Bengal SSC Scam: પાર્થ ચેટર્જીને 18 ઓગસ્ટ સુધી  ન્યાયિક  કસ્ટડીમાં મોકલાયા

પશ્ચિમ બંગાળના ભૂતપૂર્વ પ્રધાન પાર્થ ચેટર્જી અને તેમની સહાયક અર્પિતા મુખર્જીને આજે કોલકાતાની સિટી સેશન્સ કોર્ટમાં રજૂ કરવામાં આવ્યા હતા.

પાર્થ ચેટર્જી

Bengal Teacher Recruitment Scam: પશ્ચિમ બંગાળના ભૂતપૂર્વ પ્રધાન પાર્થ ચેટર્જી અને તેમની સહાયક અર્પિતા મુખર્જીને આજે કોલકાતાની સિટી સેશન્સ કોર્ટમાં રજૂ કરવામાં આવ્યા હતા. કોર્ટે બંનેને 18 ઓગસ્ટ સુધી ન્યાયિક કસ્ટડીમાં મોકલી દીધા છે. અગાઉ, કોલકાતાની વિશેષ અદાલતે બુધવારે પૂર્વ મંત્રી પાર્થ ચેટર્જી અને અર્પિતા મુખર્જીની એન્ફોર્સમેન્ટ ડિરેક્ટોરેટ (ED) કસ્ટડી 5 ઓગસ્ટ સુધી લંબાવી હતી. આજે બંનેની કસ્ટડીનો સમય પૂરો થયો હતો.

પાર્થ ચેટર્જી અને તેની સહયોગી અર્પિતા ચેટર્જીની 25 જુલાઈએ સ્કૂલ ટીચરની ભરતી કેસની તપાસના સંબંધમાં ધરપકડ કરવામાં આવી હતી. આજની સુનાવણીમાં અર્પિતા મુખર્જીના વકીલે કહ્યું કે તેના જીવને ખતરો છે. અમે તેના માટે ડિવિઝન 1 કેદીની શ્રેણી ઈચ્છીએ છીએ. તેના ખોરાક અને પાણીની પહેલા તપાસ કરવી જોઈએ અને પછી તેને આપવામાં આવે છે. EDના વકીલે એ દલીલને પણ સમર્થન આપ્યું હતું કે તેમની સુરક્ષા માટે ખતરો છે કારણ કે 4 થી વધુ કેદીઓને રાખી શકાય નહીં.

પાર્થ ચેટર્જીના વકીલે આ દલીલ કરી હતી

બીજી તરફ, પાર્થ ચેટર્જીના વકીલે કહ્યું કે જ્યારે 22 જુલાઈએ EDએ આ કેસમાં તેમના ઘરે દરોડા પાડ્યા હતા, ત્યારે કંઈપણ મળ્યું ન હતું. જો તમે એવા વ્યક્તિને પૂછવાનો પ્રયત્ન કરો કે જે ગુનામાં સામેલ નથી, તો તે સ્પષ્ટપણે  સહકાર નહી કરે. ચેટરજીના વકીલે જામીન અરજી દાખલ કરી હતી. EDએ આનો વિરોધ કરતા કહ્યું કે, જેલ કસ્ટડી જરૂરી છે. પાર્થ ચેટર્જીના વકીલે કહ્યું કે આ મામલામાં કોઈ આગળ આવ્યું નથી અને ન તો કોઈએ કહ્યું છે કે તેણે લાંચ માંગી હતી.

અર્પિતા મુખર્જી પાસેથી કરોડો રૂપિયા વસૂલ કરવામાં આવ્યા છે

આ મામલામાં EDએ અર્પિતા મુખર્જીના અનેક ઘરો પર દરોડા પાડીને લગભગ 50 કરોડ રૂપિયાની રોકડ અને સોનું જપ્ત કર્યું છે. EDને શંકા છે કે આ રકમ શિક્ષક ભરતી કૌભાંડ સાથે સંબંધિત છે. જ્યારે આ કથિત કૌભાંડ થયું ત્યારે પાર્થ ચેટર્જી રાજ્યના શિક્ષણ મંત્રી હતા. પાર્થ ચેટર્જીએ જપ્ત થયેલી રોકડ વિશે કહ્યું છે કે તે પૈસા તેમના નથી. પાર્થ ચેટ્જીને બંગાળ કેબિનેટમાંથી હટાવી દેવામાં આવ્યા છે, જ્યારે ટીએમસીએ પણ તેમને સસ્પેન્ડ કરી દીધા છે.