Bismah Maroof Pakistan Captain: વર્લ્ડકપમાં કારમી હાર બાદ પાકિસ્તાની કેપ્ટન બિસ્માહ મારૂફે આપ્યું રાજીનામું

કેપ્ટન તરીકે બિસ્માહની છેલ્લી ટુર્નામેન્ટ દક્ષિણ આફ્રિકામાં ICC મહિલા T20 વર્લ્ડ કપ હતી

ફોટોઃ ટ્વિટર

Bismah Maroof Pakistan Captain: તાજેતરમાં દક્ષિણ આફ્રિકા દ્વારા આયોજિત ICC મહિલા T20 વર્લ્ડકપ 2023માં પાકિસ્તાનની ટીમ ખૂબ જ ખરાબ સ્થિતિમાં હતી. ટીમ ગ્રુપ સ્ટેજમાં તે 4માંથી ત્રણ મેચ હારી ગઈ હતી અને સેમિફાઈનલમાં પહોંચી શકી નહોતી. પાકિસ્તાનને ભારતીય ટીમના હાથે પણ કારમી હારનો સામનો કરવો પડ્યો હતો.

There has been no bigger honour for me than leading the 🇵🇰 team. Now, I feel that it is the right time for a transition and chance to groom a young captain. I will always be there to assist, guide and support the team and the young captain in every way. Pakistan Zindabad!

— Bismah Maroof (@maroof_bismah) March 1, 2023

મહિલા ટી-20 વર્લ્ડ કપમાં ખરાબ હાલત બાદ પાકિસ્તાન મહિલા ટીમની કેપ્ટન બિસ્માહ મારૂફે પોતાના પદ પરથી રાજીનામું આપી દીધું છે. તે 6 વર્ષ સુધી ટીમની કેપ્ટન રહી હતી. પરંતુ વર્લ્ડ કપમાં ખરાબ હાર બાદ તેણે સંપૂર્ણ જવાબદારી પોતાના પર લઈ લીધી છે.

34 ODI અને 62 T20 મેચોમાં કેપ્ટન્સી કરી

કેપ્ટન તરીકે બિસ્માહની છેલ્લી ટુર્નામેન્ટ દક્ષિણ આફ્રિકામાં ICC મહિલા T20 વર્લ્ડ કપ હતી, જેમાં ટીમ ચારમાંથી ત્રણ ગ્રુપ મેચ હારીને સેમિફાઇનલમાં પહોંચવામાં નિષ્ફળ રહી હતી. ગ્રુપ મેચમાં પણ ટીમને કટ્ટર હરીફ ભારત સામે હારનો સામનો કરવો પડ્યો હતો.

31 વર્ષીય બિસ્માહએ મહિલા ટીમ સાથે અત્યાર સુધીમાં 124 ODI અને 132 T20 ઈન્ટરનેશનલ રમી છે, જેમાંથી તેણે 34 ODI (16 જીત) અને 62 T20 ઈન્ટરનેશનલ (27 જીત)માં ટીમનું નેતૃત્વ કર્યું છે. પાકિસ્તાન ક્રિકેટ બોર્ડ (PCB) એ બુધવારે જાહેર કરેલા એક નિવેદનમાં જણાવ્યું હતું કે, જોકે તે ખેલાડી તરીકે પસંદગી માટે ઉપલબ્ધ રહેશે.

નવા કેપ્ટનના નામની જાહેરાત ટૂંક સમયમાં કરવામાં આવશે

બિસ્માહને સપ્ટેમ્બર 2017 માં તમામ ફોર્મેટમાં પાકિસ્તાનની મહિલા ટીમના કેપ્ટન તરીકે નિયુક્ત કરવામાં આવી હતી અને પીસીબીએ કહ્યું હતું કે યોગ્ય સમયે નવા કેપ્ટનના નામની જાહેરાત કરવામાં આવશે.

બિસ્માહે કહ્યું, 'મારા દેશની કેપ્ટનશિપ કરવી મારા માટે સન્માનની વાત છે અને હું ભાગ્યશાળી છું કે મેં આવા તેજસ્વી અને મહેનતુ ક્રિકેટરોનું નેતૃત્વ કર્યું છે. આ એક અદ્ભુત સફર રહી છે જે ઉતાર-ચઢાવથી ભરેલી છે. પરંતુ અંતે, મને આ તક આપવા માટે હું અલ્લાહનો આભાર માનું છું.