![ABP Premium](https://cdn.abplive.com/imagebank/Premium-ad-Icon.png)
કોગ્રેસ- TMC સહિત આ સાત પક્ષોને 66 ટકા દાન ચૂંટણી બોન્ડ અને અજ્ઞાત સ્ત્રોતથી મળ્યું, BJPને મળ્યા સૌથી વધુ રૂપિયાઃ ADR
એડીઆરના અહેવાલ મુજબ, આ રાજકીય પક્ષોની કુલ આવકના 66.04 ટકા અજાણ્યા સ્ત્રોતોમાંથી થઇ છે.
![કોગ્રેસ- TMC સહિત આ સાત પક્ષોને 66 ટકા દાન ચૂંટણી બોન્ડ અને અજ્ઞાત સ્ત્રોતથી મળ્યું, BJPને મળ્યા સૌથી વધુ રૂપિયાઃ ADR 66% of income of national parties in India came from 'unknown' sources: ADR report કોગ્રેસ- TMC સહિત આ સાત પક્ષોને 66 ટકા દાન ચૂંટણી બોન્ડ અને અજ્ઞાત સ્ત્રોતથી મળ્યું, BJPને મળ્યા સૌથી વધુ રૂપિયાઃ ADR](https://feeds.abplive.com/onecms/images/uploaded-images/2023/03/09/4f372e3f8f606813a0124a4c53cab3591678374774185426_original.jpg?impolicy=abp_cdn&imwidth=1200&height=675)
ADR Report: 2021-22માં ભારતના સાત રાષ્ટ્રીય રાજકીય પક્ષોની કુલ આવકના 66 ટકાથી વધુ ચૂંટણી બોન્ડ્સ અને અન્ય અજાણ્યા સ્ત્રોતમાંથી આવી હતી. એસોસિયેશન ફોર ડેમોક્રેટિક રિફોર્મ્સ (ADR) એ પોતાના રિપોર્ટમાં આ જાણકારી આપી હતી.
Analysis of Sources of Funding of National Political Parties of India, FY 2021-22#ADRReport: https://t.co/Yja3SgJLVn#PoliticalParties #IndianPolitics pic.twitter.com/sHFhjVmFZw
— ADR India & MyNeta (@adrspeaks) March 11, 2023
સત્તાવાર આંકડાઓને ટાંકીને ચૂંટણી સુધારણાની દિશામાં કામ કરતી એનજીઓએ જણાવ્યું છે કે સાત રાજકીય પક્ષો - ભારતીય જનતા પાર્ટી (ભાજપ), કોંગ્રેસ, તૃણમૂલ કોંગ્રેસ (ટીએમસી), એનસીપી, કમ્યુનિસ્ટ પાર્ટી ઓફ ઈન્ડિયા (સીપીઆઈ), કમ્યુનિસ્ટ પાર્ટી ઓફ ઈન્ડિયા(માર્કસિસ્ટ) (CPI-M) અને નેશનલ પીપલ્સ પાર્ટી (NPP)ને 2021-22માં અજાણ્યા સ્ત્રોતો પાસેથી રૂ. 2,172 કરોડ મળ્યા હતા.
એડીઆરના અહેવાલ મુજબ, આ રાજકીય પક્ષોની કુલ આવકના 66.04 ટકા અજાણ્યા સ્ત્રોતોમાંથી આવક છે. તેમના જણાવ્યા અનુસાર, અજ્ઞાત સ્ત્રોત પાસેથી મળેલા નાણાંમાંથી 1,811.94 કરોડ રૂપિયા (83.41 ટકા) ચૂંટણી બોન્ડ દ્વારા પ્રાપ્ત થયા છે કે આ રાજકીય પક્ષોએ વાર્ષિક ઓડિટ રિપોર્ટમાં અજાણ્યા સ્ત્રોતોમાંથી આવક દર્શાવી છે, પરંતુ આવકના સ્ત્રોતનો કોઈ ઉલ્લેખ નથી.
કાયદો શું છે
વર્તમાન કાયદા મુજબ, રાજકીય પક્ષો એવી વ્યક્તિ અથવા એન્ટિટીનું નામ જાહેર કરવા માટે બંધાયેલા નથી કે જેમણે 20,000 રૂપિયાથી ઓછું અથવા ચૂંટણી બોન્ડ દ્વારા રાજકીય પક્ષોને દાન આપ્યું હોય. ADR મુજબ, આવા અજ્ઞાત સ્ત્રોતોમાં ચૂંટણી બોન્ડ દ્વારા દાન, કૂપનનું વેચાણ, રાહત ભંડોળ, નાની આવક, સ્વૈચ્છિક દાન અને સભાઓ અને મોરચાઓમાંથી આવકનો સમાવેશ થાય છે.
શું છે રિપોર્ટમાં?
અહેવાલ મુજબ, નાણાકીય વર્ષ 2021-22માં ભાજપે અજાણ્યા સ્ત્રોતોમાંથી 1,161 કરોડ રૂપિયાની આવક જાહેર કરી છે, જે અજ્ઞાત સ્ત્રોતોમાંથી રાષ્ટ્રીય પક્ષોની કુલ આવકના 53.45 ટકા છે. ADRએ જણાવ્યું હતું કે, “ભાજપને મળેલી આવક 1,011.18 કરોડ રૂપિયા અન્ય છ રાષ્ટ્રીય પક્ષો દ્વારા જાહેર કરાયેલ અજાણ્યા સ્ત્રોતોમાંથી કુલ આવક કરતાં રૂ. 149.86 કરોડ વધુ છે.
TMCએ શું કહ્યું?
TMCએ અહેવાલ આપ્યો છે કે તેને અજાણ્યા સ્ત્રોતોમાંથી રૂ. 528 કરોડની આવક મળી છે, જે રાષ્ટ્રીય રાજકીય પક્ષોની કુલ આવકના 24.31 ટકા છે. રિપોર્ટ અનુસાર, 2004-05 અને 2021-22 ની વચ્ચે રાષ્ટ્રીય પક્ષોને અજ્ઞાત સ્ત્રોતોથી કુલ 17,249.45 કરોડ રૂપિયાની આવક મળી છે. ADR મુજબ, કોંગ્રેસ અને NCPની 2004-05 અને 2021-22 માટે કૂપનના વેચાણમાંથી કુલ આવક રૂ. 4,398.51 કરોડ છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)