Chhattisgarh: છત્તીસગઢ-ઓડિશા બોર્ડર પર સુરક્ષાદળોને મળી મોટી સફળતા, 14 નક્સલીઓ ઠાર

Chhattisgarh Odisha border: એવું કહેવામાં આવી રહ્યું છે કે એન્કાઉન્ટર દરમિયાન એક સુરક્ષા કર્મચારી પણ ઘાયલ થયો હતો

પ્રતિકાત્મક તસવીર

Source : ફોટોઃ abp live

Chhattisgarh Odisha border: છત્તીસગઢના ગરિયાબંધમાં છેલ્લા 36 કલાકથી નક્સલીઓ અને સુરક્ષા દળો વચ્ચે એન્કાઉન્ટર ચાલી રહ્યું છે. અત્યાર સુધીમાં કુલ 14 નક્સલીઓના મોતની માહિતી સામે આવી છે. આ ઉપરાંત મોટી માત્રામાં હથિયારો પણ જપ્ત કરવામાં આવ્યા છે. એક રિપોર્ટ અનુસાર ગઈકાલે સવારથી કુલ્હાડીઘાટના ભાલુડિગ્ગીની પહાડીઓ પર સુરક્ષા દળો અને નક્સલવાદીઓ વચ્ચે એન્કાઉન્ટર ચાલી રહ્યું છે.

Chhattisgarh: 14 Naxals killed in encounter with police in Chhattisgarh-Odisha border

Read @ANI Story | https://t.co/kktSoixQHF#Chhattisgarh #Naxal #encounter #Gariaband pic.twitter.com/mzp3HZEVj6

— ANI Digital (@ani_digital) January 21, 2025

ગઈકાલે એન્કાઉન્ટર પછી હાથ ધરવામાં આવેલા સર્ચ ઓપરેશન દરમિયાન બે નક્સલીઓના મૃતદેહ મળી આવ્યા હતા, જેમાંથી એક મહિલા છે. આજે સવારે સૈનિકોએ 12 નક્સલીઓના મૃતદેહ બહાર કાઢ્યા હતા. ઘટનાસ્થળેથી ઘણા ઓટોમેટિક હથિયારો પણ મળી આવ્યા છે. સૂત્રોના જણાવ્યા અનુસાર, માર્યા ગયેલા નક્સલીઓમાં ઓડિશા રાજ્યમાં નક્સલીઓનો વડો જયરામ ઉર્ફે ચલપતિનો પણ સમાવેશ થાય છે, જેના માથા પર 1 કરોડ રૂપિયાનું ઇનામ હતું. આ એન્કાઉન્ટરમાં સીસીએમ મનોજ અને ગુડ્ડુ માર્યા ગયાના પણ સમાચાર છે.

#UPDATE | Chhattisgarh: So far, the bodies of more than 14 Naxalites have been recovered. Jayram alias Chalapathi, Central Committee member of Naxalite, carrying a bounty of Rs 1 crore, was also killed. Large quantities of weapons including automatic weapons like SLR Rifle have… https://t.co/eR1pv9KKX5

— ANI (@ANI) January 21, 2025

એવું કહેવામાં આવી રહ્યું છે કે એન્કાઉન્ટર દરમિયાન એક સુરક્ષા કર્મચારી પણ ઘાયલ થયો હતો, જેને એરલિફ્ટ કરીને રાયપુર લઈ જવામાં આવ્યો હતો. આ સંયુક્ત ઓપરેશન (ઓડિશા-છત્તીસગઢ સુરક્ષા દળો)માં લગભગ 1 હજાર સૈનિકોએ બંને રાજ્યોની સરહદો પર નક્સલવાદીઓને ઘેરી લીધા હતા.

गरियाबंद जिले के मैनपुर थाना अंतर्गत कुल्हाड़ीघाट क्षेत्र में सुरक्षाबलों की नक्सलियों के साथ रविवार रात से अब तक जारी मुठभेड़ में 10 से अधिक नक्सलियों के मारे जाने की खबर है।

मार्च 2026 तक देश-प्रदेश में नक्सलवाद के खात्मे के यशस्वी प्रधानमंत्री श्री नरेन्द्र मोदी जी एवं माननीय…

— Vishnu Deo Sai (@vishnudsai) January 21, 2025

ઓડિશા-છત્તીસગઢ સુરક્ષા દળોનું સંયુક્ત ઓપરેશન

માહિતી અનુસાર, છત્તીસગઢ અને ઓડિશા સુરક્ષા દળોની કુલ 10 ટીમો નક્સલવાદીઓ સામે સંયુક્ત ઓપરેશન ચલાવી રહી છે. શોધખોળ દરમિયાન નક્સલીઓના વધુ મૃતદેહ મળવાની શક્યતા છે. માર્યા ગયેલા નક્સલીઓના મૃતદેહોની ઓળખ હાલમાં કરવામાં આવી રહી છે.

નક્સલવાદીઓ સામે સુરક્ષા દળોની કાર્યવાહી

ઓડિશા અને છત્તીસગઢ સરહદ પર જંગલમાં મોટી સંખ્યામાં નક્સલવાદીઓની હાજરીની જાણ કરવામાં આવી હતી. આ માહિતી મળ્યા બાદ ઓડિશા અને છત્તીસગઢ પોલીસે મળીને 19 જાન્યુઆરીએ નક્સલવાદીઓ વિરુદ્ધ સંયુક્ત કાર્યવાહી શરૂ કરી હતી. કુલ્હાડી ઘાટ રિઝર્વ ફોરેસ્ટના ગાઢ જંગલોમાં સુરક્ષા દળોએ નક્સલીઓ સામે અત્યાર સુધીની સૌથી મોટી કાર્યવાહી હાથ ધરી હતી.

સુરક્ષા દળોનો દાવો છે કે આ એન્કાઉન્ટરમાં ઘણા વોન્ટેડ નક્સલી નેતાઓ માર્યા ગયા છે. છત્તીસગઢ અને ઓડિશા દળો દ્વારા એક સંયુક્ત ઓપરેશન હાથ ધરવામાં આવ્યું હતું, જેમાં કુલ 10 ટીમો સામેલ હતી. આ એન્કાઉન્ટરમાં ઓડિશાની ત્રણ ટીમો, છત્તીસગઢ પોલીસની બે ટીમો અને સીઆરપીએફની પાંચ ટીમો સામેલ હતી. એન્કાઉન્ટરની માહિતી મળતાં જ ફોર્સના વરિષ્ઠ અધિકારીઓ મૈનપુર પહોંચી ગયા છે. સમગ્ર વિસ્તારમાં ફોર્સ તૈનાત કરવામાં આવી છે. આ ઉપરાંત ત્રણ આઈડી પણ મળી આવ્યા છે.