![ABP Premium](https://cdn.abplive.com/imagebank/Premium-ad-Icon.png)
Presidential Election 2022: રાષ્ટ્રપતિ ચૂંટણીમાં કોન હશે ઉમેદવાર? ભાજપની બેઠક શરુ, PM મોદી પણ હાજર
આ બેઠકમાં પીએમ મોદી, ભાજપના રાષ્ટ્રીય અધ્યક્ષ જેપી નડ્ડા, રક્ષા મંત્રી રાજનાથ સિંહ, નીતિન ગડકરી અને શિવરાજ સિંહ ચૌહાણ સહિત પાર્ટીના ઘણા વરિષ્ઠ નેતાઓ સામેલ થયા છે.
![Presidential Election 2022: રાષ્ટ્રપતિ ચૂંટણીમાં કોન હશે ઉમેદવાર? ભાજપની બેઠક શરુ, PM મોદી પણ હાજર bjp parliamentary board meeting going on to decide party candidate for presidential election pm modi also present Presidential Election 2022: રાષ્ટ્રપતિ ચૂંટણીમાં કોન હશે ઉમેદવાર? ભાજપની બેઠક શરુ, PM મોદી પણ હાજર](https://feeds.abplive.com/onecms/images/uploaded-images/2022/06/21/334e4facb2315a609b853eefd76b1cd5_original.jpg?impolicy=abp_cdn&imwidth=1200&height=675)
Presidential Election 2022: રાષ્ટ્રપતિની ચૂંટણીને લઈને રાજકીય માહોલ ગરમાયો છે. આ સંબંધમાં આજે ભાજપ સંસદીય બોર્ડની બેઠક યોજાઈ રહી છે. આ બેઠકમાં પીએમ મોદી, ભાજપના રાષ્ટ્રીય અધ્યક્ષ જેપી નડ્ડા, રક્ષા મંત્રી રાજનાથ સિંહ, નીતિન ગડકરી અને શિવરાજ સિંહ ચૌહાણ સહિત પાર્ટીના ઘણા વરિષ્ઠ નેતાઓ સામેલ થયા છે.
ભાજપની આ ઉચ્ચસ્તરીય બેઠકમાં પ્રમુખ પદના ઉમેદવારના નામ પર મંથન થઈ રહ્યું છે. માનવામાં આવે છે કે સંસદીય દળની બેઠક બાદ ભાજપ રાષ્ટ્રપતિ પદના ઉમેદવારના નામની જાહેરાત કરી શકે છે.
સંસદીય બોર્ડની બેઠક પહેલા, કેન્દ્રીય પ્રધાનો અમિત શાહ અને રાજનાથ સિંહ અને પક્ષ પ્રમુખ જેપી નડ્ડા ઉપરાષ્ટ્રપતિ એમ વેંકૈયા નાયડુને મળ્યા હતા. આ બેઠક બાદ એવી અટકળો લગાવવામાં આવી રહી છે કે શું સત્તારૂઢ નેશનલ ડેમોક્રેટિક એલાયન્સ (NDA) તેમને (નાયડુ)ને રાષ્ટ્રપતિની ચૂંટણીમાં ઉમેદવાર બનાવવા પર વિચાર કરી રહી છે.
નડ્ડાએ રવિવારે બેઠક કરી હતી
રવિવારે બીજેપી અધ્યક્ષ જેપી નડ્ડાએ રાષ્ટ્રપતિની ચૂંટણી પર વિચારણા કરવા માટે એક મહત્વપૂર્ણ બેઠક કરી હતી. જેમાં મેનેજમેન્ટ ટીમના તમામ સભ્યો હાજર રહ્યા હતા. ભાજપ પ્રમુખ જેપી નડ્ડા અને સંરક્ષણ પ્રધાન રાજનાથ સિંહને પક્ષ તરફથી રાષ્ટ્રપતિની ચૂંટણીના ઉમેદવારને લઈને તમામ રાજકીય પક્ષો સાથે વાટાઘાટો કરવાની જવાબદારી સોંપવામાં આવી હતી. આ બંને નેતાઓએ રાષ્ટ્રપતિ પદના ઉમેદવારના નામ પર સર્વસંમતિ સાધવા માટે NCP પ્રમુખ શરદ પવાર, TMC સુપ્રીમો મમતા બેનર્જી, JDU પ્રમુખ નીતિશ કુમાર, BJD પ્રમુખ નવીન પટનાયક અને નેશનલ કોન્ફરન્સના પ્રમુખ ફારુક અબ્દુલ્લા સહિત ઘણા વરિષ્ઠ નેતાઓ સાથે વાત કરી હતી.
વિપક્ષે યશવંત સિન્હાને પોતાના ઉમેદવાર બનાવ્યા
બીજી તરફ એનસીપી પ્રમુખ શરદ પવારે આજે 19 વિપક્ષી પાર્ટીઓના નેતાઓની બેઠક બોલાવી હતી. આ બેઠકમાં તમામ વિરોધ પક્ષોના નેતાઓએ સર્વસંમતિથી રાષ્ટ્રપતિ પદના ઉમેદવાર માટે યશવંત સિન્હાના નામને સમર્થન આપ્યું હતું. યશવંત સિન્હા હવે 27 જૂને રાષ્ટ્રપતિ પદના ઉમેદવાર માટે નોમિનેશન ફાઈલ કરશે. તમને જણાવી દઈએ કે નવા રાષ્ટ્રપતિની ચૂંટણી 18 જુલાઈના રોજ થવાની છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)