Gujarat News: દિગ્ગજ કોંગ્રેસ નેતા ફૈઝલ પટેલે PM મોદીની કરી પ્રશંસા, ’હું કેટલીક વાતોથી અસમર્થ પરંતુ.....'

Gujarat News: ફૈઝલ પટેલે કોંગ્રેસમાં હતા ત્યારે પણ મોદી સરકાર, સશસ્ત્ર દળો અને વિદેશ મંત્રી જયશંકરની પ્રશંસા કરી હતી. તેમણે દેશની સુરક્ષા અને નેતૃત્વની પ્રશંસા કરી હતી અને સૈનિકો પર ગર્વ વ્યક્ત કર્યો હતો.

ફૈઝલ પટેલે પીએમ મોદીની કરી પ્રશંસા

Source : social media

Gujarat News:કોંગ્રેસના દિગ્ગજ નેતા અહેમદ પટેલના પુત્ર ફૈઝલ પટેલે એક એવું નિવેદન આપ્યું છે જેનાથી રાજકીય વર્તુળોમાં ચર્ચા શરૂ થઈ ગઈ છે. ફૈઝલ પટેલે સ્પષ્ટપણે કહ્યું કે, તેઓ કેટલાક મુદ્દાઓ પર કેન્દ્ર સરકાર સાથે અસંમત છે, પરંતુ સશસ્ત્ર દળો અને વિદેશ મંત્રી એસ. જયશંકરની પ્રશંસા કરી. એટલું જ નહીં, તેમણે પીએમ નરેન્દ્ર મોદીના નેતૃત્વ અને તેઓ જે રીતે નોકરશાહોને જવાબદારી આપે છે તેની પણ પ્રશંસા કરી.

કેટલીક બાબતો પર અસંમત છું, પણ સૈનિકો પર ગર્વ છે - ફૈઝલ

ફૈઝલ પટેલે કહ્યું, "હા, હું કોંગ્રેસનો ભાગ છું, તેથી હું વર્તમાન સરકારની ઘણી બાબતોને સંપૂર્ણપણે નકારી કાઢું છું. પરંતુ આપણા સશસ્ત્ર દળોએ ખૂબ સારું કામ કર્યું છે અને પીએમ મોદીએ સારું નેતૃત્વ બતાવ્યું છે અને દેશને એક મોટા સંકટમાંથી બહાર કાઢ્યો છે. આ એક મોટી વાત છે. મને આપણા સૈનિકો પર ગર્વ છે."

તેમણે વધુમાં કહ્યું કે, રાજકારણમાં ભલે અલગ અલગ વિચારો હોય, પણ દેશની સુરક્ષા અને સેનાની બહાદુરી સાથે કોઈ સમાધાન થઈ શકે નહીં. તેમના મતે, સૈનિકોની મહેનત અને બલિદાન દરેકને ગર્વ અનુભવે છે.                                                     

PM   મોદી અને જયશંકરના વખાણ

#WATCH | Congress stalwart Ahmed Patel’s Son, Faisal Patel, says, "... It can't be better than who's running the show (the central government)... The armed forces have done a great job, and PM Narendra Modi showed great leadership and brought us out of a huge crisis. It's a big… pic.twitter.com/ARQhKNfu7P

— ANI (@ANI) August 12, 2025

વિદેશ મંત્રી એસ. જયશંકર અંગે ફૈઝલ પટેલે કહ્યું કે, તેઓ તેમની કાર્ય કરવાની રીત અને વિદેશ નીતિ પરની તેમની પકડથી ખૂબ પ્રભાવિત છે. તેમણે કહ્યું, "મને જયશંકર પ્રત્યે ખૂબ માન છે."

આ ઉપરાંત, તેમણે પીએમ મોદીની નોકરશાહોની પસંદગી કરવાની અને તેમને મંત્રાલયોમાં નેતૃત્વની ભૂમિકાઓ આપવાની રીતને ઉત્તમ ગણાવી. ફૈઝલ પટેલ માને છે કે આવા પગલાથી વહીવટી કામગીરી મજબૂત બને છે અને નવી વિચારસરણીને તક મળે છે.

ફૈઝલ પટેલનું આ નિવેદન એવા સમયે આવ્યું છે, જ્યારે કોંગ્રેસ અને ભાજપ વચ્ચે રાજકીય મુકાબલો તીવ્ર બની રહ્યો છે. કોંગ્રેસનો ભાગ હોવા છતાં, કેન્દ્ર સરકાર અને પીએમ મોદીની ખુલ્લેઆમ પ્રશંસા કરવી પાર્ટીની અંદર અને બહાર ચર્ચાનો વિષય બની ગયો છે.