By Election Result 2023: ભાજપે જીત સાથે ખોલાવ્યું ખાતું, આ રાજ્યની પેટા ચૂંટણીમાં થયો વિજય
Election Result: અરૂણાચલમાં ભાજપે વિજય મેળવ્યો છે.
Election Result: અરૂણાચલ પ્રદેશમાં પેટા ચૂંટણીમાં ભાજપની જીત થઈ છે. પેટા ચૂંટણીના પરિણામમાં ભાજપે જીત સાથે શરૂઆત કરી છે.
આજે, નાગાલેન્ડ, ત્રિપુરા, મેઘાલયની વિધાનસભા ચૂંટણીની સાથે, 6 વિધાનસભા બેઠકો પર યોજાયેલી પેટાચૂંટણીના પરિણામો હવેથી થોડા સમય પછી જાહેર કરવામાં આવશે. 27 ફેબ્રુઆરીએ તમામ બેઠકો પર મતદાન થયું હતું. આ વિધાનસભા બેઠકોમાં તમિલનાડુની ઈરોડ (પૂર્વ), પશ્ચિમ બંગાળની સાગરદિઘી, ઝારખંડની રામગઢ, કસ્બા પેઠ અને મહારાષ્ટ્રની ચિંચવડ બેઠકોનો સમાવેશ થાય છે.
તમિલનાડુની ઈરોડ (પૂર્વ) પેટાચૂંટણીમાં મુખ્ય મુકાબલો DMK સમર્થિત કોંગ્રેસના ઉમેદવાર EVKS Elangovan અને AIADMKના KS Thennarsaru વચ્ચે થવાની શક્યતા છે. ઈલાંગોવનના પુત્ર અને કોંગ્રેસના ધારાસભ્ય ઈ. તિરુમહન ઈવરાના અવસાનના કારણે આ બેઠક પર પેટાચૂંટણી યોજાઈ છે.
પશ્ચિમ બંગાળની સાગરદિઘી બેઠક માટે સત્તાધારી ટીએમસી, વિપક્ષી પાર્ટી ભાજપ અને કોંગ્રેસ-ડાબેરી ગઠબંધનના ઉમેદવારો મેદાનમાં છે. તૃણમૂલે દેબાશીષ બેનર્જીને અને ભાજપે દિલીપ સાહાને ઉમેદવાર બનાવ્યા છે. જ્યારે ડાબેરી પક્ષોએ કોંગ્રેસના ઉમેદવાર બાયરન બિસ્વાસને સમર્થન આપ્યું છે. ટીએમસી ધારાસભ્ય સુબ્રત સાહાના નિધન બાદ અહીં પેટાચૂંટણી યોજાઈ હતી.
ઝારખંડની રામગઢ સીટ પર મુખ્ય મુકાબલો ફોજદારી કેસમાં દોષિત કોંગ્રેસની મમતા દેવીના પતિ બજરંગ મહતો અને ભાજપ સમર્થિત AJSU ઉમેદવાર અને સાંસદ ચંદ્રપ્રકાશ ચૌધરીની પત્ની સુનીતા ચૌધરી વચ્ચે છે. મમતા દેવીની વિધાનસભાની સદસ્યતા રદ થયા બાદ આ બેઠક પર પેટાચૂંટણી કરાવવાની જરૂર ઉભી થઈ છે.
મહારાષ્ટ્રની કસ્બાપેઠ બેઠક પર ભાજપ અને કોંગ્રેસ વચ્ચે જંગ છે. ભાજપના હેમંત એન રાસણે અને કોંગ્રેસના રવિન્દ્ર ધાંગેકર મેદાનમાં છે. કોંગ્રેસના ઉમેદવારને એનસીપી અને શિવસેના ઉદ્ધવ બાળાસાહેબ ઠાકરેનું સમર્થન છે. ધારાસભ્ય મુક્તા શૈલેષ તિલકના નિધન બાદ આ બેઠક પર પેટાચૂંટણી યોજાઈ રહી છે. જ્યારે ધારાસભ્ય લક્ષ્મણ પાંડુરંગ જગતાપના નિધન બાદ ચિંચવડ સીટ પર પેટાચૂંટણી યોજાઈ છે.
ચિંચવડમાં ભાજપે સ્વર્ગસ્થ ધારાસભ્યની પત્ની અશ્વિની જગતાપને મેદાનમાં ઉતાર્યા છે. તેમનો મુકાબલો NCPના MVA ઉમેદવાર નાના કેટ સામે છે. અપક્ષ ઉમેદવાર રાહુલ કલાટે પણ જોરદાર ટક્કર આપતા જોવા મળી રહ્યા છે.
અરુણાચલ પ્રદેશની લુમલા વિધાનસભા સીટ પર, ભાજપે જામ્બે તાશીની પત્ની શેરિંગ લ્હામુને તેના ઉમેદવાર તરીકે ઉતાર્યા છે. તેમની સામે કોઈપણ પક્ષે ઉમેદવાર ઊભો રાખ્યો નથી, જેના કારણે તેઓ જીત્યા છે. વાસ્તવમાં અહીં લુમલા વિધાનસભા સીટના ધારાસભ્ય જામ્બે તાશીના નિધન બાદ પેટાચૂંટણી યોજાઈ હતી.
ટોપ સ્ટોરી
ટ્રેન્ડિંગ સમાચાર
