![ABP Premium](https://cdn.abplive.com/imagebank/Premium-ad-Icon.png)
બિહારનો આ વાળંદ ફેન્ટસી લીગમાં જીત્યો 1 કરોડ રૂપિયા, જાણો કોને કોને લીધા હતા ટીમમાં ?
કરોડપતિ બન્યા બાદ અશોકે કહ્યું કે તે આખી રાત ખુશીથી સૂઈ શક્યો ન હતો. જે કામ સાથે તે અહીં પહોંચ્યો છે તે કામ તે ક્યારેય છોડશે નહીં.
![બિહારનો આ વાળંદ ફેન્ટસી લીગમાં જીત્યો 1 કરોડ રૂપિયા, જાણો કોને કોને લીધા હતા ટીમમાં ? Bihar Madhubani's man who runs a salon won Rs 1 crore in 'Dream 11' made by investing 50 rupees બિહારનો આ વાળંદ ફેન્ટસી લીગમાં જીત્યો 1 કરોડ રૂપિયા, જાણો કોને કોને લીધા હતા ટીમમાં ?](https://feeds.abplive.com/onecms/images/uploaded-images/2021/09/30/510e642eee6f658a92b95bb093c8af0f_original.jpg?impolicy=abp_cdn&imwidth=1200&height=675)
મધુબની: કોઈએ સાચું જ કહ્યું છે, ‘ભગવાન આપે છે ત્યારે છપ્પર ફાડ કે’ આપે છે. આવી જ એક ઘટના બિહારમાં સામે આવી છે. અશોક કુમાર ઠાકુર નાનૌર ચોકમાં સલૂન ચલાવે છે અને ક્રિકેટ પ્રત્યેના તેના જુસ્સાએ તેને રાતોરાત કરોપડતિ બનાવી દીધો છે. અશોક ઠાકુરે IPL માં ડ્રીમ ઇલેવનમાં ટીમ બનાવીને એક કરોડ રૂપિયાનું ઇનામ જીત્યું છે.
તેની સફળતા પર સંબંધીઓ સહિત મિત્રો અને શુભેચ્છકોમાં ખુશીની લહેર છે. અશોક ઠાકુર, મૂળ મધુબની જિલ્લાના ઝાંઝરપુર બ્લોકના અરરિયા સંગ્રામના રહેવાસી છે અને ખૂબ જ ગરીબ પરિવારમાંથી આવે છે. તે નાનૌર ચોકમાં નાનું સલૂન ચલાવીને પોતાની અને પરિવારનું ગુજરાન ચલાવે છે.
પોતાની સફળતા વિશે અશોકે જણાવ્યું કે તેણે રવિવારે રાત્રે ચેન્નઈ અને કોલકાતાની આઈપીએલ મેચમાં 49 રૂપિયાનું રોકાણ કરીને ડ્રીમ ઈલેવનમાં ટીમ બનાવીને પોતાનું નસીબ અજમાવ્યું હતું. તેના દ્વારા બનાવેલા તમામ ખેલાડીઓએ શ્રેષ્ઠ પ્રદર્શન કર્યું અને તેને કરોડપતિ બનાવ્યો હતો.
અશોકને 30 ટકા ટેક્સ બાદ 70 લાખની રકમ મળશે. કરોડપતિ બન્યા બાદ અશોકે કહ્યું કે તે આખી રાત ખુશીથી સૂઈ શક્યો ન હતો. જે કામ સાથે તે અહીં પહોંચ્યો છે તે કામ તે ક્યારેય છોડશે નહીં. આ પૈસાથી તે પહેલા તેનું દેવું ચૂકવશે અને ઘર બનાવશે.
અશોકની આ સફળતા પર પિતા મહેશ કુમાર, માતા, ભાઈ અને પત્ની અને બાળકોએ અશોકની સફળતા પર ખુશી વ્યક્ત કરી છે. સ્થાનિક સામાજિક કાર્યકરો રામચંદ્ર યાદવ, શૈલેન્દ્ર કુમાર મિશ્રા, યુવા જેડીયુ બ્લોક પ્રમુખ રમણકુમાર મિશ્રા, મહેન્દ્ર ઠાકુર, બહાદુર ઠાકુર વગેરેએ તેમને અશોકના કરોડપતિ બનવા બદલ અભિનંદન પાઠવ્યા છે.
અશોકે જણાવ્યું હતું કે તેમનો પ્રથમ ક્રમ રાત્રે લગભગ 11.30 વાગ્યે સમાપ્ત થતાં જ આવ્યો હતો. ડ્રીમ ઇલેવન વતી તરત જ તેમને મેસેજ અને ફોન દ્વારા કરોડપતિ બનવાની માહિતી આપીને અભિનંદન પાઠવવામાં આવ્યા હતા.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)