Byju’sના સ્થાપક બાયજુ રવિન્દ્રનને 6 મહિનાની જેલની સજા; જાણો શું છે સમગ્ર મામલો

Byju Raveendran Update: બાયજુના સ્થાપક બાયજુ રવિન્દ્રનને સિંગાપોરની એક કોર્ટે કોર્ટના તિરસ્કાર બદલ છ મહિનાની જેલની સજા ફટકારી છે. તેમના પર કોર્ટના અનેક આદેશોનો અનાદર કરવાનો આરોપ છે. કોર્ટે તેમના પર $70,500 નો દંડ પણ ફટકાર્યો છે.

બાયજુના સ્થાપક બાયજુ રવિન્દ્રનને કોર્ટે ફટકારી સજા

Source : social media

ભારતની એક સમયની પ્રખ્યાત એડટેક કંપની Byju’s ના સ્થાપક Byju Raveendran ને સિંગાપુરની અદાલતે અદાલતના આદેશનો અનાદર (Contempt of Court) કરવા બદલ 6 મહિનાની જેલની સજા ફટકારી છે. બ્લૂમબર્ગના અહેવાલ અનુસાર, આ તેમના માટે અત્યાર સુધીનો સૌથી મોટો કાનૂની ઝટકો માનવામાં આવે છે.

અદાલતે નોંધ્યું કે રવિન્દ્રને તેમની સંપત્તિ સંબંધિત અનેક અદાલતી આદેશોનું પાલન કર્યું નહોતું. એપ્રિલ 2024થી તેઓ વારંવાર આદેશોનું ઉલ્લંઘન કરતા હતા. અદાલતે તેમને સત્તાવાળાઓ સમક્ષ આત્મસમર્પણ કરવા, 90,000 સિંગાપુર ડોલર (અંદાજે 70,500 અમેરિકી ડોલર) ખર્ચ તરીકે ચૂકવવા અને Beeaar Investco Pte નામની કંપનીમાં પોતાની કાનૂની માલિકી સાબિત કરતા દસ્તાવેજો રજૂ કરવા કહ્યું છે.

હાલમાં તેઓ ક્યાં છે તે સ્પષ્ટ નથી. રવિન્દ્રને આ મામલે કોઈ પ્રતિભાવ આપ્યો નથી અને તેઓ સિંગાપુરમાં છે કે અન્યત્ર, તેની પણ માહિતી ઉપલબ્ધ નથી.

સજા પાછળનું કારણ

આ કોર્ટ કેસ કતાર ઇન્વેસ્ટમેન્ટ ઓથોરિટી (Qatar Investment Authority) ની એક સહાયક કંપની દ્વારા દાખલ કરવામાં આવ્યો હતો. આ સંસ્થાએ તે સમય દરમિયાન Byju’s માં રોકાણ કર્યું હતું જ્યારે કંપની કર્મચારીઓની છટણી અને ખર્ચ ઘટાડાની પ્રક્રિયામાં હતી.

કતાર હોલ્ડિંગ્સનું પ્રતિનિધિત્વ Drew and Napier દ્વારા કરવામાં આવ્યું હતું, જ્યારે Byju’s Investments તરફથી Fervent Chambers કોર્ટમાં હાજર રહી હતી.

અબજોપતિથી કાનૂની સંકટ સુધી

Byju Raveendran એ Think and Learn Pvt Ltd નામની કંપની સ્થાપી હતી, જે Byju’s બ્રાન્ડની મૂળ કંપની છે. એક સમયે તેઓ ભારતના સૌથી સફળ સ્ટાર્ટઅપ ઉદ્યોગપતિઓમાં ગણાતા હતા અને અબજોપતિ બન્યા હતા.

પરંતુ હવે પરિસ્થિતિ સંપૂર્ણ બદલાઈ ગઈ છે. અમેરિકાસહિત અનેક દેશોમાં રોકાણકારો અને લોનદાતાઓ તેમના વિરુદ્ધ દાવા કરી રહ્યા છે. ખાસ કરીને 1.2 અબજ ડોલરની લોન ડિફોલ્ટ થયા બાદ, આ મામલો ભારતીય સ્ટાર્ટઅપ ઇતિહાસના સૌથી મોટા નાણાકીય સંકટોમાંથી એક બની ગયો છે.

પોસ્ટર બોય
બાયજુ રવિન્દ્રનને એક સમયે ભારતીય સ્ટાર્ટઅપ સફળતાની વાર્તાઓનો પોસ્ટર બોય માનવામાં આવતો હતો. 2015 માં શરૂ થયેલા એડટેક પ્લેટફોર્મ, બાયજુની સફળતાએ તેમને રાતોરાત અબજોપતિ બનાવી દીધા. બાયજુએ 2019 માં યુનિકોર્નનો દરજ્જો મેળવ્યો, અને 2022 માં તેનું મૂલ્યાંકન $22 બિલિયન સુધી પહોંચ્યું. જોકે, આજે તેનું મૂલ્ય શૂન્ય છે. એપ્રિલ 2023 ની શરૂઆતમાં બાયજુ રવિન્દ્રનની નેટવર્થ પણ $2.1 બિલિયન હતી, પરંતુ આજે તેની નેટવર્થ શૂન્ય છે.