શું Priyanka Gandhi ને પણ રાજ્યસભામાં મોકલશે Congress? જાણો શું છે સમાચાર
Rajya Sabha Election 2022: કેટલાક નેતાઓએ કોંગ્રેસ મહાસચિવ પ્રિયંકા ગાંધીને રાજ્યસભામાં મોકલવાની માંગ ઉઠાવી છે. જોકે, આખરી નિર્ણય કોંગ્રેસ અધ્યક્ષા સોનિયા ગાંધીએ લેવાનો છે.
Rajya Sabha Election 2022: રાજ્યસભાના ઉમેદવારોના નામને લઈને કોંગ્રેસ (Congress)માં ચાલી રહેલી ઉગ્ર ચર્ચાઓ વચ્ચે પાર્ટીના મહાસચિવ પ્રિયંકા ગાંધી વાડ્રા (Priyanka Gandhi)ને રાજ્યસભામાં મોકલવાની શક્યતાને લઈને ચર્ચા ચાલી રહી છે. મોટો પ્રશ્ન એ છે કે શું આ અંગે નિર્ણય લેવામાં આવશે, શું કોંગ્રેસ પાર્ટી આ વખતે પ્રિયંકા ગાંધીને રાજ્યસભામાં મોકલશે?
સૂત્રો પાસેથી પ્રાપ્ત માહિતી અનુસાર, પાર્ટીના કેટલાક નેતાઓ આ વખતે મહાસચિવ પ્રિયંકા ગાંધીને રાજ્યસભામાં મોકલવાની તરફેણમાં છે અને આ અંગે કોંગ્રેસ અધ્યક્ષા સોનિયા ગાંધીને પણ લોબિંગ કર્યું છે. પાર્ટીના આ નેતાઓની દલીલ છે કે લોકસભાની ચૂંટણી હજુ દૂર છે અને આવી સ્થિતિમાં જો પ્રિયંકા ગાંધી જેવા મજબૂત અને પ્રભાવશાળી વક્તા સંસદની અંદર હાજર રહેશે તો તે ભાજપને ટક્કર આપવામાં ઘણી હદ સુધી સફળ થશે.
કોંગ્રેસ નેતાઓએ સોનિયા ગાંધીને વિનંતી કરી
તાજેતરમાં, સૂત્રોએ એબીપી ન્યૂઝને સંકેત આપ્યો હતો કે ટૂંક સમયમાં પ્રિયંકા ગાંધીની ભૂમિકા પણ વધશે. સૂત્રોના જણાવ્યા અનુસાર, પ્રિયંકા ગાંધીને રાજ્યસભામાં મોકલવાની ભલામણ કરી રહેલા કેટલાક નેતાઓએ આ સૂચન કોંગ્રેસ અધ્યક્ષ સોનિયા ગાંધીને પણ આપ્યું છે, પરંતુ તેમના પક્ષે હાલ સ્થિતિ સ્પષ્ટ કરવામાં આવી નથી.
રાજ્યસભા માટે અનેક નામોની ચર્ચા છે
Rajya Sabha Election 2022 માટે કોંગ્રેસ રાજ્યસભાના ઉમેદવારને લઈને ઘણા નામો પર ચર્ચા કરી રહી છે. જેમાં પૂર્વ નાણામંત્રી પી ચિદમ્બરમ, પાર્ટીના મહાસચિવ અજય માકન, મહાસચિવ અને મીડિયા પ્રભારી રણદીપ સુરજેવાલા, રાજ્યસભામાં વિપક્ષના પૂર્વ નેતા ગુલામ નબી આઝાદ, રાજસ્થાનના પૂર્વ સાંસદ ભંવર જિતેન્દ્ર સિંહ, પૂર્વ સાંસદ બદ્રી રામ જાખડ, કુલદીપ વિશ્નોઈનો સમાવેશ થાય છે. અજીત કુમાર અને સુબોધ કાન્ત સહાય જેવા નેતાઓના નામ સામેલ છે. સૂત્રોએ જણાવ્યું કે પૂર્વ કેન્દ્રીય મંત્રી જયરામ રમેશનું નામ નક્કી થઈ ગયું છે.
ટોપ સ્ટોરી
ટ્રેન્ડિંગ સમાચાર
