો બંધ કરવાનું સૂચન પણ કર્યું છે.