Baba Siddique Murder Case: બાબા સિદ્દીકી હત્યા કેસમાં ચોંકાવનારો ખુલાસો,લોરેન્સ બિશ્નોઈ ગેંગના નક્સલ કનેક્શનની શક્યતા

Baba Siddique Murder Case: મહારાષ્ટ્રના પૂર્વ મંત્રી બાબા સિદ્દીકીની હત્યા કેસના આરોપી ગૌરવે જણાવ્યું કે તે ઝારખંડના નક્સલ પ્રભાવિત વિસ્તારમાં ગયો હતો, જ્યાં કોઈએ તેને એકે-47 આપી હતી.

બાબા સિદ્દીકી મર્ડર કેસ

Source : PTI

Baba Siddique Murder Case Update: મહારાષ્ટ્રના પૂર્વ મંત્રી અને એનસીપીના દિગ્ગજ નેતા બાબા સિદ્દીકીની હત્યા કેસમાં એક ચોંકાવનારો ઘટસ્ફોટ સામે આવ્યો છે. લોરેન્સ બિશ્નોઈ ગેંગના નક્સલ કનેક્શન હોવાની શંકા છે. માહિતી આપતાં, મુંબઈ પોલીસના સૂત્રોએ જણાવ્યું કે, આ કેસમાં ધરપકડ કરાયેલા ત્રણ આરોપીઓ, ગૌરવ અપુને, રૂપેશ મોહોલ અને શુભમ લોંકર, ફાયરિંગની પ્રેક્ટિસ કરવા પૂણેથી ઝારખંડ ગયા હતા.

માહિતી અનુસાર, આરોપી ગૌરવે જણાવ્યું કે તે ઝારખંડના નક્સલ પ્રભાવિત વિસ્તારમાં ગયો હતો, જ્યાં કોઈએ તેને એકે-47 આપી હતી. પોલીસે જણાવ્યું કે ત્રણેય આ એકે-47 વડે ફાયરિંગની પ્રેક્ટિસ કરી હતી. એક વરિષ્ઠ અધિકારીએ કહ્યું કે આ ખૂબ જ ગંભીર બાબત છે કે જો લોરેન્સ ગેંગ અને નક્સલ સાથે કામ કરી રહ્યા છે તો અમે આ એંગલથી પણ તેની તપાસ કરી રહ્યા છીએ.

અમે નક્સલ કનેક્શનની તપાસ કરી રહ્યા છીએ- પોલીસ

એક અધિકારીએ કહ્યું કે આ એક એવો વિસ્તાર છે જે નક્સલ પ્રભાવિત છે અને આ રીતે અદ્યતન હથિયાર (AK-47) વડે ગોળીબારની પ્રેક્ટિસ કરવી ખૂબ જ અસામાન્ય છે. આ કારણોસર, અમે હવે આ એંગલની પણ તપાસ કરી રહ્યા છીએ. શું તેમનો નક્સલવાદીઓ સાથે કોઈ સંબંધ છે કે કોઈ નક્સલી તેમને મદદ કરી રહ્યો છે કે પછી તેમના સિવાય બીજું કોઈ છે?

બાબા સિદ્દીકીની હત્યા કેસમાં અત્યાર સુધીમાં 18ની ધરપકડ કરવામાં આવી છે

NCP નેતા બાબા સિદ્દીકીની હત્યાની તપાસ ચાલી રહી છે. પોલીસે ગુરુવારે (7 નવેમ્બર) વધુ બે લોકોની ધરપકડ કરી હતી. આ હત્યા કેસમાં અત્યાર સુધીમાં 18 લોકોની ધરપકડ કરવામાં આવી છે. અધિકારીએ જણાવ્યું કે પુણે શહેરના કર્વેનગર વિસ્તારના રહેવાસી આદિત્ય ગુલંકર (22) અને રફીક નિયાઝ શેખ (22)ની અટકાયત કરવામાં આવી છે. પોલીસના જણાવ્યા અનુસાર, કથિત કાવતરાખોરો પૈકી એક પ્રવીણ લોંકર અન્ય આરોપી રૂપેશ મોહોલના સંપર્કમાં હતો.

તમને જણાવી દઈએ કે લોંકર અને મોહોલની ધરપકડ થઈ ચૂકી છે. બંનેએ ગુલનાકર અને શેખને દારૂગોળા સાથે 9 એમએમની પિસ્તોલ કથિત રીતે આપી હતી, જેનો ઉપયોગ ગુનામાં કરવાનો હતો. તપાસ દરમિયાન પિસ્તોલ મળી આવી છે, જ્યારે દારૂગોળા શોધવાના પ્રયાસો ચાલુ છે. ઉલ્લેખનીય છે કે મહારાષ્ટ્રના પૂર્વ મંત્રી સિદ્દીકીની 12 ઓક્ટોબરે મુંબઈના બાંદ્રા વિસ્તારમાં ગોળી મારીને હત્યા કરવામાં આવી હતી.

આ પણ વાંચો...