Ayodhya News: 3 દિવસમાં અયોધ્યા છોડે ચંપત રાય-અનિલ મિશ્રા, જાણો કોણે આપ્યું અલ્ટીમેટમ?

Ayodhya News: અયોધ્યા રામ મંદિરના દાનમાં થયેલી ચોરી અને ગરબડના મામલામાં હવે અયોધ્યા બાર એસોસિએશન (Ayodhya Bar Association) ની એન્ટ્રી થઈ ગઈ છે.

અયોધ્યા રામ મંદિર દાન ચોરી

Source : IANS

Show Quick Read

Key points generated by AI, verified by newsroom

• અયોધ્યા બાર એસોસિએશને ટ્રસ્ટ સભ્યોને 3 દિવસમાં શહેર છોડવા કહ્યું.
• ન છોડે તો સમગ્ર અયોધ્યા જામ કરવાની ચીમકી અપાઈ.
• આરોપીઓનો પક્ષ રાખનાર વકીલને 5 લાખ દંડ, કાનૂની પગલાં.
• બાર એસોસિએશને સમગ્ર કૌભાંડની સીબીઆઈ તપાસની માંગ કરી.

Ayodhya News: અયોધ્યા રામ મંદિરના દાનમાં થયેલી ચોરી અને ગરબડના મામલામાં હવે અયોધ્યા બાર એસોસિએશન (Ayodhya Bar Association) ની એન્ટ્રી થઈ ગઈ છે. બાર એસોસિએશને રામ મંદિર ટ્રસ્ટ સાથે જોડાયેલા ચંપત રાય, અનિલ મિશ્રા અને ગોપાલ રાયને આગામી 3 દિવસની અંદર અયોધ્યા છોડી દેવાનું કડક અલ્ટીમેટમ આપ્યું છે. આ સાથે જ બાર એસોસિએશનના સભ્યોએ ચેતવણી આપી છે કે જો આવું નહીં થાય તો આખી અયોધ્યા નગરીને જામ કરી દેવામાં આવશે અને કોઈને પણ અયોધ્યાની અંદર પ્રવેશવા દેવામાં આવશે નહીં.

 

વાસ્તવમાં, અયોધ્યા બાર એસોસિએશને વકીલોની એક મહત્વની બેઠકમાં આ મોટું એલાન કર્યું છે. બાર એસોસિએશનની બેઠકમાં વકીલોએ એકસૂરે જણાવ્યું કે, ચંપત રાય, અનિલ મિશ્રા અને ગોપાલ રાયે રામ નગરી છોડવી પડશે. જો તેઓ 3 દિવસની અંદર અયોધ્યા નહીં છોડે, તો સમગ્ર શહેરમાં ચક્કાજામ કરવામાં આવશે અને કોઈને પણ અયોધ્યામાં આવવા દેવામાં નહીં આવે.

આરોપીઓનો પક્ષ રાખનારા વકીલ પર લાગશે મોટો દંડ

અયોધ્યા બાર એસોસિએશનના પ્રમુખ કાલિકા પ્રસાદ મિશ્રાએ જણાવ્યું છે કે, "કોઈપણ સ્થાનિક વકીલ આ કેસના આરોપીઓનો પક્ષ કોર્ટમાં રાખશે નહીં (તેમનો કેસ લડશે નહીં). જો કોઈ વકીલ આ નિયમ તોડીને તેમનો પક્ષ લેશે, તો તેણે એસોસિએશનના ફંડમાં પ્રતિ નામ 5 લાખ રૂપિયાનો દંડ જમા કરાવવો પડશે. આ ઉપરાંત ચંપત રાય, ગોપાલ રાય અને અનિલ મિશ્રા વિરુદ્ધ કેસ નોંધવા માટે CrPC ની કલમ 173 હેઠળ કાનૂની કાર્યવાહી શરૂ કરવામાં આવશે."   

બાર એસોસિએશનના પ્રમુખે કરી સીબીઆઈ (CBI) તપાસની માંગ

બાર એસોસિએશનના પ્રમુખ કાલિકા પ્રસાદ મિશ્રાએ વધુમાં જણાવ્યું છે કે, "આ સમગ્ર કૌભાંડની સીબીઆઈ (CBI) તપાસ થાય તેવી માંગ કરવામાં આવશે. જો જરૂર પડશે તો, અયોધ્યા એડવોકેટ્સ એસોસિએશન (વકીલ મંડળ) પોતાના ખર્ચે સુપ્રીમ કોર્ટ અને હાઈકોર્ટના દરવાજા ખખડાવશે." રામ મંદિરમાં દાન અને દાનની ચોરીનો આ મામલો અત્યારે દેશભરમાં ભારે ચર્ચામાં છે, તેવામાં હવે સ્થાનિક વકીલોના આ આકરા વલણે મામલાને વધુ ગંભીર બનાવી દીધો છે.                     

આ પણ વાંચો

IRCTC ની ધમાકેદાર ઓફર! ચોમાસામાં ખૂબ જ સસ્તામાં માણો સાઉથ ઈન્ડિયાની સફર, નોંધી લો આખો ટૂર પ્લાન

Weather Update: દેશના 15 રાજ્યોમાં ભારે વરસાદ અને વાવોઝોડાનું એલર્ટ, હવામાન વિભાગની ચેતવણી